အင်ဒိုနီးရှားတွင် မီးပန်းစက်ရုံပေါက်ကွဲပြီး လူ ၄၀ ကျော် သေဆုံး

အောက်တိုဘာ ၂၆၊ ၂၀၁၇
M-Media

– အင်ဒိုနီးရှားနိုင်ငံတွင် မီးရှူးမီးပန်းစက်ရုံတစ်ခု မီးလောင်ပေါက်ကွဲမှုကြောင့် အနည်းဆုံး ၄၆ ဦး သေဆုံးပြီး အများအပြား ဒဏ်ရာရရှိခဲ့သည်ဟု သိရသည်။

မြို့တော် ဂျကတာအပြင်ဘက် စက်မှုဇုန်ရှိ စက်ရုံတွင် ယနေ့မနက်ပိုင်းက ပေါက်ကွဲခဲ့ခြင်းဖြစ်ပြီး သေဆုံးသူများမှာ မည်သူမည်ဝါမှန်း မသိတော့သည်အထိ မီးလောင်ကျွမ်းခဲ့သည်ဟု ရဲတပ်ဖွဲ့က ပြောကြားခဲ့သည်။

မီးလောင်မှုကြောင့် စက်ရုံလည်း ပြိုကျခဲ့ပြီး အနီးအနားရှိ ကားများပါ မီးကူးခဲ့သည်။ မီးလောင်မှုအကြောင်းအရင်းကို ရဲတပ်ဖွဲ့က စုံစမ်းစစ်ဆေးနေသည်။

စက်ရုံဝန်ထမ်းတစ်ယောက်ကမူ မီးပန်းများ ထုတ်လုပ်နေစဉ်အတွင်း ပေါက်ကွဲမှု ဖြစ်ပွားခြင်းဖြစ်သည်ဟု ပြောကြားခဲ့သည်။

“ဘယ်လိုဖြစ်သွားလဲတော့ ကျွန်တော်လည်း မသိပါဘူး။ ကျွန်တော်က စက်ရုံအပြင်မှာ အလုပ်လုပ်နေတယ်တယ်။ ပေါက်ကွဲမှုအချို့ ဖြစ်ခဲ့ပြီး ကား ၄ စီးနဲ့ ဆိုင်ကယ် အားလုံး ပေါက်ကွဲပျက်ဆီးသွားပါတယ်” ဟု မီးလောင်ဒဏ်ရာများ ရရှိခဲ့သည့် အဒီက ပြောကြားခဲ့သည်။

အဆိုပါစက်ရုံ လုပ်ကိုင်နေသည်မှာ သီတင်းပတ် ၆ ပတ်သာ ရှိသေးပြီး သေဆုံးသူများ၏ မိသားစုများက ကုမ္ပဏီအား အရေးယူရန် အာဏာပိုင်များကို တောင်းဆိုခဲ့သည်။

Ref: CNA