စိုက်ပျိုးမွေးမြူးရေး ပြဿနာများအတွက် အစိုးရထံ ဖုန်းဆက် အကူအညီတောင်းနိုင်

မတ် ၆၊ ၂၀၁၇
M-Media

– လယ်ယာစိုက်ပျိုးရေးနှင့် ဆက်စပ်သည့် ပြဿနာများကို တောင်သူဦးကြီးများ မေးမြန်းအဖြေရှာနိုင်မည့် ဖုန်းလိုင်းတစ်ခုကို စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနက စီစဉ်ပေးထားသည်ဟု သိရသည်။

မတ်လ ၁ ရက်နေ့က စတင်ဝန်ဆောင်မှုပေးသည့် အဆိုပါဖုန်းလိုင်းမှာ ခေတ်မီစိုက်ပျိုးရေးနှင့် ကုန်ထုတ်လုပ်ရေး နည်းပညာများ၊ ထုတ်ပိုးမှုနည်းလမ်းများ၊ ပို့ဆောင်ရေးနည်းလမ်းများနှင့် ဈေးကွက် သတင်းအချက်အလက်များကို တောင်သူလယ်သမားများအား ထောက်ပံ့ပေးသွားမည်ဖြစ်သည်။

“စိုက်ပျိုးရေး ဦးစီးဌာနရဲ့ ဒီ call center ဟာ မျိုးစေ့နည်းပညာတွေ၊ ပင်ဖျက်ပိုးပြဿနာတွေ၊ မြေဆီနဲ့ မြေသြဇာအကြောင်းအရာတွေ အပါအ၀င် တောင်သူဦးကြီးတွေ၊ စိုက်ပျိုးရေးလုပ်ကိုင်နေသူတွေ၊ တစ်နိုင်တစ်ပိုင် စွန့်ဦးစီးပွားရေးပညာရှင်တွေ မေးမြန်းလာတဲ့ မေးခွန်းတွေအတွက် အရှင်းလင်းဆုံးနဲ့ အထိရောက်ဆုံး အဖြေတွေ ပေးသွားမှာဖြစ်ပါတယ်” ဟု ပြည်ထောင်စုဝန်ကြီး ဒေါက်တာအောင်သူက ပြောကြားခဲ့သည်။

ထို့ပြင် ယခုဆောင်ရွက်မှုမှာ နိုင်ငံတကာနှင့် ယှဉ်ပြိုင်နိုင်သော၊ ရေရှည်တည်တံ့သော စိုက်ပျိုးရေးနည်းစနစ် ဖွံ့ဖြိုးလာရေး၊ စားနပ်ရိက္ခာ ဖူလှုံစေခြင်းအားဖြင် လူထု၏ လူမှုစီးပွားအခြေအနေကို မြှင့်တင်ပေးရေး အားထုတ်မှုများ၏ တစ်စိတ်တစ်ပိုင်းဖြစ်သည်ဟု ၎င်းက ထည့်သွင်း ပြောဆိုခဲ့သည်။

အကူအညီလိုအပ်သူများအနေဖြင့် 01-2399555 နံပါတ်သို့ ရုံးဖွင့်ရက်များတွင် မနက် ၁၀ နာရီမှ ၃ နာရီအထိ မေးမြန်းနိုင်ပြီး Viber မှ အခမဲ့စာတိုများပို့၍လည်း မေးမြန်းနိုင်မည်ဖြစ်သည်။ တောင်သူလယ်သမားများ မေးမြန်းသည့် ပြဿနာများကို ချက်ခြင်း ဖြေကြားမှုမပြုနိုင်ပါက ကျွမ်းကျင်သူများထံ မေးမြန်းကာ ၂၄ နာရီအတွင်း ပြန်လည် ဖြေကြားပေးမည်ဖြစ်သည်။

ဝန်ကြီးဌာနမှာ Fecebook စာမျက်နှာတစ်ခုကိုလည်း ဖွင့်လှစ်ထားပြီး ထိုစာမျက်နှာတွင်လည်း မေးခွန်းများ မေးမြန်းခြင်း၊ အကူအညီတောင်းခံခြင်းများ ပြုလုပ်နိုင်သည်။

Ref : mmtimes