အမေရိကန်ရှိ ကာတာဆန့်ကျင်ရေးလော်ဘီများ အစ္စရေး၊ ဆော်ဒီနှင့် ယူအေအီးတို့၏ ပံ့ပိုးမှု ရရှိနေ

ဇွန် ၁၀၊ ၂၀၁၇
M-Media

သောကြာနေ့က ဂါဇာရှိ ပါလက်စတိုင်းပြည်သူများ ကာတာအား ထောက်ခံကြောင်း ဆန္ဒထုတ်ဖော်နေစဉ်

– “ပါလက်စတိုင်း အကြမ်းဖက်” ဆိုတာကို ထောက်ပံ့တဲ့အတွက် ပိတ်ဆို့မှုလုပ်မယ်လို့ ကာတာကို ခြိမ်းခြောက်ထားတဲ့ အမေရိကန်လွှတ်တော်က ဥပဒေမူကြမ်းတစ်ခုကို တင်သွင်းတဲ့ လွှတ်တော်အမတ် ၁၀ ဦးဟာ အစ္စရေး၊ ဆော်ဒီနဲ့ ယူအေအီးတို့ကနေ လွန်ခဲ့တဲ့ ၁၈ လအတွင်း ကန်ဒေါ်လာ ၁ သန်းကျော်လောက် ရခဲ့တယ်လို့ Aljazeera သတင်းဌာနက ဒီနေ့မှာ ဖော်ပြလိုက်ပါတယ်။

HR271 လို့ အမည်ပေးထားတဲ့ အဲဒီ အက်ဥပဒေမူကြမ်းကို မေလ ၂၅ ရက်နေ့မှာ အောက်လွှတ်တော်မှာ တင်သွင်းခဲ့တာဖြစ်ပေမယ့် အခုအချိန်ထိတော့ အပြည့်အစုံ ထွက်မလာသေးပါဘူး။

ဒီမူကြမ်းမှာ “ဟားမက်စ်ဟာ ကာတာကနေ ဘဏ္ဍာရေးနဲ့ စစ်ရေးဆိုင်ရာ ထောက်ပံ့မှုတွေ သိသိသာသာ ရရှိခဲ့ပါတယ်” လို့ ဖော်ပြထားပြီး ကာကွယ်ရေနည်းပညာတွေ၊ လက်နက်တွေ၊ နှစ်ရှည်ချေးငွေတွေနဲ့ ဘဏ္ဍာရေးထောက်ပံ့မှုအပါအ၀င် စုစုပေါင်း ဒေါ်လာ ၁၀ သန်းကျော်ဖိုးလောက် ပိတ်ဆို့မှုလုပ်မယ်လို့လည်း ဆိုပါတယ်။

သောကြာနေ့မှာ ဆော်ဒီ၊ ယူအေအီးနဲ့ အီဂျစ်တို့က ကာတာနဲ့ ဆက်နွယ်နေတယ်ဆိုတဲ့ အသင်းအဖွဲ့ ၁၂ ခု၊ လူပုဂ္ဂိုလ် ၅၉ ဦးကို အကြမ်းဖက်စာရင်းထဲ ထည့်သွင်းခဲ့ပါတယ်။

အမေရိကန်က အီရန်နွယ်ဖွားတွေရဲ့ အသံကို မြှင့်တင်နိုင်ရေး ဖွဲ့စည်းထားတဲ့ NIAC အသင်းကို တည်ထောင်သူ စာရေးဆရာ ထရီတာ ပါရ်စီက အမေရိကန်မဟာမိတ် အာရပ်နိုင်ငံတွေက ထုတ်ပြန်တဲ့ အကြမ်းဖက်စာရင်းနဲ့ HR2712 မှာပါတဲ့စာရင်းကို ကြည့်မယ်ဆိုရင် ပယ်လယ်ကွေ့ အာရပ်နိုင်ငံတွေနဲ့ အစ္စရေးတို့အကြား ပူးပေါင်းဆောင်ရွက်မှု မြင့်တက်လာတာကို ပြသနေတယ်လို့ ဆိုပါတယ်။

အစ္စရေး၊ အီဂျစ်နဲ့ ဆော်ဒီတို့ဟာ အစ္စလာမ့်မစ်နိုင်ငံရေးအဖွဲ့တစ်ခုဖြစ်တဲ့ ‘မွတ်စလင်ညီနောင်များအဖွဲ့’ ကို ခြိမ်းခြောက်မှုတစ်ခုလို့မြင်ပြီး၊ ၂၀၁၄ ခုနှစ်မှာ ဒီအဖွဲ့ကနေ ရွေးကောက်ခံသမ္မတ ဖြစ်လာတဲ့ မိုဟာမက် မော်စီဟာလည်း အီဂျစ်စစ်တပ်ရဲ့ ဖြုတ်ချခြင်းကို ခံလိုက်ရပါတယ်။

အစ္စရေးရဲ့ ပိတ်ဆို့ခြင်းကို ခံထားရတဲ့ ပါလက်စတိုင်းပိုင် ဂါဇာကမ်းမြှောင်ကို အုပ်စိုးနေတဲ့ ဟားမက်စ်အဖွဲ့ဟာ အယူအဆပိုင်းဆိုင်ရာမှာ မွတ်စလင်ညီနောင် များအဖွဲ့ကို အခြေခံတာဖြစ်ပြီး ကာတာက ဒီနှစ်ဖွဲ့စလုံးကို ထောက်ပံ့ပေးနေမှု ရပ်တန့်ဖို့ ဆော်ဒီရဲ့တောင်းဆိုမှုဟာ အီဂျစ်နဲ့ အစ္စရေးတို့ရဲ့ ပေါ်လစီနဲ့ သွားညီနေပါတယ်။

