သုံးသွလားက်ကို အစ္စလာမ်ဘာသာဝင်အများစုရှိသည့် နိုင်ငံများအပါအ၀င် ၁၉ နိုင်ငံက ပိတ်ပင်ထား

သြဂုတ် ၂၃၊ ၂၀၁၇
M-Media

– မွတ်စလင်အမျိုးသမီးတွေကို ထိခိုက်နစ်နာစေတဲ့ ‘သုံးသွလားက်’ ကွာရှင်းပြတ်စဲမှု ဓလေ့ထုံးတမ်းကို အိန္ဒိယ ဗဟိုတရားရုံးချုပ်က တနင်္လာနေ့မှာ တားမြစ်လိုက်ပြီး ဒီကိစ္စနဲ့ပတ်သက်တဲ့ ဥပဒေ ထွက်မလာခင်အထိ ဒီအမိန့်ဟာ အတည်ဖြစ်မှာ ဖြစ်ပါတယ်။

‘သုံးသွလားက်’ ဓလေ့ဟာ မွတ်စလင်အမျိုးသားတွေအနေနဲ့ သူတို့ရဲ့ ဇနီးကို တစ်ထိုင်တည်း ‘ကွာရှင်းတယ်’ လို့ ၃ ကြိမ်ပြောလိုက်ရုံနဲ့ ကွာရှင်းမှုအထမြောက်သွားပြီး၊ အိမ်ထောင်ရေး ပြန်လည်တည်ဆောက်လို့ မရတဲ့ အနေအထားမျိုး ရောက်သွားတာ ဖြစ်ပါတယ်။

ဒီဓလေ့ကို အစ္စလာမ့်ထုံးတမ်းဥပဒေအောက်မှာ ကျင့်သုံးနေကြပြီး ဒါကို အခြေခံကာ အမျိုးသားတွေဖက်က တာဝန်မဲ့ ကွာရှင်းမှုတွေ မြင့်တက်လာတာကြောင့် အိန္ဒိယက မွတ်စလင်အမျိုးသမီးအရေး တက်ကြွလှုပ်ရှားသူတွေက ပိတ်ပင်ဖို့ ပြီးခဲ့တဲ့ ၂ နှစ်လောက်ကတည်းက တောင်းဆိုခဲ့ကြကာ အခုတစ်ပတ်အတွင်းမှာ သူတို့ရဲ့လှုပ်ရှားမှု အောင်မြင်သွားခဲ့ပါတယ်။

အမျိုးသမီးအရေးတက်ကြွလှုပ်ရှားသူတွေနဲ့ အစ္စလာမ့်ဓမ္မပညာရှင်တွေက ဒီဓလေ့ဟာ အစ္စလာမ့်သွန်သင်ချက်၊ စည်းမျဉ်းစည်းကမ်းတွေကို အခြေခံတာမဟုတ်ဘူးလို့ ပြောကြားထားကြပါတယ်။ အိန္ဒိယက ထိပ်တန်း အစ္စလာမ့်ဓမ္မတက္ကသိုလ်ဖြစ်တဲ့ ‘ဒါရူအိုလွမ် ဒီယိုဘန်’ ကလည်း ဒီဓလေ့ကို ပိတ်ပင်ဖို့ မတ်လအတွင်းမှာ တိုက်တွန်းခဲ့ဖူးပါတယ်။

သုံးသွလားက်ပိတ်ပင်မှု အိန္ဒိယတစ်နိုင်ငံတည်းမဟုတ်

ဒီဓလေ့ထုံးတမ်းကို အခုလို ပိတ်ပင်လိုက်တာဟာ အိန္ဒိယတစ်နိုင်ငံတည်း မဟုတ်ပါဘူး။

ယူအေအီး၊ ပါကစ္စန်၊ ဘင်္ဂလားဒေ့ရ်ှတို့ အပါအ၀င် အစ္စလာမ်ဘာသာဝင်အများစုရှိတဲ့ နိုင်ငံပေါင်း ၁၉ နိုင်ငံလောက်ကလည်း ဒီဓလေ့ကို တားမြစ်ထားပါတယ်။

အဲဒီအထဲမှာ အီဂျစ်နိုင်ငံဟာ ၁၉၂၉ ခုနှစ်မှာ ပထမဆုံး တားမြစ်ခဲ့တာပါ။ တစ်ခြားနိုင်ငံတွေထဲမှာ အလ်ဂျီးရီးယား၊ အီရတ်၊ ဂျော်ဒန်၊ ကူဝိတ်၊ လက်ဘနွန်၊ လစ်ဗျား၊ မော်ရိုကို၊ ဆူဒန်၊ ဆီးရီးယား၊ တူနီးရှား၊ ယူအေအီး၊ ယီမင်၊ အင်ဒိုနီးရှား၊ မလေးရှား၊ ပါကစ္စတန်၊ ဘင်္ဂလားဒေ့ရ်ှနဲ့ သီရိလင်္ကာတို့ ပါဝင်ပါတယ်။

