ဟောင်ကောင်၏ ပြည်မကြီးမခွဲထွက်ရန် ကြိုးစားမှုကို တရုတ်သမ္မတ ပြင်းပြင်းထန်ထန် သတိပေး

ဇူလိုင် ၁၊ ၂၀၁၇
M-Media

– တရုတ်ပြည်မကြီးမှ ခွဲထွက်ရေး မည်သည့်လှုပ်ရှားမှုကိုမှ သည်းခံမည်မဟုတ်ဘဲ ထိုသို့ ဆောင်ရွက်ခြင်းမှာ စည်းဖောက်ခြင်းဖြစ်သည်ဟု တရုတ်သမ္မတ ရှီကျင့်ဖျင်က ဟောင်ကောင်အား ယနေ့တွင် သတိပေးလိုက်သည်။

ဟောင်ကောင်ကို ဗြိတိန်က တရုတ်လက်ထဲသို့ ပြန်လည်အပ်နှံသည့် နှစ် ၂၀ ပြည့်အထိမ်းအမှတ်အဖြစ် ဟောင်ကောင်ခေါင်းဆောင်သစ် ကာရီလမ် ကျမ်းသစ္စာကျိန်ဆိုသော အခမ်းအနားတွင် ထိုကဲ့သို့ ပြောကြားလိုက်ခြင်းဖြစ်ပြီး ‘ဟောင်ကောင်လွတ်လပ်ရေး’ ကြိုးပမ်းမှုများကို ဟောင်ကောင်အစိုးရက နှိမ်နှင်းသင့်သည်ဟုလည်း ဆိုသည်။

“တရုတ်နိုင်ငံရဲ့ အချုပ်အခြာနဲ့ လုံခြုံရေးကို ထိခိုက်စေတဲ့၊ ဗဟိုအစိုးရကို စိန်ခေါ်မယ့်၊ ပြည်မကြီးကို ပူးသတ်မယ့်၊ အဖျက်သဘောဆောင်တဲ့ လုပ်ရပ်တွေ ဆောင်ရွက်ဖို့ ဟောင်ကောင်ကို အသုံးချမယ့် ဘယ်လို ကြိုးပမ်းမှုမျိုးမဆို စည်းဖောက်တဲ့လုပ်ရပ်ဖြစ်ပြီး လုံးဝ ခွင့်ပြုမှာမဟုတ်ပါဘူး” ဟု ရှီကျင့်ဖျင်က ပြောကြားခဲ့သည်။

ဟောင်ကောင်တွင် ယနေ့ပြုလုပ်ခဲ့သည့် ခေါင်းဆောင်သစ် ကျမ်းသစ္စာကျိန်ဆိုပွဲကို လုံခြုံရေးထူထပ်စွာဖြင့် ဆောင်ရွက်ခဲ့သော်လည်း အခမ်းအနားကျင်းပသည့် နေရာအနီးတွင် လွတ်လပ်ရေး လိုလားသူများနှင့် တရုတ်လိုလားသူ ဆန္ဒပြသူများအကြား ရုန်းရင်းဆန်ခတ်မှုများ ဖြစ်ပွားခဲ့သည်။

ဟောင်ကောင်ပြည်သူများမှာ ပြီးခဲ့သည့်နှစ်များအတွင်း တရုတ်နိုင်ငံမှ လွတ်လပ်ရေးယူကာ ဒီမိုကရေစီနိုင်ငံ ဖြစ်လာစေရေး ဆန္ဒပြမှုများ ပြုလုပ်ခဲ့သည်။

ရှီကျင့်ဖျင်ကမူ ဟောင်ကောင်က လက်ရရှိနေသော လွတ်လပ်မှုမှာ မည်သည့်အချိန်ခါနှင့်မှ မတူကြောင်းလည်း ထည့်သွင်း ပြောဆိုခဲ့သည်။

Ref: BBC