မြောက်ကိုရီးယားအပေါ် ကုလက ပိတ်ဆို့မှုအသစ် ထပ်လုပ်၊ အမေရိကန်က စစ်တပ်ကို တပ်လှန့်ထား

ဒီဇင်ဘာ ၂၃၊ ၂၀၁၇
M-Media

– ကမ္ဘာကြီးမှာ ငြိမ်းချမ်းရေးကိုသာ လိုလားကာ သတ်ဖြတ်မှုကို မလိုလားဟု အမေရိကန်သမ္မတ ဒေါ်နယ်ထရမ့်က ပြောကြားလိုက်ပြီး မြောက်ကိုရီးယားအပေါ် ပိတ်ဆို့မှုအသစ် ပြုလုပ်ပြီးနောက် ယခုမှတ်ချက် ပေါ်ထွက်လာခြင်းဖြစ်သည်။

ပိတ်ဆို့မှုအသစ်တွင် နိုင်ငံခြား၌ အလုပ်လုပ်နေသည့် မြောက်ကိုရီးယားနိုင်ငံသားများအနေဖြင့် ၂ နှစ်အတွင်း ပြည်တော်ပြန်ရန်၊ မြောက်ကိုရီးယားသို့ တင်ပို့သည့် သန့်စင်ပြီး ရေနံထွက်ပစ္စည်း ၉၀ ရာခိုင်နှုန်းကို ပိတ်ပင်ရန်တို့ ပါဝင်သည်။

အဆိုပါအရေးယူမှုကို ယမန်နေ့တွင် လုံခြုံရေးကောင်စီ အဖွဲ့ဝင်နိုင်ငံအားလုံးက သဘောတူခဲ့ကြသည်။

“မြောက်ကိုရီးယားအပေါ် ပိတ်ဆို့အရေးယူမှု ထပ်လုပ်ရေးနဲ့ပတ်သက်ပြီး ကုလ လုံခြုံရေးကောင်စီက ထောက်ခံမဲ ၁၅ မဲ၊ ကန့်ကွက်မဲမရှိဘဲ အခုလေးတင် အတည်ပြုခဲ့ပါတယ်။ ကမ္ဘာကြီးဟာ ငြိမ်းချမ်းရေးကို လိုလားပြီး သတ်ဖြတ်မှုကို မလိုချင်ပါဘူး” ဟု ထရမ့်က မဲခွဲမှုအပြီးတွင် ၎င်း၏ Twitter စာမျက်နှာ၌ ရေးသားခဲ့သည်။

မြောက်ကိုရီးယား၏ နျူစီမံကိန်း ဆက်လက်လုပ်ဆောင်နေမှုကို တားဆီးရန် ရည်ရွယ်သည့် ယခု ပိတ်ဆို့မှုအသစ်ကို အမေရိကန်က တင်သွင်းခြင်းဖြစ်ပြီး ယခုနှစ်အတွင်း တတိယမြောက် ပိတ်ဆို့မှုလည်း ဖြစ်သည်။

မြောက်ကိုရီးယားအပေါ် စက်မှုပစ္စည်းများ တင်သွင်းမှု၊ အစားအသောက်များ၊ လယ်ယာထွက်ကုန်ပစ္စည်းများ ၀ယ်ယူမှု စသည်တို့ကို တားမြစ်ရေးလည်း ယခုပိတ်ဆို့မှုတွင် ပါဝင်သည်။

ထရမ့်က ငြိမ်းချမ်းရေးကို လိုလားသည်ဟု ပြောကြားခဲ့သော်လည်း အမေရိကန် ကာကွယ်ရေးဝန်ကြီး ဂျိမ်းစ်မာတစ်က ကိုရီးယားကျွန်းဆွယ်တွင် ‘မုန်တိုင်းဖြစ်မည့် တိမ်များ စုစည်းလာနေသည့်’ အတွက် တပ်ဖွဲ့ဝင်များအနေဖြင့် အသင့်အနေအထားရှိကြရန် ယမန်နေ့တွင် သတိပေးခဲ့သည်။

Ref: Aljazeera