မြန်မာက ရိုဟင်ဂျာများကိုမောင်းထုတ်မှု ဒေသတွင်း မတည်မငြိမ်ဖြစ်စေသည်ဟု ရှိခ်ဟာဆီနာပြော

နိုဝင်ဘာ ၅၊ ၂၀၁၇
M-Media

– ရိုဟင်ဂျာတွေကို ဖိနှိပ်မှု ရပ်တန့်ရေးနဲ့ ဘင်္ဂလားဒေ့ရ်ှကိုရောက်ရှိနေတဲ့ ရိုဟင်ဂျာဒုက္ခသည်တွေကို အမြန်ဆုံးပြန်ခေါ်ရေး မြန်မာနိုင်ငံကို ဖိအားပေးဖို့ ဘင်္ဂလားဒေ့ရ်ှဝန်ကြီးချုပ် ရှိခ်ဟာဆီနာက ဓနသဟာယနိုင်ငံတွေကို တိုက်တွန်းဆော်သြလိုက်ပါတယ်။

ဒီနေ့ ဘင်္ဂလားဒေ့ရ်ှမြို့တော် ဒါကာမှာ ကျင်းပပြုလုပ်ခဲ့သည့် ၆၃ ကြိမ်မြောက် ဓနသဟာယနိုင်ငံများ၏ လွှတ်တော်အမတ်များ စုံညီအစည်းအဝေး အဖွင့်မိန့်ခွန်းမှာ ဟာဆီနာက ဒီလိုပြောကြားလိုက်တာဖြစ်ပြီး ရိုဟင်ဂျာတွေကို ဒီလို မောင်းထုတ်တာဟာ ဒေသတွင်းမှာ မတည်ငြိမ်မှုဖြစ်စေတယ်လို့လည်း သူမက ဆိုပါတယ်။

“ရိုဟင်ဂျာပြဿနာကို ဦးပေးပြီးဆွေးနွေးဖို့၊ သူတို့ရဲ့ နိုင်ငံသားတွေကို ညှင်းပမ်းတာမျိုး ရပ်တန့်ရေးနဲ့ သူတို့ကို အမြန်ဆုံးပြန်ခေါ်ရေး မြန်မာနိုင်ငံကို ထိထိရောက်ရောက်ဖိအားပေးဖို့ အားလုံးကို ကျွန်မ တောင်းဆိုချင်ပါတယ်”

၁၉၇၈ ခုနှစ်နောက်ပိုင်း ၀င်ရောက်လာကြတဲ့ ရိုဟင်ဂျာဒုက္ခသည်တွေဟာ ၄ သိန်းလောက်ရှိပြီး၊ ပြီးခဲ့တဲ့ သြဂုတ်လနောက်ပိုင်းမှာ ၆၂၂၀၀၀ လောက် ထပ်မံဝင်ရောက်လာတယ်လို့လည်း ၀န်ကြီးချုပ်က ထည့်သွင်း ပြောကြားခဲ့ပါတယ်။

လတ်တလောဖြစ်ပွားခဲ့တဲ့ ရခိုင်ပြည်နယ် မတည်ငြိမ်မှုအတွင်း ဘင်္ဂလားဒေ့ရ်ှဖက်ကို ထွက်ပြေးသွားတဲ့ ရိုဟင်ဂျာဒုက္ခသည်တွေကြောင့် ဘင်္ဂလားဒေ့ရ်ှနဲ့ မြန်မာနိုင်ငံခြားမှာ ဆက်ဆံရေးတင်းမာမှုတစ်ချို့ ရှိခဲ့ပါတယ်။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ပြောရေးဆိုခွင့်ရှိသူ ဦးဇော်ဌေးက ဒုက္ခသည်တွေ ပြန်လည်လက်ခံရေး မြန်မာနိုင်ငံက အဆင်သင့်ရှိနေပေမယ့် ဘင်္ဂလားဒေ့ရ်ှဖက်က ကြန့်ကြာမှုကြောင့် မစတင်နိုင်သေးတာဖြစ်ကြောင်း၊ နိုင်ငံတကာက ငွေကြေးအကူအညီတွေကို မျှော်နေတာလားဆိုတာ စိုးရိမ်ကြောင်း ပြီးခဲ့တဲ့ရက်ပိုင်းအတွင်းမှာ ပြောကြားခဲ့ပြီး ဘင်္ဂလားဒေ့ရ်ှကတော့ ဒါဟာ အခြေအမြစ်မရှိတဲ့စကားလို့ ပြန်လည်တုန့်ပြန်ခဲ့ပါတယ်။

ဝန်ကြီးချုပ် ရှိခ်ဟာဆီနာက အိန္ဒိယနဲ့ရရှိတဲ့ ဂင်္ဂါမြစ်ရေ မျှဝေသုံးစွဲရေး သဘောတူညီချက်၊ မြန်မာနိုင်ငံနဲ့ နယ်စပ်ဒေသဆိုင်ရာ သဘောတူညီချက်တွေကို ထောက်ပြပြီး မိမိတို့အနေနဲ့ အိမ်နီးချင်းနိုင်ငံတွေနဲ့ မိတ်ဖက်ဆက်ဆံရေးကိုသာ လိုလားတယ်လို့လည်း ဒီကနေ့မိန့်ခွန်းမှာ ထည့်သွင်းပြောကြားခဲ့ပါတယ်။

Ref: BDNews 24