ပဲရစ်သဘောတူညီချက်နှင့်ပတ်သက်၍ ထရမ့်ကို အီးယူဥက္ကဌ ပြင်းပြင်းထန်ထန် ဝေဖန်

ဇွန် ၁၊ ၂၀၁၇
M-Media

– ရာသီဥတုပြောင်းလဲမှုဆိုင်ရာ ပဲရစ်သဘောတူညီချက်မှ အမေရိကန်နှုတ်ထွက်ရန် သမ္မတထရမ့်က ဆုံးဖြတ်ပါက အမေရိကန်ကို ရင်ဆိုင်သွားရမည်မှာ ဥရောပ၏ တာဝန်ဖြစ်သည်ဟု ဥရောပသမ္မဂ ဂျန် ကလုဒ် ဂျန်ကာက ပြောကြားလိုက်သည်။

ယမန်နေ့က ဘာလင်ရှိ အလုပ်သမားများသမဂ္ဂ အခမ်းအနားတစ်ခုတွင် ထိုကဲ့သို့ ပြောကြားလိုက်ခြင်းဖြစ်ပြီး ‘နိုင်ငံတကာ သဘောတူညီချက်များတွင် ရေးသားထားသည်များက လုပ်ကြံသတင်းများမဟုတ်’ ဟုလည်း ထရမ့်အစိုးရကို ဝေဖန်ခဲ့သည်။

ထို့ပြင် မကြာသေးမီက အီတလီနိုင်ငံတွင် ပြုလုပ်ခဲ့သည့် G7 ထိပ်သီးအစည်းအဝေးတွင် အဆိုပါ ပဲရစ်သဘောတူညီချက်နှင့်ပတ်သက်၍ ဒေါ်နယ်ထရမ့်နားလည်အောင် အခြား ခေါင်းဆောင်များက ရှင်းပြခဲ့ကြပြီး ထိုကြိုးပမ်းမှု အောင်မြင်လျှင်လည်း ဥပဒေမှာ ဥပဒေသာလျှင်ဖြစ်ကြောင်း၊ သဘောတူညီချက်မှ နှုတ်ထွက်ရန်မှာ ချက်ခြင်း ဖြစ်လာမည်မဟုတ်ဘဲ ၃၊ ၄ နှစ် ကြာမည်ဖြစ်ကြောင်း ဂျန်ကာက ထည့်သွင်း ပြောဆိုခဲ့သည်။

ယမန်နေ့မနက် အစောပိုင်းတွင် အိမ်ဖြူတော်တာဝန်ရှိသူတစ်ဦးက သမ္မတထရမ့်အနေဖြင့် ပဲရစ်သဘောတူညီချက်မှ နှုတ်ထွက်ရန် စဉ်စားနေပြီး နောက်ဆုံး ဆုံးဖြတ်ချက်ကို ချမှတ်ရခြင်း မရှိသေးဟု ပြောကြားခဲ့သည်။

ထရမ့်ကလည်း ရာသီဥတု ပြောင်းလဲမှုဆိုင်ရာ ပဲရစ်သဘောတူညီချက်မှ နှုတ်ထွက်ခြင်းမှာ အမေရိကန်စီးပွားရေးအတွက် အောင်ပွဲတစ်ခု ဖြစ်မည်ဟု ပြောကြားခဲ့သည်။

သို့သော်လည်း ဥရောပနှင့် တရုတ်နိုင်ငံတို့ကမူ ထိုသဘောတူညီချက်တွင် အမေရိကန် ပါဝင်သည်ဖြစ်၊ မပါဝင်သည်ဖြစ်စေ မိမိတို့အနေဖြင့် ဆက်လက်လုပ်ဆောင်သွားမည်ဟု ပြောကြားထားသည်။
Ref: Aljazeera