လန်ဒန်တွင် မွတ်စလင်များ တိုက်ခိုက်ခံရမှု အကြမ်းဖက်မှုအဖြစ် ယူကေ ကိုင်တွယ်နေ

ဇွန် ၁၉၊ ၂၀၁၇
M-Media

– ယန်နေ့မနက်ပိုင်း လန်ဒန်မြို့တွင် မွတ်စလင်များအား ပစ်မှတ်ထားကာ ဗန်ကားဖြင့် ၀င်တိုက်မှုကို အကြမ်းဖက်တိုက်ခိုက်မှုအဖြစ် ကိုင်တွယ်နေသည်ဟု ယူကေရဲတပ်ဖွဲ့က ပြောကြားလိုက်သည်။

မြို့မြောက်ပိုင်း ဖင်စ်ဘူရီပါ့ခ်ရှိ ဗလီဝတ်ကျောင်းတော်တစ်လုံးမှ ၀တ်ပြုအပြီး ထွက်လာသော လူအုပ်ကို ဗန်ကားက ၀င်တိုက်မှုကြောင့် အနည်းဆုံး လူတစ်ဦး သေဆုံးခဲ့ပြီး ၁၀ ဦးကျော် ဒဏ်ရာရရှိခဲ့သည်။

မျက်မြင်သက်သေများကမူ ဗန်ကားမောင်းသူမှာ ‘မွတ်စလင်အားလုံးကိုသတ်ချင်တယ်’ ဟု အော်ဟစ်ခဲ့သည်ဟု ပြောကြားခဲ့သည်။

“ဒီကိစ္စကို အကြမ်းဖက်တိုက်ခိုက်မှုအဖြစ် ကျွန်တော်တို့ ကိုင်တွယ်နေပါတယ်” ဟု ရဲတပ်ဖွဲ့တာဝန်ရှိသူ နီးလ် ဘာဆူက သတင်းထောက်များအား ပြောကြားခဲ့ပြီး ဗန်ကားမောင်းသမားကို လူသတ်မှု သံသယရှိသူအဖြစ် ဖမ်းဆီးထားသည်ဟု ဆိုသည်။

ဗြိတိန်ဝန်ကြီးချုပ် ထရီဇာမေကလည်း အဆိုပါ အဖြစ်အပျက်မှာ အကြမ်းဖက်တိုက်ခိုက်မှု ဖြစ်နိုင်သည်ဟု အတည်ပြုခဲ့သည်။ သူမမှာ ထိုကိစ္စအတွက် အရေးပေါ်အစည်းအဝေးကို ဦးဆောင်မည်ဖြစ်သည်။

ကျူးလွန်သူကို ပြည်သူများက ဖမ်းပေးခဲ့ခြင်းဖြစ်ပြီး ရဲတပ်ဖွဲ့က ရဲရင့်သည့် ထိုလုပ်ရပ်ကို ချီးကျူးခဲ့သည်။

“ဗန်ကားမောင်းသမားက ကားထဲကနေထွက်လာပြီး ထွက်ပြေးဖို့ကြိုးစားတဲ့အချိန် ကျွန်တော် သူ့ကို မြေပြင်ပေါ်တွန်းချပြီး ရဲတပ်ဖွဲ့လာတဲ့အချိန်အထိ ချုပ်ထားလိုက်ပါတယ်။ သူပြေးတဲ့အချိန်မှာ သူဟာ ‘လူတွေကိုသတ်ချင်တယ်။ မွတ်စလင်တွေကို ထပ်သပ်ချင်တယ်’ ဆိုပြီး အော်နေပါတယ်။ သူ့ကိုချုပ်ထားတဲ့အချိန်မှာ ကျွန်တော်က ‘မင်းဘာကြောင့် ဒီလိုလုပ်ရတာလဲ’ လို့မေးတဲ့အခါ သူက ‘မွတ်စလင်တွေကိုထပ်သပ်ချင်တယ်’ လို့ ပြောခဲ့ပါတယ်” ဟု ကျူးလွန်သူအား ဖမ်းဆီးပေးခဲ့သည့် အဘ်ဒူလ်ရဟ်မန် အစ်ဒ်ရူစ်က ပြောကြားခဲ့သည်။

လက်ရှိတွင် ထိုအဖြစ်အပျက်ကို ယူကေ အကြမ်းဖက်တိုက်ဖျက်ရေး ဌာနချုပ်မှ ကိုယ်တွယ်နေသည်။

Ref: CNN, Washingtonpost