ဟိန္ဒူမျိုးချစ်အုပ်စုများ၏ ပစ်မှတ်ထားမှုကို တိုးမြှင့်ခံစားလာရတဲ့ အိန္ဒိယက လူနည်းစု ခရစ်ယာန်များ

ဒီဇင်ဘာ ၂၅၊ ၂၀၁၇
M-Media

– အိန္ဒိယမှာ ခရစ္စမတ်ပွဲတော် နီးကပ်လာတာနဲ့အမျှ စိုးရိမ်မကင်းဖြစ်မှုတွေ မြင့်တက်လာတယ်လို့ ခရစ်ယာန်အဖွဲ့တွေက ဖွင့်ဟပြောဆိုပါတယ်။

“ခရစ္စမတ်ပွဲတော် ‘မကျင်းပရ’ ဆိုပြီး အူတာပရာဒက်ရ်ှပြည်နယ်မှာ စာသင်ကျောင်းတွေကို အိတ်ဖွင့်ပေးစာ ရေးပို့ကြတယ်။ ဒီတိုင်းပြည်မှာ ဘာဖြစ်နေတာလဲမသိတော့ဘူး။ ဒါက ဟိန္ဒူကိစ္စ၊ ခရစ်ယာန်ကိစ္စ၊ မွတ်စလင်ကိစ္စ၊ ဆစ်ခ်ကိစ္စမဟုတ်ဘူးဗျ။ ကျွန်တော်တို့ချစ်ရတဲ့ အိန္ဒိယတစ်ခုလုံးနဲ့ ဆိုင်နေတာ” လို့ ကက်သလစ်ဘုန်းတော်ကြီးများအဖွဲ့က အထွေထွေအတွင်းရေးမှူး သိက္ခာတော်ရဆရာတော် သီယိုဒိုရီ မက်စ်ကာရန်ဟက်စ်က ပြောကြားခဲ့ပါတယ်။

အခုလအစောပိုင်းက မဒ်ယာ ပရာဒက်ရ်ှပြည်နယ်မှာ ဟိန္ဒူအစွန်းရောက်အဖွဲတွေက ဓမ္မတေးလိုက်ဆိုတဲ့ ခရစ်ယာန်အဖွဲ့ကို တိုက်ခိုက်ပြီး ကားတစ်စီးကို မီးရှို့ဖျက်ဆီးခဲ့ပါတယ်။ ဟိန္ဒူ လက်ယာစွန်းရောက်အဖွဲ့ Bajrang Dal က ‘ခရစ်ယာန်ဘုန်းကြီးတွေဟာ ဆင်းရဲတဲ့ ဟိန္ဒူတွေကို အဓမ္မ ဘာသာပြောင်းခိုင်းတယ်’ ဆိုတဲ့ သက်သေ အထောက်အထားတွေ သူတို့ ဆီမှာ အခိုင်အမာရှိနေတယ်လို့ ပြောလာပါတယ်။ အဲဒီ အုပ်စုဟာ ၀န်ကြီးချုပ်မိုဒီရဲ့ ဟိန္ဒူအမျိုးသားရေးအဖွဲ့ BJP ပါတီနဲ့ တိုက်ရိုက် အဆက်အသွယ်ရှိပါတယ်။

ဒီဇင်ဘာ ၁၄ ရက်နေ့ ညနေပိုင်းမှာ မဒ်ယာ ပရာဒက်ရ်ှပြည်နယ်ရဲတပ်ဖွဲ့ဟာ ကက်သလစ်ဘုန်းတော်ကြီးနှစ်ဦးအပါအ၀င် ခရစ်ယာန် ဓမ္မတေးသီဆိုတဲ့အဖွဲ့က အဖွဲ့ဝင်တွေကို ဖမ်းဆီးခဲ့ပြီး ဆန်တာမြို့မှာ နာရီတော်တော်ကြာ ထိန်းသိမ်းထားခဲ့ပါတယ်။ အဲဒီခရစ်ယာန်အုပ်စုဟာ အဓမ္မ ဘာသာပြောင်းခိုင်းတယ်ဆိုပြီး ဟိန္ဒူလက်ယာစွန်းရောက်အဖွဲ့က စွပ်စွဲတဲ့အတွက် ရဲတပ်ဖွဲ့က ဒီလို ဖမ်းဆီးလိုက်တာပါ။ ကက်သလစ် ဘုန်းတော်ကြီးများအသင်းက ခရစ်ယာန်ဓမ္မတက္ကသိုလ်တစ်ခုဖြစ်တဲ့ St Ephrem’s Theological College က ကျောင်းသား ၃၀ နဲ့ ဘုန်းကြီး ၂ ပါး ဖမ်းဆီးခံခဲ့ရတယ်လို့ ဆိုပါတယ်။

