ဆေးလိပ်သောက်သုံးမှုကို ပိုမိုထိန်းချုပ်ရန် မလေးရှား စဉ်းစားနေ

မတ် ၂၈၊ ၂၀၁၇
M-Media

– မလေးရှားအစိုးရမှာ နိုင်ငံအတွင်း ဆေးလိပ် စတင်သောက်သုံးနိုင်မည့် အသက်အရွယ်ကို ၂၁ နှစ်အထိ မြှင့်တင်ရန်အတွက် စဉ်းစားသွားမည်ဟု ယနေ့ပြုလုပ်သည့် လွှတ်တော်အစည်းအဝေးတွင် ကျန်းမာရေးဝန်ကြီးဌာန ဒုတိယ၀န်ကြီး ဒေါက်တာ ဟီလ်မီ ယဟ်ယာက ပြောကြားခဲ့သည်။

ထိုဆောင်ရွက်ချက် အပါအ၀င် ဆေးလိပ်နှင့် ဆေးရွက်ကြီးကို ထိန်းချုပ်မည့် ဥပဒေမူကြမ်းတစ်ခုကို လာမည့်နှစ်တွင် တင်သွင်းရန် ရှိနေသည်ဟုလည်း ၎င်းက ဆိုသည်။

“အဆိုပြုချက်တွေကို ဥပဒေရေးရာ တာဝန်ရှိသူတွေ လေ့လာဖို့အတွက် ပေးထားပြီးပါပြီ” ဟု လွှတ်တော်အမတ် နူရူလ် အစ်ဇာဟ် အန်ဝါရ်၏ မေးမြန်းမှုကို ယဟ်ယာက ဖြေကြားခဲ့သည်။

အန်ဝါရ်က ဆေးလိပ်ငွေ့၏ အကျိုးဆက်ကို ဆေးလိပ်မသောက်သူများ ခံစားနေရမှုအား ကာကွယ်ပေးရေး ဆောင်ရွက်ရန်လည်း အစိုးရကို တိုက်တွန်းခဲ့သည်။

ဆေးလိပ်နှင့် ဆေးရွက်ကြီး ထိန်းချုပ်ရေး ဥပဒေသစ်တွင် စားသောက်ဆိုင်များကဲ့သို့ နေရာများ၌ စီးကရက်ကြော်ငြာများ ထားရှိခြင်းနှင့်ပတ်သက်၍ ထိန်းချုပ်ရန် လေ့လာနေကြောင်း၊ ၁၉၈၃ ခုနှစ်ကတည်းက ပြဌာန်းခဲ့သည့် အစားအသောက်ထိန်းချုပ်ရေး ဥပဒေအောက်တွင် ပါဝင်သည့် ဆေးရွက်ကြီး ထိန်းချုပ်ရေး
ဥပဒေမှာ လျော့ရဲနေကြောင်း၊ အစိုးရက ဆေးလိပ်မသောက်ရေး လှုပ်ရှားမှုများကို ဆောင်ရွက်နေသော်လည်း အသက် ၁၈ နှစ်နှင့်အထက် ပြည်သူများတွင် ဆေးလိပ်သောက်သုံးမှု အလေ့အထကို မလျှော့ချနိုင်ကြောင်း ၀န်ကြီးက ထည့်သွင်းပြောဆိုခဲ့သည်။

၂၀၁၅ ခုနှစ် စစ်တမ်းများအရ မလေးရှားတွင် ဆေးလိပ်သောက်သုံးသူမှာ ၂၄ ရာခိုင်နှုန်း ရှိနေပြီး ၂၀၁၁ ခုနှစ်နှင့်စာလျှင် ၀.၆ ရာခိုင်နှုန်း လျော့ကျခဲ့သည်။

“ကျဆင်းမှုဟာ သိပ်နည်းတာကြောင့် (ဆေးလိပ်မသောက်ရေး လှုပ်ရှားမှု) ဟာ မအောင်မြင်ဘူးလို့ ကျွန်တော် ၀န်ခံပါတယ်” ဟု ၀န်ကြီးက ပြောကြားခဲ့သည်။

Ref: Todayonline