ချန်ပီယံလိဂ် ၁၂ ကြိမ်မြောက် ချန်ပီယံ ရီးယဲလ်အသင်းသားများ၏ ပီတိစကားသံများ

ဇွန် ၄၊ ၂၀၁၇
M-Media

– ဒီနေ့မနက်မှာ ကစားခဲ့တဲ့ ချန်ပီယံလိဂ် ဗိုလ်လုပွဲ ရီးယဲလ်မက်ဒရစ်နဲ့ ဂျူဗင်တပ်စ်တို့ရဲ့ပွဲမှာ ရီးယဲလ်က ၄ ဂိုး ၁ ဂိုးနဲ့ အနိုင်ရရှိခဲ့ပြီး ချန်ပီယံဖြစ်ခဲ့ပါတယ်။

ဒီအနိုင်ကြောင့် ရီးယဲလ်ဟာ ချန်ပီယံလိဂ်အဖြစ် အမည်ပြောင်းပြီးနောက်ပိုင်း ချန်ပီယံဘွဲ့ကို ကာကွယ်နိုင်တဲ့ ပထမဆုံးအသင်းဖြစ်လာသလို ၁၂ ကြိမ်မြောက် ချန်ပီယံလိဂ်ဖလားနဲ့ ဥရောပရဲ့ အအောင်မြင်ဆုံး ဘောလုံး အသင်းအဖြစ် သမိုင်းရေးထိုးနိုင်ခဲ့ပါတယ်။

ဒီသမိုင်းဝင်အောင်ပွဲအတွက် ရီးယဲလ်အသင်းသားတွေရဲ့ ပီတိစကားသံတွေကို ဖော်ပြပေးလိုက်ပါတယ်။

“(ဒီနေ့ဟာ ကြီးကျယ်တဲ့နေ့ ဖြစ်တယ်ဆိုတာ) သံသယရှိစရာ မလိုပါဘူး။ ချန်ပီယံလိဂ်ဖလားကို ဘယ်အသင်းမှ မကာကွယ်နိုင်ခဲ့ဘဲ ကျွန်တော်တို့က လုပ်နိုင်ခဲ့တယ်။ ဒီနေ့ဟာ ကစားသမားတွေ၊ ၀န်ထမ်းတွေနဲ့ ကျွန်တော်တို့ ပရိသတ်တွေလို မက်ဒရစ်မိသားစုဝင်တွေရဲ့ သမိုင်းဝင်နေ့ပါပဲ။ နောက်နှစ်ဆိုရင် ပိုပြီးတော့တောင် ခက်ခဲမှာပါ။ ထပ်ပြီး ဗိုလ်စွဲဖို့အတွက် ကျွန်တော်တို့ တော်တော်လေးကို ကြိုးစားရမှာပါ။ ဒါပေမယ့် ဒီနေ့ ကျွန်တော်တို့ဟာ အရမ်းကောင်းတဲ့ အသင်းတစ်သင်းအဖြစ် ပြသနိုင်ခဲ့တာကြောင့် ကျေနပ်ပါတယ်” (ရီးယဲလ်နည်းပြ ဇီဒိန်း)

“ကျွန်တော် တတ်နိုင်သလောက် စွမ်းဆောင်သွားမှာပါ။ နောက်ထပ် ကောင်းမွန်တဲ့ ဘောလုံးရာသီ တစ်ခုပါပဲ။ ကျွန်တော်တို့ဟာ အမှတ်ပေးဖလားနဲ့ ချန်ပီယံလိဂ် ဖလားတွေကို ရရှိခဲ့တယ်။ အသင်းကလည်း တော်တော်လေးကောင်းပြီး ကျွန်တော်ကလည်း ကောင်းမွန်ခဲ့ပါတယ်။ ရာသီရဲ့ နောက်ဆုံးကာလမှာ ကောင်းေ
ကာင်းကစားနိုင်ဖို့ ကျွန်တော် ပြင်ဆင်ခဲ့ပြီး အရေးပါတဲ့ ဂိုးအချို့ကိုလည်း သွင်းနိုင်ခဲ့ပါတယ်” (တိုက်စစ်မှူး ခရစ္စတီယာနို ရော်နယ်ဒို)