အာဏာရ BJP ပါတီနဲ့ အနီးကပ်ဆက်ဆံရေးရှိတဲ့ ဟိန္ဒူလက်ယာစွန်းရောက်အဖွဲ့ Hindu Jagran Manch ကလည်း ပြည်နယ်အတွင်းက ခရစ်ယာန် သာသနာပြုကျောင်းတွေမှာ ခရစ္စမတ်ပွဲတော် မကျင်းပဖို့ သတိပေးထားပြီး ဒီရက်ဟာ ‘အဓမ္မ ဘာသာသွတ်သွင်းမှု’ ကို အရှိန်မြှင့်တဲ့ရက်ဖြစ်ကြောင်း၊ ခရစ္စမတ်လက်ဆောင်တွေလဲလှယ်ကာ ‘ကလေးတွေကို ခရစ်ယာန်ဘာသာထဲ သိမ်းသွင်းကြကြောင်း’ စွပ်စွဲခဲ့ပါတယ်။

အခြေအနေဆိုးလာ

လွန်ခဲ့တဲ့ ၈ နှစ်အရင်က သြစတေးလျ ခရစ်ယာန်သာသနာပြုပုဂ္ဂိုလ် ဂရေဟမ် စတိန်းနဲ့ သူ့ရဲ့ သားငယ်နှစ်ယောက်ကို ဟိန္ဒူအစွန်းရောက်အဖွဲ့တွေက အရှင်လတ်လတ် မီးရှို့သတ်ဖြတ်ခဲ့ပြီးတဲ့နောက်ပိုင်း အိန္ဒိယက ခရစ်ယာန်တွေဟာ အမုန်းဆောင်အခြေအနေတွေကို တိုးမြင့်ကြုံတွေ့လာခဲ့ရပါတယ်။ ဒီသတ်ဖြတ်မှုဟာ နိုင်ငံသမိုင်းမှာ အဆိုးရွားဆုံး အမုန်းဆောင်ရာဇ၀တ်မှုတွေထဲက တစ်ခုအဖြစ် မှတ်တမ်းဝင်ခဲ့ပါတယ်။

စတိန်း၊ သူ့ရဲ့ အသက် ၁၀ နှစ်နဲ့ ၈ နှစ်အရွယ် သားနှစ်ယောက်ဖြစ်တဲ့ တီမောသီနဲ့ ဖိလစ်တို့ဟာ ၁၉၉၉ ခုနှစ် ဇန်န၀ါရီလက အိုဒီရှာပြည်နယ် ဘုရားကျောင်းတစ်ခုရဲ့ အပြင်ဘက် ကားထဲ အိပ်ပျော်နေစဉ်အတွင်း ဟိန္ဒူအယူသီးအုပ်စုရဲ့ အရှင်လတ်လတ် မီးရှို့သတ်ဖြတ်မှုကို ခံခဲ့ရတာ ဖြစ်ပါတယ်။ သားအဖ ၃ ယောက်ဟာ မီးလောင်နေတဲ့ကားအတွင်းက ထွက်ပြေးဖို့ ကြိုးစားမှုကိုလည်း အဲဒီ ဟိန္ဒူလူအုပ်ကြီးက တားဆီးခဲ့ပါတယ်။

ဟိန္ဒူလက်ယာစွန်းရောက်အုပ်စုတွေကတော့ သူတို့ဟာ ‘အိန္ဒိယလူ့အဖွဲ့အစည်းအတွင်းမှာ စိမ့်ဝင်ထိုးဖောက်နေတဲ့ နိုင်ငံခြားသြဇာကို’ တိုက်ဖျက်ဖို့ ပြင်ဆင်ထားတယ်လို့ ပြောကြားခဲ့ပါတယ်။

