အိုဘားမား ဖုန်းကြားဖြတ်နားထောင်သည်ဟု ထရမ့်၏စွပ်စွဲမှု အထက်လွှတ်တော် ပယ်ချ

မတ် ၁၇၊ ၂၀၁၇
M-Media

– သမ္မတဟောင်း အိုဘားမားမှာ မိမိ၏ ဖုန်းပြောဆိုမှုများကို ကြားဖြတ်နားထောင်သည်ဆိုသည့် လက်ရှိသမ္မတ ဒေါ်နယ်ထရမ့်၏ စွပ်စွဲချက်များကို အထက်လွှတ်တော် စုံစမ်းစစ်ဆေးရေးကော်မရှင်က ပယ်ချလိုက်သည်ဟု သိရသည်။

ရီပက်ဘလစ်ကန် အထက်လွှတ်တော်အမတ် ရစ်ချက် ဘားရ်က ထုတ်ပြန်သောကြေငြာချက်တွင် Trump Tower မှာ ရွေးကောက်ပွဲမတိုင်ခင်နှင့် ရွေးကောက်ပြီးနောက်ပိုင်းတွင် စောင့်ကြည့်ခံရသည်ဆိုသော ‘မည်သည့်အထောက်အထားမှ မရှိ’ ဟု ပြောကြားခဲ့သည်။

ထရမ့်က အိုဘားမားမှာ ဒီဇင်ဘာရွေးကောက်ပွဲအတွက် မဲဆွယ်မှုပြုလုပ်နေစဉ်အတွင်း မိမိ၏ဖုန်းများကို ကြားဖြတ်နားထောင်ခဲ့သည်ဟု Fox News ၏ အတည်မပြုနိုင်သော ဖော်ပြချက်ကို ကိုးကား၍ စွပ်စွဲခဲ့သည်။ Fox News က အိုဘားမားမှာ ဗြိတိန်ရှိ GCHQ အီလက်ထရောနစ် စောင့်ကြည့်ထောက်လှမ်းရေး အေဂျင်စီကို အကူအညီတောင်းက ထရမ့်၏ လှုပ်ရှားမှုများကို စောင့်ကြည့်ခဲ့သည်ဟု ဖော်ပြခဲ့သည်။ သို့သော်လည်း ထိုစွပ်စွဲမှုမှာ လုံးဝ အဓိပ္ပါယ်မရှိဟု GCHQ က ပြန်လည်တုန့်ပြန်ခဲ့သည်။

ယခုကဲ့သို အထက်လွှတ်တော်ကော်မတီက စွပ်စွဲချက်များကို ပယ်ချခဲ့သော်လည်း ထရမ့်မှာ ၎င်း၏ ပြောကြားမှုဖက်မှ ဆက်လက်ရပ်တည်သွားမည်ဟု အိမ်ဖြူတော် ပြောရေးဆိုခွင့်ရှိသူ ရှောင် စပိုက်စာက ပြောကြားခဲ့ပြီး၊ အထက်လွှတ်တော်ကော်မတီက မည်သည့်အထောက်အထားမှ မတွေ့ဆိုသည့် ပြောကြားမှုကို လက်မခံဟုလည်း ဆိုသည်။

“ကျွန်တော်တို့ရရှိတဲ့အချက်အလက်ကို အခြေခံပြီးပြောရရင် Trump Tower ကို ၂၀၁၆ ခုနှစ် ရွေးကောက်ပွဲနေ့ မတိုင်ခင်ရော၊ ရွေးကောက်ပွဲအပြီးနောက်ပိုင်း အမေရိကန်အစိုးရရဲ့ အစိတ်အပိုင်းတစ်ခုခုက စောင့်ကြည့်ခဲ့တယ်ဆိုတဲ့ ဘယ်လိုအခြေအနေမျိုးကိုမှ မတွေ့ရပါဘူး” ဟု စုံစမ်းစစ်ဆေးရေးကော်မရှင် ဒုတိယဥက္ကဌ မာ့ခ် ၀ါနာနှင့် ပူးတွဲထုတ်ပြန်သော ကြေငြာချက်တွင် ဘားရ်က ထည့်သွင်းပြောကြားခဲ့သည်။

ကြာသာပတေးနေ့အစောပိုင်းကလည်း အောက်လွှတ်တော်ဥက္ကဌ ပေါလ် ရိုင်ယန်က ထိုကဲ့သို့ ဖုန်းကြားဖြတ်နားထောင်ခြင်းမျိုး မရှိခဲ့ဟု ပြောကြားခဲ့သည်။

Ref: BBC