ရခိုင်နှင့် ကချင်ကိစ္စ ကုလ အချက်အလက်ရှာဖွေရေးအဖွဲ့ကို ၀င်ခွင့်ပေးရန် မြန်မာကို ကန်ဖိအားပေး

ဇူလိုင် ၁၁၊ ၂၀၁၇
M-Media

မောင်တောမြို့မှ ရိုဟင်ဂျာများ

– ရခိုင်ပြည်နယ်မှာ ရိုဟင်ဂျာမွတ်စလင်တွေအပေါ် လုံခြုံရေးတပ်ဖွဲ့တွေက သတ်ဖြတ်မှုတွေ၊ အဓမ္မကျင့်မှုတွေ၊ ညှင်းပမ်းနှိပ်စက်မှုတွေ ကျယ်ကျယ်ပြန့်ပြန့်ရှိနေတယ်ဆိုတဲ့ စွပ်စွဲချက်တွေ အပါအ၀င် နိုင်ငံတစ်ဝှမ်း လူ့အခွင့်အရေး ချိုးဖောက်မှုတွေကို စုံစမ်းစစ်ဆေးဖို့အတွက် ကုလရဲ့ အချက်အလက်ရှာဖွေရေးအဖွဲ့ကို ၀င်ခွင့်ပြုဖို့ အမေရိကန်က မြန်မာနိုင်ငံကို မနေ့မှာ တိုက်တွန်းလိုက်ပါတယ်။

ကုလရဲ့ လူ့အခွင့်အရေးကောင်စီက ဒီစုံစမ်းရေးအဖွဲ့ကို မတ်လမှာ ဖွဲ့စည်းလိုက်တာဖြစ်ပေမယ့် နိုင်ငံတော်အတိုင်ပင်ခံနဲ့ နိုင်ငံခြားဝန်ကြီးဖြစ်တဲ့ ဒေါ်အောင်ဆန်းစုကြည်က စွပ်စွဲချက်တွေကို ငြင်းဆိုခဲ့ပြီး အချက်အလက်ရှာဖွေရေအဖွဲ့ကိုလည်း ငြင်းဆန်ထားပါတယ်။

နိုင်ငံခြားရေး ထိပ်တန်းတာဝန်ရှိသူတစ်ယောက်က ဒီအဖွဲ့ကို ပြည်ဝင်ခွင့်ပေးမှာမဟုတ်ဘူးလို့ ဇွန်လ ၃၀ ရက်နေ့မှာ ပြောကြားခဲ့ပါတယ်။

ကုလဆိုင်ရာ အမေရိကန်သံအမတ် နစ်ကီဟာလေးက မြန်မာအစိုးရအနေနဲ့ ဒီ အချက်အလက်ရှာဖွေရေးအဖွဲ့ကို ၀င်ရောက်ခွင့်ပြုပြီး အလုပ်လုပ်ခွင့်ပေးဖို့ အရေးကြီးတယ်လို့ မနေ့ကထုတ်ပြန်တဲ့ ကြေငြာချက်မှာ ဖော်ပြထားပါတယ်။

“မြန်မာနိုင်ငံမှာ ဖြစ်ပျက်နေတာတွေကို နိုင်ငံတကာအသိုင်းအ၀ိုင်းက မမြင်ချင်ယောင်ဆောင်နေလို့ မရပါဘူး။ ကျွန်မတို့ အတူတကွ ရပ်တည်ရမှာဖြစ်ပြီး ဒီ အချက်အလက်ရှာဖွေရေးအဖွဲ့နဲ့ အပြည့်အ၀ ပူးပေါင်းဆောင်ရွက်ဖို့ မြန်မာအစိုးရကို တိုက်တွန်းရပါမယ်”

၂၀၁၆ ခုနှစ် အောက်တိုဘာလက ရခိုင်ပြည်နယ်မြောက်ပိုင်းမှာ နယ်ခြားစောင့်စခန်းတွေ အကြမ်းဖက်တိုက်ခိုက်ခံရပြီးတဲ့နောက်ပိုင်း စစ်တပ်ကပြုလုပ်တဲ့ စစ်ဆင်ရေးကြောင့် ရိုဟင်ဂျာ ၇၅၀၀၀ လောက်ဟာ ဘင်္ဂလားဒေ့ရ်ှကို ထွက်ပြေးခဲ့ရပါတယ်။

ရိုဟင်ဂျာဒုက္ခသည်တွေကို တွေ့ဆုံမေးမြန်းပြီး ဖေဖော်ဝါရီမှာ ကုလက ထုတ်ပြန်ခဲ့တဲ့ အစီရင်ခံစာအတွင်း မြန်မာလုံခြုံရေးတပ်ဖွဲ့တွေဟာ အစုလိုက်အပြုံလိုက်သတ်ဖြတ်မှု၊ အုပ်စုဖွဲ့ အဓမ္မကျင့်မှုတွေဟာ လူသားထုအပေါ် ကျူးလွန်တဲ့ ရာဇ၀တ်မှု၊ လူမျိုးစုလိုက် သုတ်သင်ရှင်းလင်းမှု မြောက်နိုင်တယ်လို့ ဖော်ပြထားပါတယ်။

“လူမျိုးကြောင့်၊ ဘာသာအယူ ယုံကြည်သက်ဝင်မှုကြောင့် ဘယ်သူ့ကိုမှ ခွဲခြားဆက်ဆံလို့ မရပါဘူး” လို့ ကန်သံအမတ်က ပြောကြားခဲ့ပါတယ်။

Ref: Reuters