“ဒါဟာ ခရစ္စမတ်နေ့ကိစ္စ မဟုတ်ပါဘူး။ ဟိန္ဒူယဉ်ကျေးမှု၊ ကျွန်တော်တို့နဲ့မဆိုင်တဲ့ နိုင်ငံရပ်ခြားယဉ်ကျေးမှုကိစ္စပါ။ ခရစ္စမတ်နေ့ပဲဖြစ်ဖြစ်၊ ချစ်သူများနေ့ပဲဖြစ်ဖြစ် ဒါဟာ အိန္ဒိယယဉ်ကျေးမှု မဟုတ်ပါဘူး။ နိုင်ငံခြား ပွဲတော်တွေကို လက်ခံကျင်းပနေတဲ့အတွက် ဟိန္ဒူလူငယ်တွေဟာ သူတို့ရဲ့ ဇာတိပုညနဲ့ ကိုယ်ပိုင်ယဉ်ကျေးမှုတွေကို မေ့ပျောက်လာကြပါတယ်။ ကျွန်တော်တို့က ဒါကို ဆန့်ကျင်နေတာပါ။ ဒီလို နိုင်ငံခြား အယူအဆတွေကို ရပ်တန့်ပစ်ရမယ်လို့ ကျွန်တော်တို့ ရှုမြင်ပါတယ်” လို့ Hindu Jagran Manch အဖွဲ့က အဖွဲ့ဝင်တစ်ဦးဖြစ်တဲ့ အဗီနက်ရှ် ရာနာက ပြောကြားခဲ့ပါတယ်။

သူတို့အဖွဲ့ဟာ အိန္ဒိယက ဟိန္ဒူအမျိုးသားရေးဝါဒီ နိုင်ငံရေးသမားတွေရဲ့ ထောက်ခံမှုကိုလည်း ရရှိထားပါတယ်။

ခရစ်ယာန်ခေါင်းဆောင်တွေကတော့ ဒီလို ‘အမုန်းဝန်းကျင်’ အတွက် စိုးရိမ်မှုနဲ့အတူ သတိထား စောင့်ကြည့်လာကြပြီး ‘အရေးမယူဘဲ ပေါ်တင် လစ်လျူရှုထားမှုက’ ဒီအမုန်းဆောင်အုပ်စုတွေကို အတင့်ရဲလာစေတယ်လို့ ပြောကြားခဲ့ပါတယ်

“ခရစ်ယာန်တွေအပေါ် ဒီလိုတိုက်ခိုက်မှု တော်တော်များများမှာ ရဲတွေဟာ လက်ပိုက်ရပ်ကြည့်နေကြတာမျိုးတင်မကဘဲ အကြမ်းဖက်မှုမှာ ပါဝင်တာမျိုးတွေအထိ ရှိပါတယ်။ အိန္ဒိယနိုင်ငံသားတစ်ယောက်က အခြား အိန္ဒိယနိင်ငံသားတစ်ယောက်ကို ဒီလို ခြိမ်းခြောက်တာမျိုး ဘာဖြစ်လို့ လုပ်လို့ရနေတာလဲ။ ရဲတပ်ဖွဲ့နဲ့ အစိုးရက အရေးယူရမှာပါ။ သူတို့ ဘယ်တော့မှ အရေးယူမလဲဆိုတာ မသိပါဘူး” လို့ တက်ကြွလှုပ်ရှားသူ ဂျွန် ဒါယာလ်က ပြောကြားခဲ့ပါတယ်။

တိုက်ခိုက်မှုတွေ မြင့်တက်

BJP ပါတီ ၂၀၁၄ ခုနှစ်မှာ အာဏာရပြီးကတည်းက အိန္ဒိယမှာ လူနည်းစုတွေ အထူးသဖြင့် မွတ်စလင်နဲ့ ခရစ်ယာန်တွေဟာ တိုက်ခိုက်မှုတွေကို ပိုမိုခံစားလာရပါတယ်။

၂၀၁၄ ခုနှစ်ကတည်းကစလို့ United Christian Forum အဖွဲ့ရဲ့ အကူအညီပေးရေး အခမဲ့ဖုန်းလိုင်းကို ခရစ်ယာန်တွေအပေါ် တိုက်ခိုက်မှုပေါင်း ၇၀၀ ကျော် သတင်းပို့တိုင်ကြားခဲ့တယ်လို့ တက်ကြွလှုပ်ရှားသူတွေက ပြောကြားခဲ့ပါတယ်။

၂၀၁၅ ခုနှစ်မှာ အစ္စလာမ်နဲ့ ခရစ်ယာန်တွေလို ‘လူမျိုးခြားဘာသာ’ တွေက ဘာသာဝင်တွေ ဟိန္ဒူဘာသာကို ပြောင်းလဲရေးဆိုတဲ့ ဟိန္ဒူအုပ်စုတွေရဲ့ လှုပ်ရှားမှုအတွင်း ခရစ်ယာန်ဘုရားကျောင်း ၆ ခုလောက် တိုက်ခိုက်ဖျက်ဆီးခံခဲ့ရပါတယ်။

