အမေရိကန်သံရုံး ဂျေရုစလင်ကိုရွှေ့လျှင် အစ္စရေးနှင့် အဆက်အသွယ်ဖြတ်မည်ဟု တူရကီပြော

ဒီဇင်ဘာ ၅၊ ၂၀၁၇
M-Media

တူရကီသမ္မတ အာဒိုဂန်

– ဂျေရုစလင်အား အစ္စရေး၏ မြို့တော်အဖြစ် အမေရိကန်က အသိအမှတ်ပြုလိုက်ပါ ကမ္ဘာမွတ်စလင်ထုတစ်ရပ်လုံးအပေါ် စည်းဖောက်မှုဖြစ်ပြီး မိမိတို့နိုင်ငံကလည်း အစ္စရေးနှင့် အဆက်အသွယ်ဖြတ်မည်ဟု တူရကီသမ္မတ အာဒိုဂန်က ပြောကြားလိုက်သည်။

အမေရိကန်သမ္မတ ထရမ့်မှာ အစ္စရေးရှိ ၎င်းတို့၏ သံရုံးအား တယ်လ်အဗီးမြို့မှ ဂျေရုစလင်သို့ ပြောင်းရွှေ့ရန် စဉ်းစားနေသည်ဟု သတင်းများထွက်ပေါ်လာပြီးနောက်ပိုင်း အာဒိုဂန်က ယခုကဲ့သို့ သတိပေးလိုက်ခြင်းဖြစ်သည်။

ထရမ့်၏ ထိုအစီအစဉ်ကို အခြားသော ကမ္ဘာ့ခေါင်းဆောင်များကလည်း ကန့်ကွက်ထားပြီး ဒေသတွင်း တင်းမာမှုများကို မြင့်တက်စေမည့် ကိစ္စဖြစ်သည်ဟု သတိပေးထားသည်။

ပြင်သစ်သမ္မတ အီမန်နျူယဲလ် မာခရွန်က ထရမ့်အား ဖုန်းခေါ်မှုအတွင်း ဂျေရုစလင်ကိစ္စမှာ အစ္စရေးနှင့် ပါလက်စတိုင်းအကြား ငြိမ်းချမ်းရေးဆွေးနွေးပွဲမှတစ်ဆင့် ဖြေရှင်းရမည့် ကိစ္စဖြစ်သည်ဟု ပြောကြားခဲ့သည်။

ပါလက်စတိုင်းအာဏာပိုင်များ၏ မေတ္တာရပ်ခံမှုကြောင့် အာရပ်လိဂ်မှာ အင်္ဂါနေ့တွင် ထိုကိစ္စအတွက် အရေးပေါ်အစည်းအဝေး ပြုလုပ်ရန် စီစဉ်နေသည်။

ကုလ၏ ဆုံးဖြတ်ချက်အရ အရှေ့ဂျေရုစလင်ကို မြို့တော်အဖြစ်ထားကာ ပါလက်စတိုင်းနိုင်ငံအဖြစ် ထူထောင်ရမည် ဖြစ်သော်လည်း ၁၉၆၇ ခုနှစ် စစ်ပွဲအပြီးနောက်ပိုင်း အစ္စရေးက ဂျေရုစလင်အပါအ၀င် ကုလက သတ်မှတ်ပေးထားသည့် ပါလက်စတိုင်းပိုင်နက်များကို ကျူးကျော်သိမ်းပိုက်ကာ ဂျေရုစလင်ကို ၎င်းတို့၏ မြို့တော်အဖြစ် သတ်မှတ်ရန် ဆောင်ရွက်လာခြင်းဖြစ်သည်။

အမေရိကန်အနေဖြင့် ဂျေရုစလင်ကို အစ္စရေး၏ မြို့တော်အဖြစ် အသိအမှတ်ပြုပါက ပါလကစတိုင်းခေါင်းဆောင်များမှာ အမေရိကန်နှင့် အဆက်အသွယ်ဖြတ်သင့်သည်ဟု ပါလက်စတိုင်းသမ္မတ မဟ်မူးဒ်အဘတ်စ်၏ သံတမန်ရေးရာအကြံပေးက ပြောကြားခဲ့သည်။

လက်ရှိတွင် ဂျေရုစလင်၌ မည်သည့် သံရုံးမှ မရှိသေးဘဲ အမေရိကန်အပါအ၀င် ကမ္ဘာပေါ်ရှိ မည်သည့်နိုင်ငံကမှ ဂျေရုစလင်မြို့အား အစ္စရေးက စိုးမိုးအုပ်ချုပ်မှုကို အသိအမှတ်မပြုပေ။

အိမ်ဖြူတော်မှ ပြောရေးဆိုခွင့်ရှိသူ ဟိုဂန် ဂစ်ဒ်လေးက ထရမ့်၏ ကြေငြာမှုကို လာမည့်ရပ်အနည်းငယ်အတွင်း ပြုလုပ်သွားမည်ဖြစ်ကြောင်း၊ အမေရိကန်သံရုံး ဂျေရုစလင်သို့ ရွှေ့ပြောင်းရန်ကိစ္စကို ထရမ့်က ဆုံးဖြတ်ထားပြီးဖြစ်ကြောင်း ပြောကြားခဲ့သည်။

သံရုံးအား ၁၉၉၉ ခုနှစ်တွင် ဂျေရုစလင်သို့ ရွှေ့ပြောင်းရန်အတွက် အမေရိကန်အောက်လွှတ်တော်က ၁၉၉၅ ခုနှစ်တွင် အတည်ပြုခဲ့သော်လည်း အမေရိကန်သမ္မတ အဆက်ဆက်က အမျိုးသားလုံခြုံရေးကို ထောက်ချင့်ကာ ၁၉၉၈ ခုနှစ်မှစ၍ ထိုဆုံးဖြတ်ချက်ကို ၆ လတစ်ကြိမ် ရွှေ့ဆိုင်းခဲ့ကြသည်။

ထရမ့်ကိုယ်တိုင်လည်း ဇွန်လတွင် ထိုဆုံးဖြတ်ချက်ကို ရွှေ့ဆိုင်းခဲ့ပြီး ၆ လတာအတွက် နောက်ဆုံးသတ်မှတ်ရက်မှာ တနင်္လာနေ့တွင် ကုန်ဆုံးမည်ဖြစ်သည်။

Ref: Aljazeera