မြန်မာကို လက်နက်ရောင်းခြင်းမရှိဟု အစ္စရေး တရားဝင်ထုတ်ပြော

နိုဝင်ဘာ ၃၀၊ ၂၀၁၇
M-Media

ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် အစ္စရေးစစ်တပ်မှ တာဝန်ရှိသူတစ်ဦး တယ်လ်အဗီးတွင် တွေ့ဆုံမှု

– မြန်မာနိုင်ငံကို အရင်က လက်နက်တွေ ရောင်းခဲ့ပေမယ့် ပြီးခဲ့တဲ့ လတော်တော်ကြာကတည်းက ဒီလိုရောင်းချမှုတွေ မရှိတော့ဘူးလို့ အစ္စရေးနိုင်ငံခြားရေးဝန်ကြီးဌာနက ဒီနေ့မှာ ပြောကြားလိုက်ပါတယ်။

အစ္စရေးနိုင်ငံဆိုင်ရာ မြန်မာသံအမတ် ဦးမောင်မောင်လင်းက မြန်မာနိုင်ငံကို အခုအချိန်အထိ အစ္စရေးက လက်နက်တွေ ရောင်းနေတုန်းပဲလို့ ဒီနေ့မနက် အစ္စရေးစစ်တပ် ရေဒီယိုနဲ့ အင်တာဗျူးမှာ ပြောကြားခဲ့ပြီးနောက်ပိုင်း နိုင်ငံခြားရေးဝန်ကြီးဌာနရဲ့ ဒီထုတ်ပြန်ချက် ပေါ်ထွက်လာတာဖြစ်ပါတယ်။

အစ္စရေးနိုင်ငံခြားရေးဝန်ကြီးဌာနဟာ ဦးမောင်မောင်လင်းကို ဆင့်ခေါ်ခဲ့ပြီး သူ့ရဲ့မှတ်ချက်အတွက် ဖြေရှင်းချက် တောင်းခဲ့ပါတယ်။

ဝန်ကြီးဌာနကရဲ့ အာရှနဲ့ ပစိဖိတ်ဆိုင်ရာ ညွှန်ကြားရေးမှူးချုပ် ဂီလတ် ကိုဟန်က မြန်မာသံအမတ်ဟာ သူ့ရဲ့မှတ်ချက်ကို ရုပ်သိမ်းကာ တောင်းပန်ခဲ့ကြောင်း၊ ပြီးခဲ့တဲ့ ရက်အနည်းငယ်တုန်းကလည်း ဦးမောင်မောင်လင်းဟာ ဒီလိုစကားမျိုး ပြောခဲ့လို့ ၀န်ကြီးဌာနကို ဖြေရှင်းချက်ပေးခဲ့ရကြောင်း ပြောကြားခဲ့ပါတယ်။

စစ်အာဏာရှင်တွေလက်ထက်က မြန်မာနိုင်ငံကို လက်နက်ရောင်းတဲ့ နိုင်ငံအနည်းငယ်မှာ အစ္စရေးလည်း ပါဝင်ခဲ့တာပါ။

ရခိုင်ပြည်နယ်မှာ ရိုဟင်ဂျာတွေအပေါ် မြန်မာစစ်တပ်က ဆိုးဆိုးဝါးဝါး ကျူးလွန်မှုတွေ ရှိတယ်ဆိုတဲ့ သတင်းတွေ ထွက်ပေါ်ခဲ့ပြီးနောက်ပိုင်း မြန်မာစစ်တပ်ကို လက်နက်မရောင်းဖို့အတွက် အစ္စရေးအစိုးရအပေါ် ပြည်တွင်း၊ ပြည်ပက ဖိအားတွေ များပြားလာခဲ့တာ ဖြစ်ပါတယ်။

ဒီနေ့ နိုင်ငံခြားရေးဝန်ကြီးဌာနက ထုတ်ပြန်တဲ့ ကြေငြာချက်မှာ လက်နက်မရောင်းဘူးလို့သာ ရည်ညွှန်းခဲ့ပြီး အခြားသော လုံခြုံရေးဆိုင်ရာကိစ္စတွေမှာ ကူညီပေးမှု ရှိ၊ မရှိကို ထည့်သွင်းဖော်ပြထားခြင်း မရှိပါဘူး။

အစ္စရေးဟာ သူတို့ရဲ့ လက်နက်ရောင်းချမှုကိစ္စနဲ့ပတ်သက်လို့ ဒီလို လူသိရှင်ကြား ပြောကြားတာမျိုး လုပ်လေ့မရှိဘဲ အခုထုတ်ပြန်မှုဟာ ထူးခြားတဲ့အခြေအနေတစ်ခုလည်း ဖြစ်ပါတယ်။

Ref: Times of Israel