ကလေးငယ်များအား အဓမ္မကျင့်သူကို ၆ လအတွင်းကွပ်မျက်ရန် အိန္ဒိယအမျိုးသမီးအဖွဲ့ တောင်းဆို

ဒီဇင်ဘာ ၁၇၊ ၂၀၁၇
M-Media

– ကလေးတွေကို အဓမ္မကျင့်တဲ့ တရားခံတွေကို ၆ လအတွင်း ကွပ်မျက်ဖို့အတွက် အမျိုသမီးအခွင့်အရေး ဆောင်ရွက်နေတဲ့အဖွဲ့က အိန္ဒိယက အစိုးရကို တိုက်တွန်းလိုက်ပါတယ်။

ဒေလီအမျိုးသမီးရေးရာ ကော်မရှင် အကြီးအကဲ ဆွာတီ မာလီဝါလ်က သူတို့တောင်းဆိုချက်ကို စာရေးပြီး ၀န်ကြီးချုပ်မိုဒီထံ ပေးပို့ထားတယ်လို့ ဆိုပါတယ်။

ဒီလိုတိုက်တွန်းမှုဟာ ၂၀၁၂ ခုနှစ်က အသက် ၂၃ နှစ်အရွယ် ဂျိုတီဆင်းဆိုတဲ့ ကျောင်းသူတစ်ယောက် ရက်ရက်စက်စက် အဓမ္မကျင့် အသတ်ခံရမှု ၅ နှစ်ပြည့် နှစ်ပတ်လည်နဲ့လည်း တိုက်ဆိုင်နေပါတယ်။

“ပြီးခဲ့တဲ့ ၅ နှစ်အတွင်း ပြောင်းလဲတာ ဘာမှ မရှိပါဘူး။ ဒေလီဟာ မုဒိမ်းမြို့တော်ကြီးအဖြစ် ဆက်ရှိနေပါတယ်။ ပြီးခဲ့တဲ့လကလည်း အသက် ၁ နှစ်ခွဲအရွယ် ကလေးငယ်၊ အသက် ၇ နှစ်အရွယ်၊ နောက်ထပ် အသက် ၁ နှစ်ခွဲ ကလေးငယ်တွေကို အုပ်စုဖွဲ့ အဓမ္မကျင့်မှုတွေ ဖြစ်ခဲ့ပါတယ်” လို့ မာလီဝါလ်က ပြောကြားခဲ့ပါတယ်။

ဒေလီမှာ ပျမ်းမျှ တစ်နေ့ကို အမျိုးသမီး ၆ ဦးနဲ့ ကလေးငယ် ၃ ဦး အဓမ္မကျင့်ခံနေရတယ်လို့လည်း သူမက ဆိုပါတယ်။

ဂျိုတီဆင်း အဓမ္မကျင့် သတ်ဖြတ်ခံရပြီးနောက်ပိုင်း လူထုက အုံကြွလာတဲ့အတွက်ကြောင့် အိန္ဒိယဟာ လျော့လျဲနေတဲ့ ဥပဒေကို ပြီးခဲ့တဲ့ ၅ နှစ်အတွင်း ပြုပြင်ပြောင်းလဲမှု လုပ်ခဲ့ပေမယ့် အဓမ္မကျင့်မှုအရေအတွက်ဟာ လျော့ကျသွားခြင်းမရှိဘူးလို့ မှတ်တမ်းတွေက ပြသနေပါတယ်။

မာလီဝါလ်ရဲ့စာမှာ သူမက အပြစ်ရှိသူတွေကို လပိုင်းအတွင်း ကွပ်မျက်ဖို့ ၀န်ကြီးချုပ်ကို တိုက်တွန်းခဲ့ပါတယ်။

ဂျိုတီဆင်းအမှုမှာ တရားခံတွေဟာ အပြစ်ရှိကြောင်း ၀န်ခံကာ သေဒဏ် ချမှတ်ခံရပေမယ့် အခုအအချိန်အထိ သူတို့ကို ကွပ်မျက်ခြင်း မရှိသေးပါဘူး။

Ref: BBC