‘ဘာသာမပြောင်းရ’ ဥပဒေ ရှိနေပေမယ့် နီပေါမှာ ဆက်လက်ထွန်းကားနေဆဲ ခရစ်ယာန်သာသာနာ

ဒီဇင်ဘာ ၂၃၊ ၂၀၁၇
M-Media

– ငလျင်ကြောင့် နီပေါက ရီချက်ရွာလေး ပြားသွားတာ ၂ နှစ်ကျော်ရှိသွားခဲ့ပြီး ဒေသခံအများစုဟာ ဖြစ်သလိုတည်ဆောက်ထားတဲ့ အဆောက်အဦးတွေမှာ နေထိုင်နေရဆဲပါ။ ခရစ်ယာန်သာသနာပြုအဖွဲ့တွေရဲ့ ဘဏ္ဍာရေးထောက်ပံ့မှုနဲ့ ခရစ်ယာန်ဘုရားကျောင်းသာ ပြန်လည်တည်ဆောက်နိုင်ခဲ့ပြီး သာသနာပြုအဖွဲ့တွေရဲ့ သြဇာကလည်း ဟိန္ဒူအများစုရှိတဲ့ နီပေါလ်မှာ ကြီးထွားလာခဲ့ပါတယ်။

ဘာသာကူးပြောင်းမှုကို တင်းတင်းကြပ်ကြပ်တားမြစ်ထားပေမယ့် ခရစ်ယာန်သာသနာဟာ နီပေါလ်မှာ ပြီးခဲ့တဲ့ နှစ် ၂၀ အတွင်း အလျင်အမြန် ပြန့်ပွားခဲ့ပြီး အမြစ်တွယ်နေတဲ့ ဇာတ်ခွဲခြားမှုစနစ်ကနေ လွတ်မြောက်ရာဟာ ခရစ်ယာန်သာသနာသာဖြစ်တယ်လို့ အများစုက ရှုမြင်နေကြပါတယ်။

ဟိမ၀န္တာတောင်ပေါ်တိုင်းပြည်တစ်ခုဖြစ်တဲ့ နီပေါလ်ကို ဟိန္ဒူဘုရင်တွေက ရာစုနှစ် ၂ စုကျော်လောက် အုပ်စိုးခဲ့ပြီး ၂၀၀၈ ခုနှစ်ရောက်မှ ဘုရင်စနစ် ချုပ်ငြိမ်းသွားတာဖြစ်ပါတယ်။ နိုင်ငံရဲ့မြောက်ပိုင်း တောင်းတန်းဒေသတွေမှာတော့ ဗုဒ္ဓဘာသာ အားကောင်းပါတယ်။

ဒါပေမယ့် ရီချက်ရွာတည်ရှိတဲ့ လာပါချိုင့်ဝှမ်းဒေသဟာ အခုအချိန်မှာ ခရစ်ယာအများစုရှိတဲ့နေရာ ဖြစ်နေပါပြီ။

ဒေသခံတော်တော်များများဟာ မကြာသေးမီကမှ ခရစ်ယာန်သာသနာကို ကူးပြောင်းခဲ့တာဖြစ်ပါတယ်။ အဲဒီအထဲကတစ်ယောက်က ရီကာ တာမန်ဆိုသူဖြစ်ပြီး နေမကောင်းဖြစ်နေတဲ့မိခင် သက်သာလာအောင် နတ်ဘုရားကို တိရစ္ဆာန်နဲ့ပူဇော်ဖို့ ဘုန်းကြီးကို ယတြာဖိုး မပေးနိုင်တဲ့အဆုံး ခရစ်ယာန်ဘာသာဝင်တစ်ယောက် ဖြစ်လာတာ ဖြစ်ပါတယ်။

“ကျွန်တော် ရှာသမျှ ဘုရားရှင်ကို ပူဇော်ရတာနဲ့ ကုန်တာပဲ။ ခရစ်ယာန်ကိုပြောင်းလိုက်တော့ ကျွန်တော် ပူဇော်ပသနေစရာ မလိုတော့ဘူး။ ၀န်ထုပ်ဝန်ပိုးတစ်ခု လျော့သွားတာပေါ့ဗျာ” လို့ လက်ရှိ လာပါချိုင့်ဝှမ်းက ရွာတစ်ရွာမှာ သင်းအုပ်ဆရာဖြစ်နေတဲ့ တာမန်က ပြောကြားခဲ့ပါတယ်။