“ချန်ပီယံဘွဲ့ကို ကာကွယ်ဖို့ဆိုတာ မဖြစ်နိုင်ဘူးလို့ ကျွန်တော် ထင်ခဲ့တာပါ။ နောက်တစ်ကြိမ် ဗိုလ်စွဲဖို့ဆိုတာ တော်တော်လေးကို ခက်ခဲပါတယ်။ ၄ နှစ်အတွင်း ၃ ကြိမ်ရတယ်ဆိုတာ တော်တော် အဓိပ္ပါယ်ရှိပါတယ်။ ပြီးတော့ ရီးယဲလ်ဟာ ကွင်းအတွင်းမှာတင် ကောင်းတာမဟုတ်ဘဲ၊ ကွင်းပြင်ပမှာလည်း ကောင်းမွန်တဲ့အသင်း
ပါ။ ဒီအသင်းရဲ့ အစိတ်အပိုင်းဖြစ်ရတဲ့အတွက် ကျွန်တော် ပျော်ရွှင်မိပါတယ်” (ရီးယဲလ်တိုက်စစ်မှူး တိုနီကရူးစ်)

“အသင်းအတွက် ကျွန်တော် အရမ်းကို ဂုဏ်ယူပါတယ်။ ကျွန်တော်တို့ သမိုင်းရေးထိုးနိုင်ခဲ့တယ်။ ကျွန်တော်တို့ ဒီဖလားကို တကယ်ကို လိုချင်ခဲ့ပြီး ဘယ်သူမှ မလုပ်နိုင်တဲ့ ချန်ပီယံလိဂ် နှစ်ကြိမ်ဆက်ရအောင် ကျွန်တော်တို့ လုပ်နိုင်ခဲ့တာပါ” (ခံစစ်မှူး ရာမို့စ်)

“မာကျောတဲ့အသင်းနဲ့ ကစားရတဲ့ ပထမပိုင်းဟာ တော်တော်လေး ခက်ခဲပါတယ်။ ဒုတိယပိုင်းမှာတော့ မက်ဒရစ်ဟာ ဒီရာသီမှာ အကောင်းဆုံးအသင်းဖြစ်တယ်ဆိုတာကို ကျွန်တော်တို့ တွေ့ခဲ့ရပါတယ်” (အစ္စကို)

“မယုံကြည်နိုင်စရာပဲဗျ။ ကြီးကျယ်တဲ့ ပွဲကြီးတစ်ခုကို ဒီမြို့က အစွန်းအထင်းမရှိ ကျင်းပပေးခဲ့တယ်။ ကျွန်တော့် အမိမြေမှာ ဖလားရတဲ့အတွက် တော်တော်လေး ကျေနပ်ပါတယ်။ ရာသီက ခက်ခဲတယ်။ ကြံ့ခိုင်နေဖို့ ကျွန်တော် မနေမနား ကြိုစားခဲ့ရတယ်။ ဒါတွေကတော့ ဆုလာဘ်တွေဖြစ်ပါတယ်။ ကျွန်တော်တို့ သမိုင်းရေးထိုးနိုင်ခဲ့ပြီး အခုလက်ရှိအချိန်ကိုလည်း ပျော်ရွှင်မိပါတယ်။ ပထမပိုင်းမှာ ကျွန်တော်တို့ ယုံကြည်မှု လိုအပ်ခဲ့ပြီး အခွင့်အရေးတွေကို အရယူရမှာပါ။ ကျွန်တော်တို့ လုပ်နိုင်ခဲ့ပါတယ်” (ဂါရက်ဘေးလ်)

Ref: UEFA.com