ရခိုင်မြောက်ပိုင်းတွင် WFP က အကူအညီပြန်ပေးခွင့်ရ

အောက်တိုဘာ ၂၇၊ ၂၀၁၇
M-Media

မောင်တောတွင် အကူအညီပေးရေးအဖွဲ့ကို ဆန့်ကျင်ဆန္ဒပြမှုတစ်ခု

– ရခိုင်ပြည်နယ်မြောက်ပိုင်းမှာ လိုအပ်နေသူတွေအတွက် အစားအသောက်တွေ ဖြန့်ဖြူးရေး ပြန်လည်လုပ်ဆောင်ဖို့အတွက် မြန်မာအစိုးရက ခွင့်ပြုလိုက်တယ်လို့ ကမ္ဘာ့စားနပ်ရိက္ခာအစီအစဉ် WFP က ဒီနေ့မှာ ပြောကြားလိုက်ပါတယ်။

WFP ဟာ ရခိုင်ပြည်နယ်က ဗုဒ္ဓဘာသာဝင်တွေနဲ့ မွတ်စလင်တွေ စုစုပေါင်း ၁၁၀၀၀၀ လောက်ကို စားနပ်ရိက္ခာတွေ ဖြန့်ဖြူးပေးနေတာဖြစ်ပြီး သြဂုတ်လနှောင်းပိုင်းမှာ ရိုဟင်ဂျာလက်နက်ကိုင်တွေက ရဲကင်းတွေကို ၀င်တိုက်ခဲ့ပြီးတဲ့နောက် စစ်တပ်ရဲ့ နယ်မြေရှင်းလင်းမှုကြောင့် အကူအညီပေးရေးလုပ်ငန်းတွေကို ၂ လလောက် ရပ်ဆိုင်းခဲ့ရတာပါ။

“ရခိုင်ပြည်နယ်မြောက်ပိုင်းမှာ စားနပ်ရိက္ခာအကူအညီပေးရေးလုပ်ငန်းတွေ ပြန်လည်လုပ်ဆောင်ဖို့ WFP ကို ခွင့်ပြုလိုက်ပါပြီ။ အသေးစိတ်ကိစ္စတွေအတွက် ကျွန်မတို့ဟာ အစိုးရနဲ့ ဆောင်ရွက်နေပါတယ်” လို့ WFP ပြောရေးဆိုခွင့်ရှိသူ Bettina Luescher က ဂျီနီဗာမှာ ဂျာနယ်လစ်တွေကို ပြောကြားခဲ့ပါတယ်။

ရခိုင်ပြည်နယ်မြောက်ပိုင်းမှာ အခုအချိန်အထိ နေထိုင်နေတဲ့ ရိုဟင်ဂျာမွတ်စလင်လူ့အဖွဲ့အစည်းကို အစားအသောက်တွေ ဖြန့်ဖြူးဖို့ကိစ္စကို သူမက အသေးစိတ် ထုတ်ဖော်ပြောဆိုခြင်းမရှိဘဲ မြန်မာအာဏာပိုင်တွေနဲ့ ဆွေးနွေးမှုတွေလုပ်နေတယ်လို့ ဆိုပါတယ်။

“မြေပြင်မှာ အခြေအနေ ဘယ်လိုဖြစ်နေလဲဆိုတာ ကျွန်မတို့ ကြည့်ရပါမယ်။ ဒါတွေမသိဘဲနဲ့ ဒီကိစ္စတွေကို ပြောဖို့ခက်ပါတယ်”

Ref: CNA