သုံးသွလားက် ဓလေ့ကို တရားဝင်တားမြစ်ပိတ်ပင်ထားတဲ့ နိုင်ငံတွေရဲ့ ဥပဒေဆိုင်ရာ အမိန့်ညွှန်ကြားချက်တွေကို ဖော်ပြလိုက်ပါတယ်။

ယူအေအီး (အစ္စလာမ်ကို နိုင်ငံတော်ဘာသာအဖြစ် ကြေငြာထား)

၂၀၀၅ ခုနှစ် ပြည်ထောင်စု ဥပဒေ အမှတ် ၂၈ ၏ လူတစ်ဦးချင်း ပုဂ္ဂလဆိုင်ရာ ဥပဒေအပိုဒ် ၁၀၄(က) – ဇနီးမောင်နှံ တရားဝင်လက်ထပ်ထားမှုကို ဇနီး၏ ဆန္ဒမပါဘဲ ခင်ပွန်းသည်မှ တစ်ဖက်သက် ကွာရှင်းမှုကြောင့် အိမ်ထောင်ရေး ပျက်ပြားခဲ့လျှင် သတ်မှတ်စောင့်ဆိုင်းကာလ ပြီးမြောက်ပြီး နောက်ပိုင်းတွင်လည်း ခင်ပွန်းသည်က ဇနီးဖြစ်သူအပေါ် နစ်နာကြေးပေးရမည်။

နစ်နာကြေးကို ခင်ပွန်းသည်၏ ပေးအပ်နိုင်မည့် နည်းလမ်းများ၊ အမျိုးသမီး၏ နစ်နာမှုတို့နှင့် လျော်ညီအောင် သတ်မှတ်ပေးရမည်ဖြစ်ပြီး ဇနီးဟောင်းအား ထောက်ပံ့ပေးရမည်ဟု ဥပဒေက သတ်မှတ်ထားသည် ပမာဏ၏ တစ်နှစ်စာထက် ကျော်လွန်ခြင်း မရှိစေရ။

(ခ) နစ်နာကြေးကို တစ်လုံးတစ်ခဲတည်းပေးချေရမည်၊ သို့တည်းမဟုတ် အရစ်ကျပေးရမည်ဟူသည့် ဆုံးဖြတ်ချက်ကို ခင်ပွန်းသည်၏ ပေးချေနိုင်စွမ်းကို မူတည်၍ တရားသူကြီးက ဆုံးဖြတ်နိုင်သည်။

အလ်ဂျီးရီးယား (အစ္စလာမ်ကို နိုင်ငံတော်ဘာသာအဖြစ် ကြေငြာထား)

၁၉၈၄ ခုနှစ်တွင် ပြဌာန်းခဲ့ပြီး ၂၀၀၅ ခုနှစ်တွင် ပြင်ဆင်ခဲ့သည့် ဥပဒေ ပုဒ်မ ၈၄-၁၁

“၃ လထက်မပိုသည့် ပြန်လည်ပေါင်းထုပ်ရေး ကြိုးပမ်းမည့် အစီအစဉ်ကို တရားရုံးမှ တရားသူကြီးတစ်ဦးက တင်ကြို သတ်မှတ်ထားခြင်း မရှိသမျှ ကွာရှင်းမှု အထမြောက်ခြင်း မရှိစေရ”

အီဂျစ် (ဘာသာရေးမစွက်သည့်နိုင်ငံအဖြစ် ကြေငြာထား)

၁၉၈၅ ခုနှစ်က ပြဌာန်းထားပြီး ၁၉၂၉ ခုနှစ်တွင် ပြင်ဆင်ခဲ့သည့် ဥပဒေပုဒ်မ ၂၅

“အပိုဒ် ၁- မူးယစ်ခြင်း သို့မဟုတ် ဖိအားပေးခံရခြင်းတို့ကြောင့် ပြုလုပ်သော သွလားက်များ အကျုံးဝင်ခြင်း မရှိစေရ”

“အပိုဒ် ၂ – တစ်စုံတစ်ခုပြုလုပ်ရန် မက်လုံးပေးသည့်ရည်ရွယ်ချက် သို့တည်းမဟုတ် တစ်စုံတစ်ခုမှ ရှောင်ကျဉ်ရန် ခြိမ်းခြောက်သည့်ရည်ရွယ်ချက်ဖြင့် ပြုလုပ်သော သွလားက်သည် ချက်ခြင်းမဟုတ်ဘဲ အချိန်ကာလတစ်ခုအတွက် ရည်ရွယ်သော်လည်း ထိုသွလားက်မှာ အကျုံးဝင်ခြင်း မရှိစေရ”

“အပိုဒ် ၃ – ပြန်လည်ရုပ်သိမ်းနိုင်သည့် တစ်ကြိမ်တည်းသော သွလားက်မဟုတ်ပါက နံပါတ်ဖြင့် ပြောဆိုသော သို့တည်းမဟုတ် ရှင်းလင်းစွာပြောကြားသော သို့တည်းမဟုတ် ထိုကဲ့သို့ အဓိပ္ပါယ်သက်ရောက်စေသော သွာလားက်များ အကျုံးဝင်ခြင်း မရှိစေရ”

