ရေချိုးခန်းတွင် ဖုန်းသုံးသော ကန်ဆယ်ကျော်သက်တစ်ဦး ဓာတ်လိုက်သေဆုံး

ဇူလိုင် ၁၈၊ ၂၀၁၇
M-Media

– အမေရိကန်ပြည်ထောင်စုတွင် အသက် ၁၄ နှစ်အရွယ် အမျိုးသမီးငယ်တစ်ဦးမှာ ရေစိမ်ချိုးစဉ် အားသွင်းထားသော ဖုန်းကို အသုံးပြုရာမှ ဓာတ်လိုက်သေဆုံးမှုတစ်ခု ပြီးခဲ့သည်ရက်ပိုင်းတွင် ဖြစ်ပွားခဲ့သည်ဟု သိရသည်။

သေဆုံးသွားသူမှာ နယူးမက္ကဆီကိုပြည်နယ် လိုဗင်တန်မြို့မှ မာဒီဆန်ကိုး ဆိုသူဖြစ်ပြီး ရေးချိုးစဉ် ဖုန်းသုံးနေသည့်အကြောင်း သူငယ်ချင်းဖြစ်သူအား နောက်ဆုံးပေးပို့ခဲ့သည့်ပုံကိုလည်း အခြားသူများကို သတိပေးသည့်အနေဖြင့် ရဲတပ်ဖွဲ့က ထုတ်ပြန်ခဲ့သည်။

ဖုန်းအားသွင်းကြိုးကို ပလပ်တွင် တပ်ထားသည့် အဆိုပါပုံနှင့်အတူ “ဖုန်းသုံးတဲ့အခါ ပလပ်နဲ့ အားသွင်းကြိုး ထိုးထားမယ်ဆိုရင် ရေချိုးနေရင်းလည်း သုံးလို့ရပါတယ်” ဟု စာတိုတစ်စောင်ကို မာဒီဆန်ကိုးက ပေးပို့ခဲ့ပြီး သိပ်မကြာခင်မှာပင် ဓာတ်လိုက်သေဆုံးခဲ့သည်။

သူမ အားသွင်းကာ အသုံးပြုနေသည့် Samsung Edge Plus ဖုန်း ရေချိုးဇလုံထဲကို ကျသွားရာမှ ဓာတ်လိုက်ခဲ့သည်ဟု စောစောပိုင်းက ယူဆထားသော်လည်း စုံစမ်းစစ်ဆးမှုများအရ ဖုန်းမှာ ရေစိုခြင်းမရှိဘဲ မာဒီဆန်ကိုးမှာ အားသွင်းကြိုး ပလပ်ထိုးထားသည့် မီးဘုတ်၏ ကျိုးပဲ့နေသောအပိုင်းကို သတိမမူမိဘဲ ကိုင်မိသေြာေ
ကာင့် ဓာတ်လိုက်ခဲ့ခြင်းဖြစ်သည်ဟု ယုံကြည်ရသည်။

မိသားများက ထိုအမျိုးသမီးငယ်မှာ ပလပ်ထိုးချိန်၊ သို့မဟုတ် အားသွင်းထားသည့်ဖုန်းကို ကိုင်သည့်အချိန်တွင် ဓာတ်လိုက်ခြင်းဖြစ်မည်ဟု ယုံကြည်နေသည်။

သူငယ်ချင်းဖြစ်သူအား မာဒီဆန်ကိုး နောက်ဆုံးပေးပို့ခဲ့သည့် ဓာတ်ပုံကို အများပြည်သူ သိရှိအောင် ပြသရန် မိသားစုကလည်း သဘောတူခဲ့ပြီး အခြားသူများ ထိုကဲ့သို့အမှားမျိုး မပြုလုပ်ရေး သတိပေးရန် ရည်ရွယ်ခြင်းဖြစ်သည်။

“ရေချိုးခန်းဆိုတာ ရေချိုးဖို့နဲ့ ကိုယ့်ရဲ့ သီးသန့်အချိန်အတွက်ပါ။ ဖုန်းဆိုတာ ရေချိုးခန်းနဲ့ ဘာမှ မဆိုင်ပါဘူး။ လျှပ်စစ်နဲ့ ရေဆိုတာ ရောလို့မရပါဘူး။ တစ်စက်လောက်ထိတာနဲ့ သွားမှာပါ” ဟု မာဒီဆန်ကိုး၏ ဒုတိယအမေဖြစ်သူ ဖလီရှာအိုဝင်က ပြောကြားခဲ့သည်။

Ref: Independent