အင်ဒိုနီးရှား၏ ဘာသာရေးသဟဇာတဖြစ်မှုကို ထင်ဟပ်နေသည့် ပုံရိပ်တစ်ခု ပေါ်ထွက်လာ

ဇွန် ၉၊ ၂၀၁၇
M-Media

– အင်ဒိုနီးရှားနိုင်ငံ ဘာလီဒေသအခြေစိုက် ဘာလီယူနိုက်တက် ဘောလုံးအသင်းဟာ ဇွန်လ ၅ ရက်နေ့က သူတို့ရဲ့ Facebook စာမျက်နှာ ဓာတ်ပုံတစ်ပုံကို လွှင့်တင်ခဲ့ပြီး နိုင်ငံရဲ့ ဘာသာရေးသဟဇာတဖြစ်မှုကို ဖော်ပြနေတဲ့ ဒီဓာတ်ပုံကြောင့် ပြည်သူတွေရဲ့ ချီးကျူးမှုကို ရရှိခဲ့ပါတယ်။

မေလအတွင်းက ဘောနီယိုအက်ဖ်စီနဲ့ ပြည်တွင်းပွဲမှာ အသင်းတိုက်စစ်မှူး ယာဘက်စ်ရိုနီ ဂိုးသွင်းပြီးနောက် ကစားသမား ၃ ဦးက သူတို့ယုံကြည် ကိုးကွယ်ရာ ဘာသာတရား ၃ ခုရဲ့ ပုံစံတွေနဲ့ ဆုတောင်းကြတဲ့ ပုံဖြစ်ပါတယ်။

ဓာတ်ပုံထဲမှာ ဟိန္ဒူဘာသာဝင်တစ်ယောက်ဖြစ်တဲ့ နောက်ခံလူ ဂူရာ နာနက်က လက်အုပ်ချီ အနေအထား၊ သူ့ရဲ့ဘေးမှာ ဂိုးသွင်းယူခဲ့သူ ခရစ်ယာန်ဘာသာဝင် ယာဘက်စ်က ဒူးထောက် လက်နှစ်ဖက်ကို ယှက်ထားတဲ့အနေအထား၊ သူ့ရဲ့ဘေးမှာ မွတ်စလင်ကစားသမား မစ်ဖ်သာဟွလ် ဟမ်ဒီက ပျပ်ဝပ်ဦးချတဲ့ အနေအထားနဲ့ အောင်ပွဲခံခဲ့ကြတာ ဖြစ်ပါတယ်။

ဒီဓာတ်ပုံကို ရိုက်ကူးခဲ့သူ မစ်ဖ်တာဟူဒင် ဟာလင်မ်က “ကိုးကွယ်ယုံကြည်ရာတွေ မတူညီမှုက တူညီတဲ့ ရည်မှန်းချက်ဆီ ကျွန်တော်တို့ အရောက်လှမ်းမှုကို တားဆီးနိုင်မှာ မဟုတ်ပါဘူး” လို့ မှတ်ချက်ပေးပြီး ဆိုရှယ်မီဒီယာမှာ လွှင့်တင်ခဲ့တာဖြစ်ပါတယ်။

နိုင်ငံအတွင်းက ဘာသာစုံ လူမျိုးစုံ ပြည်သူတွေ ညီညွတ်ရေး ရည်ရွယ်ပြီး ဘာလီယူနိုက်တက်က လွှင့်တင်ခဲ့တဲ့ ဒီဓာတ်ပုံအောက်မှာ အင်ဒိုပြည်သူတွေက ချီးကျူးခဲ့ကြပါတယ်။

ယာဘက်စ်ကတော့ သူတို့သုံးယောက်ရဲ့ ဒီလိုလုပ်ဆောင်မှုဟာ နိုင်ငံအတွင်းက ပြည်သူတွ ကိုးကွယ်ရာ ဘာသာတရား၊ ယဉ်ကျေးမှုချင်း မတူကြပေမယ့် စုစုစည်းစည်းရှိကြဖို့ ရည်ရွယ်တယ်လို့ ပြောကြားခဲ့ပါတယ်။

“ကျွန်တော်တို့ရဲ့ ညီရင်းအစ်ကို မောင်ရင်းနှမစိတ်ဓာတ်ကို ကာကွယ်ပြီး စည်းစည်းလုံးလုံးနေကြပါ” လို့ အသက် ၂၂ နှစ်အရွယ် ယာဘက်စ်က ပြောကြားခဲ့ပါတယ်။

မစ်ဖ်သာဟွလ်ကလည်း သူတို့ရဲ့ ဒီလိုအောင်ပွဲခံမှုဟာ အတုယူစရာတစ်ခုဖြစ်မယ်ဆိုရင် ကျေနပ်တယ်လို့ ဆိုပါတယ်။

“ဘောလုံးအားကစားက တိုင်းပြည်ကို စည်းလုံးစေနိုင်ပါတယ်”

Ref: CNA