“အပိုဒ် ၄ – ကွာရှင်းမှုနှင့် နှီးနွယ်သည်ဖြစ်စေ၊ နှီးနွယ်မှုမရှိသည်ဖြစ်စေ သင်္ကေတဖြင့်ပြုသော သွလားက်မျိုးမှာ ခင်ပွန်းသည်က ထိုကဲ့သို့ဖြစ်စေရန် ရည်ရွယ်ခြင်းမရှိသမျှ အကျုံးဝင်ခြင်း မရှိစေရ”

ပါကစ္စတန်နှင့် ဘင်္ဂလားဒေ့ရှ် (အစ္စလာမ်ကို နိုင်ငံတော်ဘာသာအဖြစ် ကြေငြာထား)

၁၉၆၁ ခုနှစ်က ပြဌားန်ခဲ့သည့် နည်းဥပဒေ (၈) ကို ၁၉၈၅ ခုနှစ်တွင် ပြင်ဆင်ခဲ့သည့် နည်းဥပဒေ ၁၁၄

“ပုဒ်မ ၇ (က) – မည်သည့်အမျိုးသားမဆို ၎င်း၏ ဇနီးဖြစ်သူကို ကွာရှင်းလိုပါက – နှုတ်ဖြင့်သော်လည်း၊ အခြားပုံစံဖြင့်သော်လည်းကောင်း ပြောကြားပြီးချင်း – ထိုကွာရှင်းမှုပြုလုပ်ခဲ့ကြောင်း အသိပေးစာကို ဥက္ကဌသို့ ပေးအပ်ရမည်။ မိတ္တူကို ဇနီးသို့ ပေးအပ်ရမည်”

“ပုဒ်မ ၇ (ခ) – မည်သူမဆို ပုဒ်မခွဲ (က) ကို ကျူးလွန်ဖောက်ဖျက်ပါက – တစ်နှစ်အထိ တိုးမြှင့်နိုင်သည့် ထောင်ဒဏ် သို့မဟုတ် ရူပီး ၅ ထောင်အထိ တိုးမြှင့်နိုင်သည့် ငွေဒဏ် သို့မဟုတ် ဒဏ်နှစ်ရပ်စလုံး ကျခံရမည် (ဘင်္ဂလားဒေ့ရ်ှတွင် တာကာ ၁၀၀၀၀) ”

“ပုဒ်မ ၇ (ဂ) – ကနဦးတွင် ရုပ်သိမ်းခြင်းမရှိသည့် တွလားက်မျိုးမှာ ဥက္ကဌထံသို့ အပိုဒ်ခွဲ (က) အရ ပေးပို့သည့် အသိပေးစာ ရောက်ရှိသောနေ့မှ ရက်ပေါင်း ၉၀ ကြာမြင့်သော အသိပေးစာ သက်တမ်း မကုန်မချင်း တွလားက် အထမြောက်ခြင်း မရှိစေရ။ အပိုဒ်ခွဲ (င) တွင် ဖော်ပြထားသည့် အခြေအနေမျိုးမှာ ဤပုဒ်မမှ ကင်းလွတ်သည်”

“ပုဒ်မ ၇ (ဃ) – အပိုဒ်ခွဲ (က) အရ အကြောင်းကြားစာ ရရှိပြီး ရက် ၃၀ အတွင်း ဥက္ကဌမှာ ဇနီးမောင်နှံအကြား ပြန်လည်သင့်မြတ်ရေးအတွက် ခုံသမာဓိကောင်စီတစ်ခုကို ဖွဲ့စည်းရမည်ဖြစ်ပြီး၊ ပြန်လည်ပေါင်းထုပ်ရေးအတွက် လိုအပ်သည့် ကိစ္စရပ်အားလုံးကို အဆိုပါကောင်စီက ဆောင်ရွက်ပေးရမည်”

“ပုဒ်မ ၇ (င) – တွလားက်ပေးချိန်တွင် ဇနီးသည် ကိုယ်ဝန်ရှိနေပါက အပိုဒ်ခွဲ (ဂ) တွင် ဖော်ပြထားသည့်အခြေအနေမျိုး မရောက်မချင်း၊ သို့မဟုတ် ကလေးမီးဖွားမပြီးမချင်း အဆိုပါ သွလားက်မှာ အကျုံးဝင်ခြင်း မရှိစေရ”

“ပုဒ်မ ၇ (စ) – ဤဥပဒေအောက်တွင် ကွာရှင်းပြတ်ဆဲပြီးသော အမျိုးသမီးတစ်ဦးအနေဖြင့် တတိယလူတစ်ဦးနှင့် ထိမ်းမြားခြင်းမရှိဘဲ ခင်ပွန်းဟောင်းနှင့် ပြန်လည် ထိမ်းမြားခွင့်ကို မည်သည့်အရာကမှ တားဆီးပိတ်ပင်ခြင်း မရှိစေရ”

Ref: Khaleejtimes