လက်လှည့်စပင်နာများအတွက် အန္တရာယ်ကင်းရေးသတိပေးချက် အမေရိကန်ထုတ်ပြန်

သြဂုတ် ၁၁၊ ၂၀၁၇
M-Media

– ဘတ္ထရီနဲ့ ကစားရတဲ့ လက်လှည့်စပင်နာတွေ မီးလောင်မှု ဖြစ်ပွားခဲ့ပြီးတဲ့နောက်ပိုင်း အမေရိကန်အစိုးရက အဲဒီ ကစားစရာအတွက် ဘေးအန္တရာယ်ကင်းရှင်းရေး လမ်းညွှန်ချက် ထုတ်ပြန်လိုက်ပါတယ်။

လက်လှည့်စပင်နာတစ်ချို့ဟာ Blutetooth နဲ့ လည်တာမျိုးဖြစ်ပြီး အမေရိကန်လူသုံးကုန် အန္တရာယ်ကင်းရှင်းရေးကော်မရှင် (CPSC) က ဒီ ပစ္စည်းတွေကို တစ်ညလုံး အားသွင်းမထားဖို့၊ ဆော့ကစားသူတွေအနေနဲ့ စပင်နာတွေကို ပါးစပ်ထဲမထည့်ဖို့ အကြံပြုထားပါတယ်။

ဒီ လက်လှည့်စပင်နာတွေဟာ စိတ်ဖြေလျော့ဖို့အတွက် ရည်ရွယ်တာဖြစ်ပေမယ့် ကလေးတွေသာမကဘဲ၊ အရွယ်ရောက်ပြီးတဲ့သူတွေအကြားမှာပါ ရေပန်းစားလာခဲ့တာပါ။ ဒီကစားစရာပစ္စည်းတွေကြောင့် မတောတဆ ဖြစ်ရပ်မျိုးတွေလည်း ရှိနေပါတယ်။

ဇွန်လမှာ အမေရိကန်ပြည်ထောင်စု အလာဘားမားပြည်နယ်က အိမ်တစ်အိမ်မှာ Bluetooth နဲ့ ကစားရပြီး သီချင်တွေထွက်တဲ့ လက်လှည့်စပင်နာတစ်ခုဟာ မီးလောင်ပြီး ကောဇောပေါ်ကျကာ မီးကူးသွားပေမယ့် မိသားစုက အချိန်မီတွေ့ရှိကာ ငြိမ်းသက်နိုင်ခဲ့ပါတယ်။

မေလတုန်းကလည်း မီချီဂန်မှာ ဘတ္တရီအသုံးပြု စပင်နာတစ်ခုဟာ အားသွင်းချိန် နာရီဝက်နီးပါးလောက်မှာ မီးလောင်သွားတဲ့ဖြစ်ရပ်တစ်ခု ဖြစ်ပွားခဲ့ပါတယ်။

CPSC ကတော့ ဒီစပင်နာတွေကို ကစားလိုသူတွေအနေနဲ့ သတိထားဖို့လိုကြောင်း၊ ကလေးငယ်လေးတွေရဲ့ အဝေးမှာ ထားသင့်ပြီး ပလက်စတစ်နဲ့ သတ္တုကိုယ်ထည်ဟာ ကျိုးပဲ့ကာ လည်ချောင်းမှာ တစ်သွားနိုင်တာကြောင့် ပါးစပ်ထဲ မထည့်သင့်ကြောင်း အကြံပြုထားပါတယ်။

လက်လှည့်စပင်နာတွေကို ထုတ်လုပ်ရောင်းချသူတွေအနေနဲ့ အသက် ၁၂ နှစ်အောက် ကလေးတွေအတွက် အမေရိကန်က သတ်မှတ်ထားတဲ့ ဘေးအန္တရာယ်ကင်းရှင်းရေးစံနှုန်းနဲ့ ညီညွတ်အောင် ဆောင်ရွက်ပေးဖို့လည်း တိုက်တွန်းခဲ့ပါတယ်။

Ref: BBC