ရိုဟင်ဂျာများအပေါ် ကျူးလွန်မှုကို ရပ်တန့်ရမည်ဟု အိန်ဂျလီနာဂျိုလီ ပြော

စက်တင်ဘာ ၁၈၊ ၂၀၁၇
M-Media

– ဟောလီးဝုဒ်က နာမည်ကျော်သရုပ်ဆောင် အိန်ဂျလီနာ ဂျိုလီက ရိုဟင်ဂျာတွေအပေါ် ကျူးလွန်နေတဲ့ အကြမ်းဖက်မှုကို ရှုတ်ချလိုက်ပြီး၊ ဒုက္ခသည်တွေကို ပြန်လည်လက်ခံဖို့ တိုက်တွန်းခဲ့ပါတယ်။

ဂျာမနီအပတ်စဉ်သတင်းစာ Welt am Sonntag နဲ့ အင်တာဗျူးမှာ ဒီလိုပြောကြားလိုက်တာဖြစ်ပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ မြန်မာအစိုးရအနေနဲ့ ဒီကိစ္စမှာ နှုတ်ဆိတ်မနေဖို့လည်း ပြောကြားခဲ့ပါတယ်။

“စစ်တပ်ရဲ့ အကြမ်းဖက်လုပ်ရပ်တွေကို ရပ်ပစ်ရမယ်ဆိုတာ လုံးဝ ရှင်းပါတယ်။ ဒုက္ခသည်တွေ ပြန်လာမှုကို ခွင့်ပြုရမယ်၊ ရိုဟင်ဂျာတွေကို နိုင်ငံသားအခွင့်အရေး ပေးရပါမယ်။ ဒေါ်အောင်ဆန်းစုကြည်အနေနဲ့ ဒီကိစ္စမှာ လူ့အခွင့်အရေးရဲ့အသံ ဖြစ်လာဖို့ ကျွန်မတို့အားလုံး ဆန္ဒရှိပါတယ်”

သြဂုတ်လ ၂၅ ရက်နေ့က ရခိုင်ပြည်နယ် မြောက်ပိုင်းမှာရှိတဲ့ နယ်ခြားစောင့်စခန်းတွေကို ရိုဟင်ဂျာလက်နက်ကိုင်အဖွဲ့ ARSA က တိုက်ခိုက်ခဲ့ပြီးနောက်ပိုင်း တစ်ကျော့ပြန်ဖြစ်ပွားလာတဲ့ မတည်ငြိမ်မှုတွေကြောင့် ရိုဟင်ဂျာ ၄ သိန်းလောက် ဘင်္ဂလားဒေ့ရ်ှဖက် ထွက်ပြေးရတယ်လို့ ကုလက ပြောကြားထားပါတယ်။

ဒီကစ္စနဲ့ပတ်သက်ပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ ဝေဖန်မှုတွေကို ခံနေရပြီး နိုဘယ်ဆုရှင်တွေဖြစ်တဲ့ တောင်အာဖရိကဘုန်းတော်ကြီး ဒက်စမွန်တူးတူး၊ ပါကစ္စတန်က မာလာလာ၊ ဘင်္ဂလားဒေ့ရ်ှက မိုဟာမက် ယူနွတ်စ်တို့ကလည်း နှုတ်ဆိတ်မနေဖို့ သူမကို တိုက်တွန်းခဲ့ပါတယ်။

Ref: abc