အမေရိကန်က ပေါ်လစီချမှတ်သူတွေအပေါ် အစ္စရေးက လွှမ်းမိုးမှုရှိနေတာဟာ သိသာပါတယ်။ HR2712 ကို တင်သွင်းကြတဲ့ လွှတ်တော်အမတ်တွေဟာ ၂၀၁၆ ခုနှစ် ရွေးကောက်ပွဲကာလမှာတင် အစ္စရေးလိုလားသူ လူပုဂ္ဂိုတွေ၊ အဖွဲ့တွေကနေ ကန်ဒေါ်လာ ၁ သန်းကျော်လောက် ရရှိခဲ့တယ်လို့ အမေရိကန်နိုင်ငံရေးမှာ ငွေအသွားအလာကို စောင့်ကြည့်နေတဲ့ လွတ်လပ်တဲ့ သုတေသနအဖွဲ့ Center for Responsive Politics က ပြောကြားခဲ့ပါတယ်။

HR2712 မူကြမ်းကို တင်သွင်းတဲ့သူတွေထဲမှာ ရီပက်ဘလစ်ကန်နဲ့ ဒီမိုကရက်တစ်ပါတီ နှစ်ခုစလုံးက အမတ်တွေ ပါဝင်ပြီး ရီပက်ဘလစ်ကန်အမတ် အဒ်ရွိုက်စ်ဟာ ၂၀၁၆ ရွေးကောက်ပွဲကာလမှာ အစ္စရေးလိုလားတဲ့ ရင်းမြစ်တွေကနေ ၂၄၂၁၄၃ ဒေါ်လာ ရရှိခဲ့ပါတယ်။ ဒီမိုကရက်အမတ် အီလီယော့တ် အိန်ဂျဲလ်ဟာ ၁၉၀၁၅၀ ဒေါ်လာ ရရှိခဲ့ပြီး အမေရိကန်စစ်တပ်မှာ တာဝန်ထမ်းဆောင်မှုပြီးတဲ့အချိန် အစ္စရေးစစ်တပ်မှာ စေတနာ့ဝန်ထမ်း တာဝန်ထမ်းဆောင်ခဲ့ဖူးတဲ့ ရီပက်ဘလစ်ကန် လွှတ်တော်အမတ် ဘရိုင်ယန်မက်စ်က ၉၀၁၇၈ ဒေါ်လာ ရရှိခဲ့ပါတယ်။

ဖလော်ရီဒါက ရီပက်ဘလစ်ကန်အမတ်တစ်ဦးဖြစ်တဲ့ အီလီယာနာ ရို့စ်-လီတီနန်က ၂၀၁၆ ခုနှစ်မှာ ၁၅၀၃၀၀ ဒေါ်လာ ရရှိခဲ့ပြီး သူမရဲ့ လွှတ်တော်အမတ် သက်တမ်းတစ်လျှောက်လုံးမှာ အစ္စရေးလိုလားသူတွေဆီကနေ ရရှိခဲ့တဲ့ ငွေကြေးဟာ ကန်ဒေါ်လာ ၁ သန်းကျော် ရှိနေပါပြီ။

HR2712 ကို ထောက်ခံသူ အမေရိကန်လွှတ်တော်အမတ်တွေဟာ ၂၀၁၆ ခုနှစ် တစ်ခုတည်းမှာ အစ္စရေးလိုလားသူတွေဆီကနေ ကန်ဒေါ်လာ ၁ သန်းကျော်အပြင်၊ ဆော်ဒီနဲ့ ယူအေအီး လော်ဘီအုပ်စုတွေကနေလည်း ပြီးခဲ့တဲ့ ၁၈ လအတွင်း ၂၅၇၀၀ ဒေါ်လာ ရရှိခဲ့တယ်လို့ အမေရိကန်တရားရေးဌာနက အများပြည်သူကို ထုတ်ပြန်တဲ့ စာရင်းထဲမှာ ပါဝင်လာပါတယ်။

အလ်ဂျာဇီးရားသတင်းဌာနကတော့ သူတို့ရဲ့ စုံစမ်းဖော်ထုတ်မှုအရ အမေရိကန်မှာ ကာတာဆန့်ကျင်ရေး လော်ဘီလုပ်ဖို့ ဆော်ဒီနဲ့ ယူအေအီးတို့က အဖွဲ့ ၁၀ ခုဟာ ပူးပေါင်းခဲ့ကြပြီး၊ ပြီးခဲ့တဲ့နှစ်တွေအတွင်း ကာတာဆန့်ကျင်ရေးအတွက် ဒီနှစ်နိုင်ငံက လော်ဘီလုပ်မှု ချဲ့ထွင်လာတာကာ အခြားထောက်ပံ့သူတွေလည်း ပါဝင်နိုင်တယ်လို့ ဆိုပါတယ်။

HR2712 ကို တင်သွင်းသူ၊ ထောက်ခံသူတွေကို မေးမြန်းရာမှာတော့ ဒီကိစ္စအတွက် မှတ်ချက်မပေးခဲ့ဘူးလို့လည်း အလ်ဂျာဇီးရားက ဖော်ပြခဲ့ပါတယ်။

Ref: Aljazeera