၂၀၁၁ ခုနှစ် အစိုးရရဲ့ သန်းခေါင်စာရင်းကောက်ယူမှုအရ နီပေါလ်နိုင်ငံရဲ့ လူဦးရေ ၂၉ သန်းမှာ ခရစ်ယာန်ဘာသာကိုးကွယ်သူက ၁.၅ ရာခိုင်နှုန်းသာ ရှိပါတယ်။

ဒါပေမယ့် ခရစ်ယာန်အဖွဲ့တွေက အရေအတွက်ဟာ ၃ သန်းကျော်လောက် ရှိမယ်လို့ ခန့်မှန်းပါတယ်။ သန်းခေါင်စာရင်းကောက်တဲ့အချိန်မှာ မျိုးနွယ်နာမည်ကိုလိုက်ပြီး ဘာသာတရားကို ဖြည့်သွင်းတာကြောင့် ဘာသာပြောင်းထားသူတော်တော်များများ စာရင်းမပါဘူးလို့ ဒေသခံတွေက ပြောပါတယ်။

ရီချက်ရွာဟာ နိုင်ငံမြောက်ပိုင်း ဒါဒင်းခရိုင်မှာရှိနေပြီး ဒီခရိုင်ဟာ နီပေါလ်မှာ ခရစ်ယာသာသနာ ပထမဆုံးအခြေတည်တဲ့ ဒေသတွေထဲက တစ်ခုဖြစ်ပါတယ်။ အဲဒီဒေသတွေကနေတစ်ဆင့် အားကောင်းတဲ့ ဧ၀ံဂေလိ ဘုရားကျောင်းတွေ ကွန်ယက်ကြောင့် နိုင်ငံတစ်ဝှမ်းကို ပြန့်နှံ့သွားခဲ့ပါတယ်။

ဒါပေမယ့် တစ်ချို့တွေကတော့ ငွေတောင့်တဲ့ နိုင်ငံရပ်ခြား သာသနာပြုအဖွဲ့တွေဟာ ဆင်းရဲတဲ့ နီပေါလ်နိုင်ငံကလူတွေကို အကူအညီတွေပေးပြီး ဘာသာပြောင်းစေတယ်လို့ ပြောကြပါတယ်။

ဘာသာရေးတင်းမာမှု 

၂၀၁၅ ခုနှစ် ဧပြီလက အင်အားပြင်းတဲ့ငလျင်ကြောင့် တောင်ကိုရီးယားနဲ့ စင်ကာပူက သာသနာပြုအဖွဲ့တွေ ရောက်တဲ့အချိန်မှာ ရီချက်ရွာလေးဟာ ကွင်းပြင်လုံးလုံး ဖြစ်နေပါပြီ။

သာသနာပြုအဖွဲ့တွေဟာ ပျက်ဆီးဆုံးရှုံးမှုတွေကို စာရင်းကောက်ခဲ့ပြီး လအနည်းငယ်ကြာတဲ့အခါမှာတော့ ရွာက ဘုရားကျောင်းဆောက်ဖို့အတွက် ဘိလပ်မြေအိတ်တွေ ရောက်ရှိလာခဲ့ပါတယ်။

အနီးအနားက ကာချက်ရွာမှာလည်း ဒီလိုပဲဖြစ်ပြီး အဲဒီက ဘုရားကျောင်းအသစ်အတွက် တောင်ကိုရီးယား သာသနာပြုအဖွဲ့တွေက ငွေကြေးထောက်ပံ့ပေးကာ မကြာသေးခင်ကမှ တည်ဆောက်ပြီးစီးသွားခဲ့တာပါ။

“ဘုရားကျောင်းသွားပြီး လဟာပြင်မှာ ၀တ်ပြုဆုတောင်းရတဲ့ဘ၀ကနေ လွတ်သွားတာကြောင့် ကျွန်တော်တို့ အရမ်း ပီတိဖြစ်ရပါတယ်။ ဒါပေမယ့် ကျွန်တော်တို့အိမ်တွေ ဆောက်ဖို့အတွက် ထောက်ပံ့မှုရရင်တော့ ဒီထက်ပိုပျော်မှာပါ” လို့ ရီချက်မှာနေထိုင်တဲ့ အေမန် တာမန်က ပြောကြားခဲ့ပါတယ်။

အဲဒီနားက ဘိုရန်ဆိုတဲ့ရွာကာ ဗုဒ္ဓဘာသာအများစု ရှိတဲ့ရွာဖြစ်ပြီး အကူအညီအတွေကို ကွက်ပြီးပေးတာက ဘာသာမတူ လူ့အဖွဲ့အစည်းတွေအတွင်းမှာ တင်းမာမှုဖြစ်စေတယ်လို့ ရွာသူကြီး ပရာရှန့် တာမန်က ဆိုပါတယ်။

