အင်ဒိုအကျဉ်းထောင်မှ အကျဉ်းသား ၂၀၀ ထောင်ဖောက်ပြေး

မေ ၆၊ ၂၀၁၇
M-Media

– အင်ဒိုနီးရှားနိုင်ငံက ဆူမားတြားကျွန်း ရီအူပြည်နယ် ပကန်ဘာရူးရှိ အကျဉ်းထောင်တစ်ခုမှ အကျဉ်းသား ၂၀၀ ခန့်မှာ ယမန်နေ့က ထောင်ဖောက် ထွက်ပြေးခဲ့ကြသည်ဟု သိရသည်။

အကျဉ်းထောင်အတွင်းရှိ ဗလီ၌ သောကြာနေ့ဝတ်ပြုရန် ၎င်းတို့အား အချုပ်ခန်းများမှ ထုတ်ပေးခဲ့ပြီးနောက် ဂိတ်ပေါက်ဝကို ဖျက်ဆီးကာ ထိုကဲ့သို့ ထွက်ပြေးခဲ့ခြင်းဖြစ်သည်။

ရီအူရဲတပ်ဖွဲ့ ပြောရေးဆိုခွင့်ရှိသူ ဂန်တာရ် အာရ်ယို တီဂျိုက ထွက်ပြေးသွားသူ အကျဉ်းသား ၂၀၀ နီးပါးတွင် ၇၇ ဦးကို ပြန်လည် ဖမ်းဆီးနိုင်ခဲ့သည်ဟု ပြောကြားခဲ့သည်။

ဒေသတွင်း ဥပဒေရေးရာ ၀န်ကြီးဌာနရုံး၏ အကြီးအကဲ ဖာဒီနန် ဆိုင်ဂီယန်က အဆိုပါ အကျဉ်းထောင်မှ အကျဉ်းသားများမှာ နေထိုင်မှုဆိုးရွားခြင်း၊ အစောင့်များက အကြမ်းဖက်ခြင်းတို့ ရှိသည်ဟု ပြောကြားမှုများလည်း ရှိကြောင်း ဖွင့်ဟခဲ့သည်။

အကျဉ်းထောင်မှာ အကျဉ်းသား ၇၀၀ အထိသာ ဆန့်သော်လည်း ၁၈၀၀ အထိ ထားရှိထားသည်ဟု တီဂျိုက ထည့်သွင်းပြောဆိုခဲ့သည်။

Ref: CNA