သြဇီတွင် ခင်ပွန်းက ဇနီးသည်ကို သတ်ဖြတ်ချက်ပြုတ်မှု ဖြစ်ပွား

မေ ၁၆၊ ၂၀၁၇
M-Media

– သြစတေးလျမှာ အမျိုးသားတစ်ဦးဟာ သူ့ရဲ့ ဇနီးသည်ကို သတ်ဖြတ်ကာ ချက်ပြုတ်မှု ဖြစ်ပွားခဲ့ပြီး မီးပြင်ဆရာရဲ့ သတင်းပေးမှုကြောင့် ရဲတပ်ဖွဲ့က သိရှိခဲ့ပါတယ်။

၂၀၁၄ ခုနှစ် အောက်တိုဘာလက ဖြစ်ပွားခဲ့တဲ့ ဒီအဖြစ်ပျက်မှာ မားကက်စ် ဗိုလ်ကီဆိုတဲ့ အမျိုးသားတစ်ယောက်ဟာ ဇနီးဖြစ်သူတဲ့ မာယန် ပရာဆက်ယိုကို သတ်ဖြတ်ပြီး အပိုင်းပိုင်းခုတ်ကာ ဟင်းချက်နေစဉ်အတွင်းမှာ လျှပ်စစ်မီးဖိုးထဲကို ရေကျပြီး ဓာတ်အား ပြတ်တောက်သွားတာနဲ့ တွေ့ကြုံခဲ့ရပါတယ်။

အဲဒီအချိန်မှာ ဗိုလ်ကီက မီးပြင်ဆိုင်တစ်ခုကို ပြင်ဆင်ဖို့ ဖုန်းနဲ့ လှမ်းခေါ်ခဲ့ပြီး မီးဆရာ မစ္စတာ ကွိုင်နီ ရောက်လာတဲ့အချိန်မှာ သူက ၀က်သားဆန်ပြုတ် ချက်နေတာလို့ ပြောကြားခဲ့ပါတယ်။

ကွိုင်နီက အစွန်းချွတ်ဆေး၊ အမှိုက်အိတ်တွေ၊ ရာဘာ လက်အိတ်တွေဟာ အခန်းထဲမှာ ပြန့်ကျဲနေတာကို တွေ့ပြီးတဲ့နောက် မီးပြင်ပြီး တိုက်ခန်းထဲက ပြန်ထွက်သွားချိန်မှာ အဆောက်အဦးမန်နေဂျာကို အသိပေးခဲ့ပါတယ်။

မန်နေဂျာက ရဲကိုခေါ်လိုက်ပြီး ရဲက တံခါးလာခေါက်တဲ့အချိန်မှာ ဗိုလ်ကီက တံခါးမဖွင့်သေးဘဲ ခွေးတွေကို သွားကြည့်ရအုံးမယ်ဆိုပြီး အနောက်ကို ပြန်ဝင်သွားခဲ့ပါတယ်။

အဲဒီနောက်မှာတော့ သူ့လည်ပိုင်းကို ဓားနဲ့လှီးပြီး ပန်းခြံစည်းရိုးကို ခုန်ကျော်က အမှိုက်ပုံးတစ်ခုထဲမှာ ၀င်ရောက်ပုန်းနေခဲ့ပါတယ်။ ဗိုလ်ကီဟာ အဲဒီမှာပဲ သေဆုံးသွားခဲ့ပါတယ်။

ရဲတွေကတော့ ဗိုလ်ကီရဲ့ အခန်းထဲမှာ တွေ့မြင်နေရတာဟာ ကျီစားမှုတစ်ခုသာ ဖြစ်တယ်လို့ အစောပိုင်းက ထင်ခဲ့ပေမယ့် မီးဖိုဆောင် ကြမ်းပြင်မှာချထားတဲ့ အိုးတစ်ခုထဲက လူခြေထောက်အပါအ၀င် အခြား လူ့ခန္ဓာကိုအစိတ်အပိုင်းတွေကို တွေ့လိုက်ရတဲ့အခါမှာ တုန်လှုပ်သွားခဲ့ပါတယ်။

အိမ်နီးချင်းတွေကတော့ ရက်အနည်းငယ်အရင်က မာယန် ပရာဆက်ယိုဟာ ခွေးကျောင်းထွက်တာကို တွေ့ခဲ့ရပြီး၊ လင်မယားနှစ်ယောက် အချင်းများသံကိုလည်း ကြားခဲ့ရတယ်လို့ ဆိုပါတယ်။

မာယန် ပရာဆက်ယိုဟာ အင်ဒိုနီးရှား လိင်ပြောင်းအမျိုးသားတစ်ဦးဖြစ်ပြီး သူတို့ ဇနီးမောင်နှံ နှစ်ဦးစလုံးဟာ ကြေးမြင့် လိင်လုပ်သားတွေ ဖြစ်ကြပါတယ်။ ၂၀၁၃ ခုနှစ်မှာ သူတို့နှစ်ယောက်ဟာ ကိုပင်ဟေဂင်မှာ လက်ထပ်ခဲ့ကြပါတယ်။

ပရာဆက်ယိုရဲ့ ကြွင်းကျန်တဲ့ ရုပ်ကလပ်ကို အင်ဒိုနီးရှားမှာ သင်္ဂြီုဟ်ဖို့အတွက် ဆွေမျိုးတွေက သြစတေးလျ အာဏာပိုင်တွေကို ဆက်သွယ် တောင်းယူခဲ့ကြပါတယ်။

Ref: Independent