ပုပ်ရဟန်းမင်းကြီးဖရန်စစ် မီလန်မြို့မှ မွတ်စလင်အိမ်တစ်အိမ်ကို သွားရောက်လည်ပတ်

မတ် ၂၉၊ ၂၀၁၇
M-Media

– ပုပ်ရဟန်းမင်းကြီး ဖရန်စစ်ဟာ မနေ့က မီလန်မြို့ အိမ်ယာတစ်ခုက မွတ်စလင်မိသားစုအိမ်တစ်အိမ်ကို သွားရောက်လည်ပတ်ခဲ့ပြီး ထူးခြားတဲ့ လက်ဆောင်တစ်ခုကိုလည်း ရရှိခဲ့ပါတယ်။

မော်ရိုကနေ ရွှေ့ပြောင်းအခြေချလာပြီး လက်ရှိ မီလန်မှာ အာရဘီစာ သင်ကြားပေးနေတဲ့ မီဟူလ် အဘ်ဒဲလ် ကရင်မ်ဆိုသူရဲ့ နေအိမ်ဖြစ်ပြီး၊ ပုပ်ရဟန်းမင်းကြီးရဲ့ ရုတ်တရက်လာရောက်လည်ပတ်မှုအတွက် ကရင်မ်တို့မိသားစုက အံ့သြခဲ့ရပါတယ်။

ကရင်မ်ဟာ သူရဲ့ ဇနီး ဟာနာနီ၊ သားဖြစ်သူ မဟ်မူးဒ်၊ သမီးဖြစ်သူ ဂျီနာနီတို့နဲ့ ပုပ်ရဟန်းမင်းကြီးကို မိတ်ဆက်ပေးခဲ့ပါတယ်။

နောက်ပြီး ဘုရားသခင်ရဲ့ ဂုဏ်တော် ၉၉ ပါးကို အာရဘီလို စီချယ်ရေးသားထားတဲ့ ကားချပ်တစ်ခုကို ကရင်မ်က ပုပ်ရဟန်းမင်းကြီးကို ပေးအပ်ခဲ့ပြီး၊ သားဖြစ်သူ မဟ်မူးဒ်ကလည်း ခရစ်ယာန်နဲ့ မွတ်စလင်တွေရဲ့ ညီညွတ်မှုကို ဖော်ကျူးတဲ့ ကိုယ်တိုင်ရေး ရုပ်ပုံလေးတစ်ခုကို လက်ဆောင်အဖြစ် ပေးခဲ့ပါတယ်။

ပုပ်ရဟန်းမင်းကြီးဟာ အဲဒီအိမ်ယာက အခြားမိသားစုတွေထံလည်း သွားရောက်လည်ပတ်ခဲ့ပြီး နောက်ပိုင်းမှာ အကျဉ်းထောင်း အကျဉ်းသားတွေကိုလည်း သွားရောက် အားပေးခဲ့ပါတယ်။

Ref: 4News