ကမ္ဘာ့ထိပ်တန်း ပရဟိတဆုတစ်ခုကို အိန္ဒိယနိုင်ငံမှ မွတ်စလင် ပရဟိတသမားကြီး ရရှိ

ဇွန် ၂၄၊ ၂၀၁၇
M-Media

– ပရဟိတကဏ္ဍအတွက် ကမ္ဘာ့ထိပ်တန်းဆုတစ်ခုဖြစ်သည့် Carnegie Medal ဆုကို ယခုနှစ် ရရှိခဲ့သူများတွင် အိန္ဒိယရှိ အစိုးရကျောင်းစနစ်ကို ပြုပြင်ပြောင်းလဲပေးခဲ့သည့် မွတ်စလင် ပရဟိသမားကြီး အဇင်း ဟာရှင် ပရမ်ဂျီလည်း ပါဝင်ခဲ့သည်ဟု သိရသည်။

အသက် ၇၀ အရွယ်ရှိ မစ္စတာ ပရမ်ဂျီမှာ ပရဟိတ ဖောင်ဒေးရှင်းတစ်ခုဖြစ်သော Azim Premji Foundation ကို တည်ထောင်ခဲ့သူဖြစ်ပြီး ‘ပရဟိတလုပ်ငန်းတွင် ပြောင်မြောက်စွာ လမ်းကြောင်းသစ်ဖာက်နိုင်မှုအတွက်’ အသိအမှတ်ပြု ချီးမြှင့်သော ကမ္ဘာတစ်ဝှမ်းမှ ပရဟိတသမား ၉ ဦးစာရင်းတွင် ပါဝင်ခဲ့သည်။

ဆုချီးမြှင့်သည့် Carnegie Corporation က ထုတ်ပြန်သော ကြေငြာချက်တွင် မစ္စတာ ပရမ်ဂျီမှာ နည်းပညာကုမ္ပဏီတစ်ခုဖြစ်သော Wipro ကို နိုင်ငံတကာ လုပ်ငန်းတစ်ခုအဖြစ် ဦးဆောင်ပြီးသည့်နောက်တွင် နိုင်ငံအတွင်းရှိ အစိုးရကျောင်းစနစ်ကို ဖွံ့ဖြိုးတိုးတက်ရေးအတွက် အာရုံစိုက် လုပ်ဆောင်ခဲ့သည်ဟု ဖော်ပြခဲ့သည်။

“Azim Premji Foundation က အောက်ခြေအထိ တာဝန်ယူဆောင်ရွက်ခဲ့တဲ့ ဒီပြောင်မြောင်တဲ့ ဆောင်ရွက်မှုတွေကြောင့် လက်ရှိမှာ ပြည်နယ် ၇ ခုက ကျောင်းပေါင်း ၃ သိန်းလောက် အကျိုးဖြစ်ထွန်းနေပြီး ချဲ့ထွင်ဖို့ အစီအစဉ်လည်း ရှိပါသေးတယ်။ ဖောင်ဒေးရှင်းရဲ့ တက္ကသိုလ်တွေနဲ့ အသက်မွေးဝမ်းကြောင်း အင်စတီကျုတွေဟာ အိန္ဒိယနိုင်ငံအတွင်း တန်းတူညီမျှမှုနဲ့ တရားမျှတမှု ပိုမိုဖြစ်ထွန်းလာရေး ရည်ရွယ်ချက်ကိုလည်း အထောက်အကူ ဖြစ်စေပါတယ်” ဟု ကြေငြာချက်က ဆိုသည်။

Carnegie Medal ဆု ရရှိသူများတွင် တရုတ်၊ အမေရိကန် စသည့်နိုင်ငံများမှ ပရဟိတသမားများလည်း ပါဝင်သည်။ အဆိုပါဆုကို ၂၀၀၁ ခုနှစ်တွင် စတင်ကာ ၂ နှစ်တစ်ကြိမ် ချီးမြှင့်ခဲ့ပြီး ယခု ဆုရရှိသူများကို အောက်တိုဘာလတွင် ဆုချီးမြှင့်မည်ဖြစ်သည်။

မစ္စတာ အဇင်း ဟာရှင် ပရမ်ဂျီမှာ ၁၉၄၅ ခုနှစ် ဇူလိုင်လ ၂၄ ရက်နေ့တွင် ဂူဂျာရတ်ပြည်နယ်ရှိ ရှီအာမွတ်စလင် မိသားစုမှ မွေးဖွားခဲ့သူဖြစ်ပြီး အမေရိကန်ပြည်ထောင်စု စတန်းဖို့ဒ် တက္ကသိုလ်မှ လျှစ်စစ်အင်ဂျင်နီယာဘွဲ့ကို ရရှိခဲ့သည်။

နည်းပညာလုပ်ငန်း Wipro ကမ္ဘာအဆင့်အထိ ပေါက်ရောက်အောင် စွမ်းဆောင်နိုင်ခဲ့ပြီး အိန္ဒိယ၏ ထိပ်တန်း စီးပွားရေးသမား၊ ရင်းနှီးမြှုပ်နှံသူနှင့် ပရဟိတသမား ဖြစ်ခဲ့သည်။ ၂၀၁၀ ခုနှစ်တွင် Asiaweek က ရွေးချယ်သည့် ကမ္ဘာ့အလွှမ်းမိုးဆုံး အမျိုးသား ၂၀ စာရင်တွင် ပါဝင်ခဲ့သည်။ ထို့ပြင် စီးပွားရေးနှင့် နည်းပညာဆိုင်ရာ ဂုဏ်ပြုဆုပေါင်း များစွာကိုလည်း ရရှိခဲ့သည်။

Ref: The Hindu, Wiki