တရုတ်တစ်နိုင်ငံတည်းပေါ်လစီကို အမေရိကန် ဆက်လက်အလေးထားမည်

ဖေဖော်ဝါရီ ၁၀၊ ၂၀၁၇
M-Media

– အမေရိကန်နိုင်ငံက ကာလကြာရှည် လက်ခံထားခဲ့သည့် ‘တရုတ်တစ်နိုင်ငံတည်း ပေါ်လစီ’ ကို မိမိအစိုးရကလည်း အလေးထားသွားမည်ဟု အမေရိကန်သမ္မတ ဒေါ်နယ်ထရမ့်က တရုတ်သမ္မတ ရှီကျင့်ဖျင်ကို ယမန်နေ့ ဖုန်းခေါ်ဆိုမှုအတွင်း ပြောကြားလိုက်သည်။

ထရမ့်မှာ ဒီဇင်ဘာလက ထိုင်ဝမ်ကိုယ်ပိုင်အုပ်ချုပ်ခွင့်ရဒေသ သမ္မတနှင့် ဖုန်းပြောဆိုခဲ့ပြီး မိမိတို့အနေဖြင့် တရုတ်တစ်နိုင်ငံတည်းပေါ်လစီကို လက်ခံစရာမလိုအပ်ကြောင်း ပြောကြားခဲ့ပြီးနောက် တရုတ်နှင့် အမေရိကန်တို့အကြား ဆက်ဆံရေး တင်းမာခဲ့သည်။

“တရုတ်တစ်နိုင်ငံတည်းပေါ်လစီကို အလေးထားဖို့ သမ္မတရှီရဲ့ မေတ္တာရပ်ခံမှုကို သမ္မတထရမ့်က သဘောတူခဲ့ပါတယ်” ဟု ယမန်နေ့ည ခေါင်းဆောင်နှစ်ဦး ဖုန်းပြောဆိုမှုနှင့်ပတ်သက်၍ အိမ်ဖြူတော်၏ ထုတ်ပြန်ချက်တွင် ဖော်ပြထားသည်။

ထို့ပြင် ထရမ့်နှင့် ရှီတို့မှာ အခြားကိစ္စရပ်များကိုလည်း ဆွေးနွေးခဲ့ပြီး ရလဒ်များ အလွန်ကောင်းမွန်ကြောင်း ယခု စကားပြောဆိုမှုမှာ အလွန်ပင် အားရစရာကောင်းကြောင်း အိမ်ဖြူတော်က ထည့်သွင်း ပြောဆိုခဲ့သည်။

တရုတ်နိုင်ငံပိုင် ရုပ်သံက ထုတ်လွှင့်သွားခဲ့သည့် ကြေငြာချက်တွင် ရှီက ထရမ့်၏ ထိုရပ်တည်ချက်ကို ကြိုဆိုကြောင်း၊ မိမိတို့မှာ ပူးပေါင်းဆောင်ရွက်နိုင်မည့် မိတ်ဖတ်ဖြစ်သည်ဟု ယုံကြည်ကြောင်း ထည့်သွင်းပြောကြားခဲ့သည်။

ယခုကဲ့သို့ တရုတ်တစ်နိုင်ငံတည်းပေါ်လစီကိစ္စကို ဖြေရှင်းနိုင်ခဲ့ခြင်းက အမေရိကန်နှင့် တရုတ်တို့မှာ ပုံမှန်ဆက်ဆံရေး ပိုကောင်းလာနိုင်မည့် လက္ခဏာလည်း ဖြစ်သည်။

Ref: Aljazeera