မူးယစ်မှောင်ခိုကိစ္စတွင် ပါဝင်သည်ဆိုသော သတင်းကို ဒူတာတေးသား ငြင်းဆို

စက်တင်ဘာ ၇၊ ၂၀၁၇
M-Media

ဒူတာတေး၏သား ပါအိုလို (ဘယ်)

– တရုတ်နိုင်ငံမှ မူးယစ်ဆေးဝါး တင်သွင်းမှုတွင် ပါဝင်သည်ဆိုသည့် သတင်းများကို ဖိလစ်ပိုင်သမ္မတ ဒူတာတေး၏ သားက ငြင်းဆိုလိုက်သည်။

သမ္မတဒူတာတေးမှာ ၎င်း အာဏာရပြီးကတည်းက မူးယစ်ဆေးဝါး တိုက်ဖျက်ရေးလုပ်ငန်းကို ပြင်းပြင်းထန်ထန် လုပ်ဆောင်နေပြီး အတိုက်အခံများက ဒူတာတေး၏သား ပါအိုလိုမှာ မြို့တော် မနီလာသို့ ကန်ဒေါ်လာ ၁၂၅ သန်းတန် မူးယစ်ဆေးဝါးများ တင်ပို့မှုတွင် ကူညီခဲ့သည်ဟု စွပ်စွဲခဲ့သည်။

“ကောလဟာလကိုအခြေခံတဲ့ စွပ်စွဲချက်တွေကို ကျွန်တော် ဖြေရှင်းမနေပါဘူး။ ကျွန်တော် ဒီမှာ ရှိနေတာက ဖိလစ်ပိုင် ပြည်သူတွေအတွက်နဲ့ ကျွန်တော် တာဝန်ထမ်းဆောင်နေတဲ့ ဒါဗာအိုပြည်သူတွေအတွက် ဖြစ်ပါတယ်” ဟု နိုင်ငံတောင်ပိုင်း ဒါဗာအိုမြို့၏ ဒုတိယ မြို့တော်ဝန်အဖြစ် တာဝန်ထမ်းဆောင်နသည့် ပါအိုလို ဒူတာတေး ယနေ့တွင် လွှတ်တော်၌ ထွက်ဆိုခဲ့သည်။

ဖုံးကွယ်ထားစရာ မရှိပါက လွှတ်တော်၏ စုံစမ်းစစ်ဆေးမှုကို တက်ရောက်ရန် သားဖြစ်သူအား ပြောကြားခဲ့သည်ဟု ဒူတာတေးက ဆိုသည်။ ထို့ပြင် လွှတ်တော်တွင် မည်သည့်မေးခွန်းကိုမှ မဖြေရန်လည်း ဒူတာတေးက ပါအိုလိုအား မှာကြားခဲ့သည်။

ဒူတာတေးက မိမိ၏ မိသားစုမှ တစ်ဦးဦး ခြစားမှုကိစ္စတွင် ပါဝင်ကြောင်း သက်သေပြနိုင်ပါက မိမိအနေဖြင့် ရာထူးမှ နှုတ်ထွက်သွားမည်ဟု ထပ်ခါတလဲလဲ ပြောကြားထားသည်။

Ref: Aljazeera