“လိုအပ်နေတဲ့အချိန်မှာ ချို့တဲ့သူတွေကို ခရစ်ယာန်တွေက အကူအညီပေးပြီး သူတို့ဘာသာကိုပြောင်းဖို့ ဖိအားပေးတဲ့အခါ တစ်ခါတစ်ရံမှာ တင်းမာမှုတွေ မြင့်တက်လာပါတယ်”

ဆွယ်တရားအတွက် ထောင်ဒဏ်

ဘာသာရေး ဆွယ်တရားဟောတာဟာ နီပေါမှာ တရားမ၀င်ပါဘူး။

ဒါပေမယ့် ၂၀၁၈ ခုနှစ် သြဂုတ်လမှာ စတင်အသက်ဝင်ဖွယ်ရှိနေတဲ့ ရာဇ၀တ်ပုဒ်မအသစ်အရ ဆွယ်တရားဟောသူတွေဟာ ထောင်ဒဏ် ၃ နှစ်ကနေ ၅ နှစ်အထိ ကျခံရနိုင်ပြီး နိုင်ငံခြားသားဆိုရင်တော့ ထောင်ကလွတ်တာနဲ့ ပြည်နှင်ဒဏ်ပေးခံရမှာ ဖြစ်ပါတယ်။

တက်ကြွလှုပ်ရှားသူတွေက ဒါဟာ အလျင်အမြန်တိုးပွားလာတဲ့ ခရစ်ယာန်သာသနာကို တားဆီးဖို့ ရည်ရွယ်ပြီး ပါကစ္စတန်က သာသနာညှိုးနွမ်းစေတဲ့ ဥပဒေနဲ့ အတူတူပဲလို့ ထောက်ပြကြပါတယ်။ ပါကစ္စတန်မှာ ဒီဥပဒေကြောင့် လူနည်းစုတွေဟာ လူအုပ်ကြီးရဲ့ အကြမ်းဖက်တိုက်ခိုက်မှုကို မကြာခဏ ခံရလေ့ရှိပါတယ်။

“ပါကစ္စတန်မှာ ဘယ်လိုတွေဖြစ်လဲဆိုတာ ကျွန်တော်တို့ တွေ့တာပဲ။ လုံလောက်တဲ့ကာကွယ်မှု မရှိဘူးဆိုရင် နီပေါလ်က ဥပဒေတွေကိုလည်း လိုသလိုသုံးကြပါလိမ့်မယ်” လို့ ယူကေအခြေစိုက် Christian Solidarity Worldwide အဖွဲ့က တောင်အာရှဆိုင်ရာကျွမ်းကျင်သူ စတီဗင် ဆဲလ်ဗာရာ့ဂ်ျက ပြောကြားခဲ့ပါတယ်။

နီပေါက ကြီးထွားလာတဲ့ ဧ၀ံဂေလိအသင်းတော်ကွန်ယက်ကြောင့် လူတွေဟာ ခရစ်ယာန်သာသနာကို စိတ်ဝင်စားလာကြပြီး တော်တော်များများက ဒီဥပဒေသစ်နဲ့ သူတို့ကို ပစ်မှတ်ထားမလားဆိုပြီး စိုးရိမ်နေကြပါတယ်။

“နီပေါက ခရစ်ယာန်ဘုရားကျောင်းတွေက ယုံကြည်သူတွေအနေနဲ့ အခြားသူတွေကို ခရစ်တော်ရဲ့ ပညတ်တော်တွေကို ဟောကြားဖို့၊ ခရစ်တော်အကြောင်း ပြောပြကြဖို့ သွန်သင်ပါတယ်။ ဒါ့ကြောင့် အဲဒီသူတွေ ဖမ်းဆီးခံရပြီး၊ ဒုက္ခရောက်မယ့်၊ ထောင်ကျမယ့်၊ ဒဏ်ငွေဆောင်ရမယ့် အန္တရာယ်ကလည်း မြင့်တက်လာပါတယ်” လို့ ခတ္တာမန်ဒူက သင်းအုပ်ဆရာဖြစ်တဲ့ တန်ကာ ဆူဘီဒီက ပြောကြားခဲ့ပါတယ်။

Ref: CNA

(CNA သတင်းဌာနတွင် ဖော်ပြထားသည့် Despite conversion ban, Christianity spreads in Nepal ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)