နျူထိပ်ဖူးတပ်နိုင်သည့် တာတိုပစ်ဒုံးကျည်ကို ပါကစ္စတန် စမ်းသပ်အောင်မြင်

ဇူလိုင် ၆၊ ၂၀၁၇
M-Media

– နျူထိပ်ဖူးတပ်ဆင်ကာ ပစ်ခတ်နိုင်သည့် တာတို တိုက်ချင်းပစ်ဒုံးကျည်ကို အောင်မြင်စွာ စမ်းသပ်နိုင်ခဲ့သည်ဟု ပါကစ္စတန်က ယမန်နေ့တွင် ကြေငြာခဲ့သည်။

NASR အမည်ရှိ ဒုံးကျည်ဖြစ်ပြီး ကီလိုမီတာ ၇၀ အကွာအဝေးအထိ ရောက်ရှိနိုင်သည်ဟု စစ်တပ်မှထုတ်ပြန်သည့် ကြေငြာချက်တွင် ဖော်ပြထားသည်။ ထို့ပြင် အဆိုပါဒုံးကျည်မှာ လျင်မြန်စွာ တပ်ဖြန့်ချထားနိုင်ပြီး ပစ်မှတ်ကို တိတိကျကျပစ်နိုင်သည့် စနစ်လည်းပါဝင်ကာ နိုင်ငံ၏ ကာကွယ်ရေးစွမ်းအားကို တိုးတက်စေမည်ဟုလည်း ကြေငြာချက်က ဆိုသည်။

စမ်းသပ်ပစ်လွှတ်မှုကို ပါကစ္စတန် စစ်တပ်အကြီးအကဲ ကွာမာရ် ဂျာဗဒ် ဘဂ်ျဝါကိုယ်တိုင် ကြည့်ရှုခဲ့ပြီး ဒေသတွင်း ငြိမ်းချမ်းရေးနှင့် တည်ငြိမ်အေးချမ်းရေးအတွက် ပါကစ္စတန်က မည်သည့်အနေအထားမျိုးမဆို ဆောင်ရွက်သွားမည်ဖြစ်ကြောင်း၊ စစ်ပွဲမှာ ရွေးချယ်စရာတစ်ခုမဟုတ်သည်ကို ဒုံးကျည်များက မီးမောင်းထိုးပြရန် ရည်ရွယ်ကြောင်း ပြောကြားခဲ့သည်။

ပါကစ္စတန်၏ မဟာဗျူဟာမြောက် စစ်အင်အားမှာ စစ်တပ်ကို အလွန်အမင်းပြင်ဆင်လာကာ စစ်မက်လိုလားသည့် အိမ်နီးချင်းနိုင်ငံကြောင့် ငြိမ်းချမ်းရေးကို အာမခံနိုင်ရန် ဖြစ်သည်ဟုလည်း ဘဂ်ျဝါက ပြောကြားခဲ့ပြီး ပြိုင်ဘက် အိန္ဒိယကို ရည်ညွှန်းခြင်းဖြစ်သည်။

ဒုံးကျည်ကို တီထွင်ခဲ့သည့် သိပ္ပံပညာရှင်များ၊ စမ်းသပ်ပစ်လွှတ်မှုတွင် ပါဝင်ခဲ့သူ အားလုံးကို ကျေးဇူးတင်သည်ဟု ပါကစ္စတန်သမ္မတ မန်နွန်ဟူစိတ်နှင့် ၀န်ကြီးချုပ် နာဝဇ်ရှရစ်ဖ်တို့က ဂုဏ်ပြုခဲ့ကြသည်။

နျူလက်နက်များကို ပိုင်ဆိုင်ထားသည့် ပါကစ္စတန်နှင့် အိန္ဒိယနိုင်ငံတို့မှာ ဒုံးကျည်များကို မကြာခဏ စမ်းသပ်လေ့ရှိပြီး နျူလက်နက်မပြန့်ပွားရေး မည်သည့်နိုင်ငံတကာစာချုပ်ကိုမှ လက်မှတ်ရေးထိုးထားခြင်း မရှိပေ။

Ref: Press TV