“ကုလားတွေ ထွက်သွား” (သရော်စာ)

အောက်တိုဘာ၊ ၂၇ ၊ ၂၀၁၂
M-Media
အောင်နိုင်

ငါတို့ မြန်မာများသည်
ရင်ဘတ်မှာ ဗုံးကပ်ပြီး အသေခံတိုက်ပွဲဝင်ရဲကြသည်…
လူရှေ့သူရှေ့ သေနတ် ကို တရစပ်ပစ်တတ်ကြသည်…

အများအကျိုးအတွက် ကိုယ်ကျိုးစွန့် ကာ ဟေးလားဝါးလား ဆန္ဒပြတတ်ကြသည်…
တယောက်က ဟေးဆို သံယောင်လိုက်ကြသည်….
အဓိကရုဏ်းတွေမှာ ဆိုင်ခန်းတွေဖောက် ပစ္စည်းတွေဖောက် အချောင်နှိုက်သော မျိုးချစ်များလည်း ဒုနဲ့ ဒေးရှိကြသည်….

ငါတို့ မဟုတ်က ငါတို့ မုန်းသည်…
ငါတို့ နှင့် မတူ ရန်သူပင်ဖြစ်သည်…

ငါတို့ က ပျင်း၍ ဖျင်း၍ မတိုးတက်သောအခါ
ငါတို့ နှင့်လူမျိုးတူ တိုးတက်နေသူတွေကို မမြင်
ငါတို့ နှင့် လူမျိုးမတူသူ တိုးတက်နေသူတွေကို လက်ညှိုးထိုး စောင်းမြောင်းကဲ့ရဲ့ကြသည်….

ငါတို့ နေထိုင်သော အမိမြန်မာပြည်ကို အလွန်ချစ်သောကြောင့်
နေ့ စဉ် လမ်းပေါ်ကွမ်းတံတွေး တပြစ်ပြစ်ထွေးသည်…
ငါတို့ ၏ အမေနှမ ညီမအရွယ်များကို စာနာကာ ကားမှတ်တိုင်မှာ ဆေးလိပ်ဖွာကြသည်….
ငါတို့ ၏ ဘိုးဘွားများကို ရိုသေသောကြောင့် ဘတ်စ်ကားပေါ်တွင် ထိုင်ခုံလုကြသည်…
ငါတို့ ၏ သယံဇာတများကို အထွဋ်အမြတ်ထားကာ ကျောက်စိမ်းတွေရောင်းစားကြသည်….

ငါတို့  ကုလားဆိုင်တွေကို အားမပေးဘူး…. ကိုယ့်ဘာသာကိုယ် ဒံပေါက်ခပ်ညံ့ညံ့တွေ လုပ်စားကြမယ်….
ငါတို့ တရုတ်ဆိုင်တွေကို အားမပေးဘူး…. ကိုယ့်ဘာသာကိုယ် တုန်ရမ်းဟင်းချို ချိုချိုလေးလုပ်သောက်ကြမယ်….

ကုလားတွေ ငါတို့ ဆိုင်တွေမှာ လာဝယ်ရင် မောင်းထုတ်ပြစ်မယ်….ငါတို့ ထမင်းအငတ်ခံပြီး မောင်းထုတ်မယ်…..

ငါတို့ ၏ မြန်မာပြည်သည် ကုလားလက်ထဲရောက်ပြီး အပျက်မခံနိုင်…… ငါတို့ ကိုယ်တိုင်သာ ဖျက်မည်…

ငါတို့ ဟာ ငါတို့ ရဲ့ ဘာမှမတိုးတက်မဖွံ့ ဖြိုးသေးတဲ့ မြေပေါ် ကျူးကျော်လာတဲ့သူတွေကို တိုက်ထုတ်ပစ်မယ်…….
ငါတို့ မြေမှာ ခိုကပ်ပြီး စုတ်ပြတ်သပ်နေတဲ့ လူအဖွဲ့ အစည်းတခုကို အေကေ ၄၇ တလက်နဲ့ အမျိုးဖြုတ်ပစ်မယ်…..
သူတို့ တွေ သေသွားတော့မှ ငါတို့ တိုင်းပြည်ကြီးတိုးတက်လာလိမ့်မယ်…..
အမေရိကန်လောက်နီးနီး အဆင့်အတန်းမြင့်မားလာလိမ့်မယ်…..
သူတို့ တွေ တယောက်သေတိုင်း သူတို့ ကိုယ်ထဲက ၂၄ ကာရက် စိန်တုံးကြီးတွေ ထွက်ထွက်ကျလာတယ်လေ…..
ဒါတွေက ငါတို့ တိုင်းပြည်အနာဂတ်အတွက် အဓိက အရင်းအနှီးပဲ……..

ငါတို့ အခုလက်ရှိမှာ သူတို့ တွေ သေကိုသေရမယ်……….သူတို့ မသေသ၍ ငါတို့ တိုင်းပြည်ဟာ ဆင်းရဲနေဦးမှာပဲ…..စုတ်ပြတ်နေဦးမှာပဲ……
ကြည့်စမ်း ဟိုမှာ ဟိုတရုတ် Mark X စီးသွားနေတယ်…..ငါဆိုက္ကားပေါ်ကအော်ပြောလိုက်တယ်….
“မကျေနပ်ဘူး…ဒီဘင်္ဂါလီတွေကို သတ်”
ငါလည်း Mark X ၀ယ်စီးပစ်မယ်……..

ငါတို့ ရဲ့ သန်းချီတန်တဲ့ အိမ်ပေါ်မှာ တက်နေနေတဲ့ ဒီဘင်္ဂါလီတွေကို မောင်းထုတ်ပစ်မယ်……သူတို့ မရှိတော့မှ ငါတို့ ရဲ့ ဇိမ်ခံအိမ်ကြီးထဲမှာ ငါတို့ အေးဆေးဇိမ်ယူလို့ ရလိမ့်မယ်…….

ဒီတော့ ရဲဘော်တို့ …..ရရာလက်နက် တုတ်ဓားမကျန် လှံတချောင်းမချန် အကုန်ကိုင်စွဲပြီး ချီတက်ကြစို့ …..
ဘင်္ဂါလီအလိုမရှိ…ရိုဟင်ဂျာအလိုမရှိ…
ငါတို့ ရဲ့ စုတ်စုတ်ပြတ်ပြတ်နိုင်ငံထဲက ထွက်သွားကြ……………..

ငါတို့ နိုင်ငံ မင်းတို့ လာဖျက်စရာဘာအကြောင်းမှမရှိဘူး ငါတို့ ဘာသာ ငါတို့ ဖျက်ပြမယ်…….

မင်းတို့ အေးဆေး အိမ်ပြန်ကြ……………………………..