ဆော်ဒီကဖမ်းထားသည်ဟု သတင်းထွက်သည့် လက်ဘနွန်ဝန်ကြီးချုပ် ပြည်တော်ပြန်မည်

နိုဝင်ဘာ ၁၈၊ ၂၀၁၇
M-Media

ပြင်သစ်သမ္မတနှင့်တွေ့ရသည့် ဟာရီရီ (၀ဲ)

– ဆော်ဒီသို့ ရောက်ရှိပြီးနောက်ပိုင်း ရာထူးမှ နှုတ်ထွက်သည်ဟု ကြေငြာခဲ့သည့် လက်ဘနွန်ဝန်ကြီးချုပ်ဟောင်း စအဒ် ဟာရီရီမှာ လာမည့်သီတင်းပတ်အတွင်း ပြည်တော်ပြန်မည်ဟု သိရသည်။

နိုဝင်ဘာ ၂၂ ရက် လွတ်လပ်ရေးနေ့အခမ်းအနားတွင် ပါဝင်ရန်အတွက် ပြန်လာမည်ဖြစ်ပြီး လက်ဘနွန်သမ္မတ မီခေးလ် အေအွန်နှင့် လွှတ်တော်ဥက္ကဌ နဘီ ဘာရီတို့က ထိုကိစ္စအတွက် ယနေ့တွင် ကြေငြာချက် ထုတ်ပြန်ခဲ့ကြသည်။

ဆော်ဒီမြို့တော် ရီယာ့ဒ်သို နိုဝင်ဘာ ၄ ရက်နေ့က ဆိုက်ရောက်ပြီး မကြာခင်မှာပင် ဟာရီရီမှာ လက်ဘနွန်ဝန်ကြီးချုပ်အဖြစ်မှ နှုတ်ထွက်ကြောင်း ကြေငြာခဲ့ပြီး ထိုအချိန်မှစ၍ လက်ဘနွန်သို့ ပြန်လာခြင်း မပြုခဲ့ပေ။ ရာထူးမှ နှုတ်ထွက်ခြင်းမှာ ၎င်းတို့နိုင်ငံ၏ ပြည်တွင်းရေးကို ဟစ်ဇ်ဘိုလာနှင့် အီရန်တို့က ချယ်လှယ်နေခြင်းကြောင့်ဖြစ်သည်ဟု ဟာရီရီက ဆိုသည်။

ထိုကိစ္စတွင် ဆော်ဒီ၏ ကြိုးကိုင်မှု ရှိနေပြီး ဆော်ဒီက ဟာရီရီအား အကျယ်ချုပ်ချထားသည်ဟု သတင်းများလည်း ထွက်ပေါ်လာခဲ့သည်။

ဟာရီရီ၏ပါတီမှ ပါတီဝင်များနှင့် အတိုက်အခံများက ၎င်းအနေဖြင့် တိုင်းပြည်သို့ပြန်လာကာ တရားဝင် နှုတ်ထွက်ရန် တောင်းဆိုခဲ့သည်။

ဟာရီရီမှာ ယနေ့တွင် ပြင်သစ်နိုင်ငံသို့ ရောက်ရှိနေပြီး နိုဝင်ဘာ ၄ ရက်နေ့နောက်ပိုင်း ပထမဆုံးအကြိမ်အဖြစ် ဆော်ဒီ၏ အပြင်ဘက်သို ထွက်ခွာခြင်းဖြစ်သည်။

လက်ဘနွန်သမ္မတ မီခေးလ်အေအွန်က ၀န်ကြီးချုပ်မှာ လွတ်လပ်ရေးနေ့အခမ်းအနားကို တက်ရောက်မည်ဟု ၎င်းအား ဖုန်းဆက်ပြောကြားခဲ့ကြောင်း ကြေငြာချက်တွင် ဖော်ပြခဲ့သည်။

Ref: Aljazeera