မွတ်စလင်အိမ်ရှေ့တွင် ၀က်သားတုံးသွားချသည့် အမျိုးသမီးကို စင်ကာပူ ပြစ်ဒဏ်ချ

ဇွန် ၃၀၊ ၂၀၁၇
M-Media

မွတ်စလင်အိမ်နီးချင်း၏ အိမ်ရှေ့တွင် ၀က်သားတုံးသွားချသည့် လီဂျီလင်း

– မွတ်စလင်အိမ်နီးချင်း၏ အခန်းရှေ့တွင် ၀က်သားတုံးသွားချထားသည့် အသက် ၆၃ နှစ်အရွယ် အမျိုးသမီးကို စိတ်ကျန်းမာရေးဆေးရုံ၌ ၂ နှစ်တိတိ ကုသမှုခံယူရန် စင်ကာပူက ယနေ့တွင် အမိန့်ချမှတ်လိုက်သည်ဟု သိရသည်။

စိတ်ရောဂါ ခံစားနေရသည့် လီဂျီလင်းဆိုသူ အမျိုးသမီးဖြစ်ပြီး သူမ၏ အိမ်နီးချင်း မွတ်စလင်အမျိုးသမီး မာလီယာ ဂျိုနတ်၏ အခန်းရှေ့တွင် ၀က်သာစိမ်းကို သွားချကာ အရှက်ရအောင် ပြုလုပ်သည့် စွဲချက်၊ လူတစ်ဦး၏ ဘာသာရေး ယုံကြည်သက်ဝင်မှုကို တမင်ရည်ရွယ်၍ စိတ်နှလုံးညှိုးနွမ်းအောင် ပြုလုပ်သည့်စွဲချက် စသည့် စွဲချက်နှစ်ခုအတွက် အပြစ်ရှိကြောင်း ဧပြီလတွင် ၀န်ခံခဲ့သည်။

ထို့ပြင် မာလီယာအား ၀က်ပုံသဏ္ဍာန် ပြုလုပ်ပြပြီး မလေးဘာစကားဖြင့် ‘ဘာဘီ’ (၀က်) ဟု ပြောကြားမှုအတွက် အရှက်ရစေမှု စွဲချက်ကိုလည်း ထည့်သွင်း စဉ်စားခဲ့သည်။

၂၀၁၆ ခုနှစ် ဇွန်လ ၁၄ ရက်နေ့ ညဘက် ၁၁ နာရီခွဲအချိန်တွင် မီးဖိုဆောင် ပြတင်းပေါက်မှနေ၍ လီဂျီလင်း၏ အသံကို ကြားသောကြောင့် အပြင်ကိုကြည့်ရာ လီဂျီလင်းမှာ အတွင်းခံဘောင်းဘီများ လှန်းထားသည့် ၀ါးလုံးတစ်ဖက်ကို သူမ၏ မီးဖိုဆောင်ပြတင်းပေါက်တွင် တင်ကာ၊ အခြားတစ်ဖက်ကို မိမိ၏ မီးဖိုဆောင် ပြတင်းပေါက်၌ တင်ရန် ကြိုးစားကြောင်း မာလီယာက တရားရုံးတွင် ထွက်ဆိုခဲ့သည်။

ရက်အနည်းငယ်အကြာ ၁၈ ရက်နေ့တွင် ညဘက် ၁၁ နာရီ ၄၀ အချိန်တွင် မာလီယာက အိမ်ရှေ့တံခါးကို ဖွင့်သည့်အခါ ၀က်သားအစိမ်းတုံးတစ်ခုကို တွေ့ရှိခဲ့ပြီး သူမ၏ အိမ်အပြင်ဘက်တွင် တပ်ဆင်ထားသည့် CCTV ကို ဖွင့်ကြည့်ရာ ထိုနေ့ည ၈ နာရီခန့်အချိန်တွင် လီဂျီလင်းက ထိုဝက်သားတုံးကို လာရောက်စွန့်ပစ်သွားသည်ကို တွေ့ခဲ့ရသည်။ နောက်နေ့မနက်တွင် မာလီယာက ရဲတပ်ဖွဲ့အား တိုင်ကြားခဲ့သည်။

ဘာသာရေး ယုံကြည်သက်ဝင်မှုကို တမင်ရည်ရွယ်၍ စိတ်နှလုံးညှိုးနွမ်းအောင် ပြုလုပ်ခြင်းအတွက် လီမှာ ထောင်ဒဏ် ၃ နှစ်အထိဖြစ်စေ၊ ဒဏ်ငွေဖြစ်စေ၊ ဒဏ် ၂ ရပ်လုံးဖြစ်စေ ကျခံရနိုင်ပြီး အရှက်ရအောင် ပြုလုပ်မှုအတွက် ထောင်ဒဏ်ခြောက်လ၊ ဒဏ်ငွေ စင်ကာပူဒေါ်လာ ၅ ထောင်၊ သို့မဟုတ် ဒဏ်နှစ်စလုံး ကျခံရနိုင်သော်လည်း တရားရုံး စိတ်ကျန်းမာရေးဆေးရုံတွင် ၂ နှစ် တက်ရောက်ကုသရန် အမိန့်ချခဲ့သည်။

Ref: CNA