ဂါဇာကမ်းမြှောင်ကို အစ္စရေးက တိုက်ခိုက်မှုပြုလုပ်

သြဂုတ် ၉၊ ၂၀၁၇
M-Media

– ပါလက်စတိုင်းပိုင်နက်ဖြစ်ပြီး အစ္စရေးက ပိတ်ဆို့ထားသည့် ဂါဇာကမ်းမြှောင်တွင် ပြုလုပ်သည့် အစ္စရေး၏ လေကြောင်းတိုက်ခိုက်မှုများကြာင့် အနည်းဆုံး ပါလက်စတိုင်းပြည်သူ ၄ ဦး ဒဏ်ရာရရှိခဲ့သည်ဟု သိရသည်။

ယမန်နေ့က ပြုလုပ်ခဲ့သည့် အဆိုပါ တိုက်ခိုက်မှုများမှာ နေရာ ၃ နေရာကို ပစ်မှတ်ထားခဲ့ခြင်းဖြစ်ပြီး ဂါဇာမှ ဒုံးကျည်ဖြင့် တိုက်ခိုက်မှုကို ပြန်လည်တုန့်ပြန်ခြင်းဖြစ်သည်ဟု အစ္စရေးစစ်တပ်က ပြောကြားခဲ့သည်။

သို့သော်လည်း ဟားမက်စ်ပြောရေးဆိုခွင့်ရှိသူ ဟာဇင် ကာဆမ်က ဂါဇာမှနေ၍ မည်သည့်တိုက်ခိုက်မှုမှ မပြုလုပ်ခဲ့ဟု ဆိုသည်။

“ကျူးကျော်သိမ်းပိုက်ထားသူတွေက ဂါဇာကနေ ဒုံးကျည်တွေ သူတို့ဆီလွှတ်တယ်လို့ပြောတယ်။ ဒါပေမယ့် ဒီဘက်မှာ ဒီကိစ္စကို လုပ်တဲ့သူ မရှိပါဘူး။ ကျွန်တော်တို့ဟာ တည်ငြိမ်ချမ်းရေးမှုကို ထိန်းသိမ်းထားပြီး ဘယ်လို ဒုံးကျည်မျိုးမှ ပစ်လွှတ်ခြင်းမရှိပါဘူး။ ဒီတည်ငြိမ်မှုကို ချိုးဖောက်တဲ့အတွက် ကျူးကျော်သူတွေ ဘာမှ မမြ
တ်ထွက်မှာ မဟုတ်ပါဘူး”

ဒဏ်ရာရရှိခဲ့သည့် ပါလက်စတိုင်းပြည်သူ ၄ ဦးတွင် ၃ ဦးမှာ ဆေရုံးမှ ဆင်းသွားခဲ့ပြီး တစ်ဦးမှာ ဒဏ်ရာပြင်းထန်သည်။

ဂါဇာကမ်းမြှောင်မှ ပစ်ခတ်မှုအားလုံးအတွက် အစ္စရေးက ဟားမက်စ်အဖွဲ့တွင် တာဝန်ရှိသည်ဟု ပြောကြားလေ့ရှိသည်။ ဟားမက်စ်မှာ ဂါဇာကမ်းမြှောင်အား ထိန်းချုပ်ပြီးနောက်ပိုင်းတွင် အစ္စရေးနှင့် ၃ ကြိမ် တိုက်ခိုက်မှု ဖြစ်ပွားခဲ့ပြီး နောက်ဆုံးမှာ ၂၀၁၄ ခုနှစ်တွင် ဖြစ်သည်။

Ref: Aljazeera