ရုရှားပြဿနာကြောင့် ထရမ့်၏ လုံခြုံရေးအကြံပေး ရာထူးမှ နှုတ်ထွက်

ဖေဖော်ဝါရီ ၁၄၊ ၂၀၁၇
M-Media

ရာထူးမှ နှုတ်ထွက်သွားသည့် အမျိုးသား လုံခြုံရေးအကြံပေး မိုက်ကယ် ဖလင်း

– အမေရိကန်သမ္မ ဒေါ်နယ်ထရမ့် ရာထူးမယူခင်အချိန်တွင် ရုရှားအစိုးရ တာဝန်ရှိသူများနှင့် တွေ့ဆုံခဲ့သည်ဆိုသောကိစ္စကြောင့် ထရမ့်၏ လုံခြုံရေးအကြံပေး မိုက်ကယ် ဖလင်းမှာ ရာထူးမှ ယနေ့တွင် နှုတ်ထွက်သွားခဲ့ပြီဟု သိရသည်။

ဖလင်း၏ ထိုကဲ့သို့ ဆက်သွယ်မှုများက ၎င်း၏အခြေအနေကို အန္တရာယ်ရှိစေမည်ဟု တရားရေးဌာနက အစိုးရကို ပြီးခဲ့သည့် သီတင်းပတ်အနည်းငယ်က သတိပေးမှုပြုလုပ်ခဲ့သည်ဆိုသည့် သတင်း ထွက်ပြီး နောက်တစ်နေ့တွင် ယခုနှုတ်ထွက်မှု ပေါ်ပေါက်လာခြင်းဖြစ်သည်။

အမေရိကန်တွင် သာမန်နိုင်ငံသားတစ်ယောက်အနေဖြင့် တိုင်းပြည်၏ သံရေးတမန်ရေးကို ဆောင်ရွက်မှုမှာ တရားမ၀င်ပေ။

“အဖြစ်အပျက်တွေက မြန်ဆန်လွန်းတာကြောင့် ကံမကောင်းစွာနဲ့ဘဲ ရုရှားသံအမတ်နဲ့ ဖုန်းပြောဆိုမှုတွေနဲ့ စပ်လျဉ်းပြီး ရွေးချယ်ခံ ဒုတိယသမ္မတနဲ့ အခြားသူတွေကို မပြည့်မစုံ ပြောလိုက်မိပါတယ်။ နှုတ်ထွက်စာကို ကျွန်တော် တင်သွင်းလိုပြီး၊ ကမ္ဘာ့အလယ်မှာ အမေရိကန်ရဲ့ ခေါင်းဆောင်မှု အခန်းကဏ္ဍကို ထိန်းသိမ်းဖို့ အခြေခံကျတဲ့ နည်းလမ်းတွေနဲ့ အမေရိကန်ရဲ့ နိုင်ငံခြားရေး ပေါ်လစီကို ၃ ပတ်တာအတွင်းမှာ ဆန်းသစ်ခဲ့တဲ့ သမ္မတ ထရမ့်ဆီမှာ တာဝန်ထမ်းဆောင်ရတဲ့အတွက် ဂုဏ်ယူမိပါတယ်” ဟု ဖလင်းက ၎င်း၏ နှုတ်ထွက်စာတွင် ရေးသားခဲ့သည်။

လက်ရှိတွင် အိမ်ဖြူတာ်၏ အမျိုးသားလုံခြုံရေးကောင်စီ၏ ဦးစီးချုပ် ဗိုလ်ချုပ်ဟောင်း ကိသ် ကဲလ်လော့ဂ်ကို ယာယီ အမျိုးသားလုံခြုံရေးအကြံပေးအဖြစ် ခန့်အပ်ထားသည်။

ဖလင်းမှာ ထရမ့်၏ ယုံကြည်အကိုးစားရဆုံးသူ ဖြစ်ပြီး အမျိုးသားလုံခြုံရေးအကြံပေးရာထူးမှာလည်း အစိုးရတစ်ခု၏ အရေးပါဆုံး ရာထူးတစ်ခုဖြစ်သည်။

ရုရှားမှာ အမေရိကန် သမ္မတရွေးကောက်ပွဲအတွင်း အမေရိကန်အစိုးရ၏ ကွန်ပျူတာအချက်အလက်များကို ဖောက်ထွင်းမှု ရှိခဲ့သည်ဆိုသည့် စွပ်စွဲချက်များကို စုံစမ်းစစ်ဆေးမှုများ ပြုလုပ်နေသည့်အချိန်တွင် ဖလင်း၏ ထိုနှုတ်ထွက်မှုက ထရမ့်အတွက် အထိနာစေမည်ဖြစ်သည်။

ဖလင်းမှာ အမေရိကန်က ရုရှားအပေါ် ပြုလုပ်ထားသည့် ပိတ်ဆို့မှုများကို ဖယ်ရှားရေးအပါအ၀င် အမေရိကန်ဆိုင်ရာ ရုရှားသံအမတ်နှင့် အကြောင်းအရာ အများအပြားကို ပြောဆိုဆွေးနွေးခဲ့သည်ဟု ယူဆရသည်။

Ref: Aljazeera