မွတ်စလင်တွေရဲ့ အာဇန်သံဟာ ကြည်နူးဖွယ်ကောင်းတယ်လို့ ဟောလီးဝုဒ်မင်းသားကြီး မော်ဂန်ဖရီးမင်း ပြော

ဇူလိုင် ၈၊ ၂၀၁၇
M-Media

– ကမ္ဘာကျော်ဟောလီးဝုဒ်မင်းသားကြီး မော်ဂန်ဖရီးမင်းက မွတ်စလင်တွေရဲ့ နေ့စဉ် ၀တ်ပြုဖို့ နှိုးဆော်သံဟာ ကြည်နူးဖွယ်ရာကောင်းတဲ့ အသံတစ်ခုလို့ ထင်မြင်ကြောင်း ပြောကြားလိုက်ပါတယ်။

ပြီးခဲ့တဲ့နှစ် ဒီဇင်ဘာလောက်က National Geographic က ရိုက်ကူးတဲ့ History of God အစီအစဉ်မှာ အစ္စလာမ့်ဓမ္မပညာရှင်တစ်ဦးနဲ့ ဆွေးနွေးစဉ် သူက ဒီလို ပြောကြားလိုက်တာပါ။

မော်ဂန်ဖရီးမင်းဟာ ၁၉၉၁ ခုနှစ်ကထွက်ရှိခဲ့ပြီး အင်္ဂလန် ဒဏ္ဍာရီ သူရဲကောင်း ရော်ဘင်ဟုအကြောင်း ရိုက်ကူးထားတဲ့ Robin Hood: Prince of Thieves ဇာတ်ကားမှာ မွတ်စလင်ဇာတ်ကောင် အဇင်းအဖြစ် သရုပ်ဆောင်ခဲ့သူလည်း ဖြစ်ပါတယ်။

အာဇန်သံနဲ့ပတ်သက်ပြီး မော်ဂန်ဖရီးမင်းရဲ့ အမြင်ကို ဒီဗီဒီယိုလေးမှာ တွေ့ရမှာ ဖြစ်ပါတယ်။