ဥရောပတွင် ရေဒီယိုသတ္တုကြွမှု ပဟေဠိဖြစ်ဖွယ် မြင့်တက်

ဖေဖော်ဝါရီ ၂၂၊ ၂၀၁၇
M-Media

– ဥရောပတစ်ဝှမ်းတွင် ရေဒီယိုသတ္တုကြွမှုမှာ မြင့်တက်လာခဲ့ပြီး ထိုကိစ္စနှင့်ပတ်သက်၍ အာဏာပိုင်များက လူထုအား ထုတ်ဖော်ပြောကြားခြင်းမရှိဘဲ လျှို့ဝှက်ထားကြသည်ဟု သိရသည်။

လူများပြုလုပ်သည့် ရေဒီယိုသတ္တုကြွပစ္စည်း အိုင်အိုဒိုင်း-၁၃၁ (Iodine-131) ကြောင့် သတ္တုကြွမှု ဖြစ်ပေါ်လာခြင်းဖြစ်ပြီး ဇန်န၀ါရီလက နောဝေနိုင်ငံမြောက်ပိုင်းတွင် ထိုအခြေအနေကို တွေ့ရှိခဲ့ကာ ထိုနောက်ပိုင်း ဥရောပတစ်ခွင်တွင် ထပ်မံ တွေ့ရှိရခြင်းဖြစ်သည်။

သို့သော်လည်း အာဏာပိုင်များမှာ လတ်တလောအချိန်အထိ ထိုကိစ္စကို တရားဝင် ထုတ်ပြန်ပြောဆိုခြင်းမရှိဘဲ၊ မည်သည့်နေရာမှ ရေဒီယိုသတ္တုကြွကာ မည်သို့ ပြန့်နှံ့သည်ကို မသိရှိရခြင်းကြောင့် ဖြစ်နိုင်သည်။

အိုင်အိုဒိုင်း-၁၃၁ မှာ ပုံမှန်အားဖြင့် အခြားသော ရေဒီယိုသတ္တုကြွပစ္စည်းများနှင့်အတူ တွေ့ရလေ့ရှိပြီး၊ ၎င်း၏ လေထုထဲတွင် ရှိနေသည့် သက်တမ်းမှာလည်း တိုတောင်းသည်။ သို့သော်လည်း ယခုတွင် ထိုသတ္တုကြွပစ္စည်းတစ်ခုတည်း ဖြစ်နေပြီး ပမာဏတစ်ခုအထိ တွေ့ရှိရခြင်းကြောင့် မကြာသေးမီကမှ ထွက်လာခြင်းဖြစ်သည်ဟု မှတ်ယူနိုင်သည်။

လက်ရှိတွင် အမေရိကန်က အထူးလေယာဉ်များကို ဥရောသို့ စေလွှတ်ကာ ထိုရေဒီယိုသတ္တုကြွမှုများအား ရှင်းလင်းရန် ဆောင်ရွက်နေသော်လည်း အောင်မြင်မှု အနည်းငယ်သာ ရရှိသည်။

ထိုကိစ္စနှင့်ပတ်သက်၍ ခန့်မှန်းသတင်းများလည်း ထွက်နေပြီး ရုရှားက နျူလက်နက် လျှို့ဝှက်စမ်းသပ်မှုကြောင့် နော်ဝေနိုင်ငံမြောက်ပိုင်းတွင် ရေဒီယိုသတ္တုကြွမှုကို တွေ့ရခြင်း၊ အိုင်အိုဒိုင်း-၁၃၁ မှာ ကင်ဆာနှင့် အခြားသော ရောဂါများကို ကုသရာတွင် အသုံးပြုခြင်းကြောင့် ဆေးကုမ္ပဏီများမှ ထုတ်လွှတ်မှု ဖြစ်နိုင်ခြင်း စသည့် သတင်းများဖြစ်သည်။

သတ္တုကြွမှုမှာ လေအဟုန်နှင့်အတူ ပါသွားသောကြောင့် မည်သည့်နေရာမှလာသည်ကို အတိအကျ မပြောနိုင်သော်လည်း ဥရောပအရှေ့ခြမ်းမှ ဖြစ်နိုင်သည်ဟု ခန့်မှန်းထားသည်။

ပြင်သစ် နျူလုံခြုံရေးအဖွဲ့ French IRSN က လက်ရှိတွေ့ရသည့် ရေဒီယိုသတ္တုကြွမှု ပမာဏမှာ ခြိမ်းခြောက်မှု မရှိသေးဟု ပြောကြားခဲ့သည်။

Ref: Independent