စစ်လက်ကျန်ဗုံးကြောင့် ဂျာမနီတွင် လူ ၅ သောင်းကျော်ကို ဘေးလွတ်ရာသို့ ရွှေ့ပြောင်း

မေ ၇၊ ၂၀၁၇
M-Media

– ဂျာမနီနိုင်ငံ ဟန်နိုဗာမြို့တွင် ဒုတိယကမ္ဘာစစ်အတွင်းက မပေါက်ကွဲသေးသည့် ဗုံးများကို တွေ့ရှိခဲ့ပြီးနောက် လူပါင်း ၅ သောင်းကျော်ကို ဘေးလွတ်ရာသို့ ရွှေ့ပြောင်းရန် အမိန့်ထုတ်ပြန်ခဲ့သည်ဟု သိရသည်။

မြို့ အနောက်မြောက်ပိုင်းရှိ ဆောက်လုပ်ရေးလုပ်ငန်းခွင်တစ်ခု၌ လက်နက်ကြီး ကျည်ဆံ စုစုပေါင်း ၁၃ လုံးကို တွေ့ရှိခဲ့ရခြင်းဖြစ်ပြီး ၁၉၄၀ ပြည့်နှစ်များက ကျရောက်ခဲ့ခြင်းဖြစ်သည်။

အဆိုပါဗုံး ရှင်းလင်းရေးအတွက် လုပ်ငန်းများကို ယနေ့မနက်ပိုင်းမှ စတင်ပြုလုပ်ရန် ရှိနေပြီး ညအထိ ကြာနိုင်သည်ဟု ဆိုသည်။

ဂျာမနီတွင် စစ်လက်ကျန်ဗုံးများကြောင့် ပြည်သူများအား ဘေးလွတ်ရာသို့ ရွှေ့ပြောင်းပေးရမှုတွင် ယခုအကြိမ်မှာ ၁၉၄၅ ခုနောက်ပိုင်း ဒုတိယအကြီးဆုံးဖြစ်ပြီး မြို့လူဦးရေ၏ ၁၀ ရာခိုင်နှုန်းခန့်ရှိသော လူနေထူထပ်သည့် နေရာ ၃ ခု ပါဝင်သည်။

ပြည်သူများအား ဘေးလွတ်ရာသို့ ရွှေ့ပြောင်းမှုကို သောကြာနေ့နှင့် စနေနေ့များတွင် စတင်လုပ်ဆောင်ခဲ့သည်။

မြို့အာဏာပိုင်များက လုံခြုံရေး အကြောင်းအရင်းများကြောင့် သွားလာမှု ကန့်သတ်သည့် အမိန့်များကိုလည်း ထုတ်ပြန်ကြေငြာခဲ့သည်။ ပြတိုက်များ၊ ရုပ်ရှင်ရုံများနှင့် ရေကူးကန်များကလည်း အထူးအခြေအနေအနေဖြစ် ရွှေ့ပြောင်းလာရသူများကို အခမဲ့ ၀င်ရောက်ခွင့် ပေးမှုများလည်း ရှိနေသည်။

လူနေထူထပ်သည့် ဒေသများရှိ မပေါက်ကွဲသေးသော စစ်လက်ကျန်ဗုံးများကို ဖယ်ရှားရေးနှင့်ပတ်သက်၍ ဂျာမနီအာဏာပိုင်များတွင် ဖိအားများ ရှိနေပြီး၊ ကျွမ်းကျင်သူများကမူ အချိန်ကြာလာသည်နှင့်အမျှ အဆိုပါဗုံးများမှာ အန္တရာယ်ရှိသည်ဟု ပြောကြားထားသည်။

ပြီးခဲ့သည့်နှစ်ကလည်း အဂ်ဘာ့ဂ်မြို့တောင်ပိုင်းတွင် စစ်လက်ကျန်ဗုံးများကြောင့် လူပေါင်း ၅၄၀၀၀ ကို ဘေးလွတ်ရာသို့ ရွှေ့ပြောင်းပေးခဲ့ရပြီး နိုင်ငံ၏ အကြီးဆုံး ကယ်ဆယ်မှုကြီးလည်းဖြစ်သည်။

Ref: Aljazeera