မဒ်ယာပရာဒက်ရ်ှပြည်နယ်က ဘာသာကူးပြောင်းမှု ဥပဒေဟာ အိန္ဒိယက အခြားသော ပြည်နယ်တွေလို တော်တော်လေး တင်းကြပ်ပါတယ်။ လူမျိုးစုငယ်တွေအကြားမှာ လှုပ်ရှားနေတဲ့ ဟိန္ဒူအုပ်စုတွေက အခြားဘာသာပြောင်းလဲမှုကို ဆန့်ကျင်ကာ ဟိန္ဒူဘာသာကို ပြန်လည်ပြောင်းလဲရေးဆိုတဲ့ အစီအစဉ်တွေကို လုပ်ဆောင်နေပြီး ဒီကိစ္စမှာလည်း အငြင်းပွားဖွယ်တွေ ရှိနေပါတယ်။

ဘာသာပြောင်းမယ့်သူတွေဟာ ဒေသတွင်း အုပ်ချုပ်ရေးအဖွဲ့ကို တရားဝင် အကြောင်းကြားစာ ပေးပို့ရပါတယ်။

“မွတ်စလင်တွေကို နာမည်ပျက်အောင် ဆောင်ရွက်ရာမှာ သုံးခဲ့တဲ့ အဓမ္မ ဘာသာပြောင်းခိုင်းတယ်ဆိုတဲ့ ဒီစွပ်စွဲချက်နဲ့ ခရစ်ယာန်တွေရဲ့ ပုံရိပ်ကို ညှိုးနွမ်းအောင် ရာဇ၀တ်မှုမြောက်တဲ့ ပူးပေါင်းကြံစည်မှုပါ။ ခရစ်ယာန်တွေကို ချောက်ချဖို့ကြိးစားတဲ့ အကြံအစည်ပါ” လို့ ဒါယာလ်က ပြောကြားခဲ့ပါတယ်။

အိန္ဒိယလူဦးရေ ၁.၂၇ ဘီလီယံရဲ့ ၅ ပုံတစ်ပုံဟာ ဟိန္ဒူဘာသာဝင်တွေ မဟုတ်ကြဘဲ ခရစ်ယာန်ဘာသာဝင်က ၂.၃ ရာခိုင်နှုန်း ရှိနေပါတယ်။

‘အဓမ္မ ဘာသာပြောင်းခိုင်းတယ်’ ဆိုတဲ့ စွဲချက်ကို ခရစ်ယာန်အဖွဲ့ တော်တော်များများက ငြင်းဆိုပါတယ်။ မက်စ်ကာရန်ဟက်စ်က ‘မဟုတ်တမ်းတရားတွေနဲ့ ကြောက်ရွံ့မှုကို ဖန်တီးနေတာဟာ တိုင်းပြည်အတွက်မကောင်းဘူး’ လို့ ထောက်ပြခဲ့ပါတယ်။

“သူတို့တွေဟာ လူ့အဖွဲ့အစည်းကို အဆိပ်ကျွေးနေတာဖြစ်ပြီး ‘အဓမ္မဘာသာပြောင်းခိုင်းတယ်’ ဆိုတဲ့ ၀ါဒဖြန်တာတွေကိုလည်း သူတို့ ပြုလုပ်နေပါတယ်။ ဆန်တာမှာ ၁၉၇၇ ခုနှစ်ကတည်း ခရစ်ယာန် ၃၀၀၀ လောက်သာရှိပါတယ်။ သူတို့ထဲက ၈၀ ရာခိုင်နှုန်းက ပြောင်းရွှေ့အခြေချသူတွေပါ။ ဘာသာပြောင်းတယ်ဆိုတာ ဘယ်မှာလဲ။ ကျွန်တော်တို့ ဘာသာပြောင်းခိုင်းတယ်ဆိုတဲ့ မုသာဝါဒတွေကို သူတို့ ဘာ့ကြောင့် ပြောနေတာလဲ။ ကက်သလစ် စာသင်ကျောင်းတွေဟာ သန်းနဲ့ချီတဲ့လူတွေကို စာသင်ပေးနေတာကြောင့် ဒီကျောင်းတွေကို သာဘာသာပြောင်းဖို့ အသုံးပြုမယ်ဆိုရင် အိန္ဒိယမှာ ခရစ်ယာန် သန်းရာနဲ့ချီ ရှိလာမှာပေါ့”

‘အဓမ္မ၊ လာဘ်လာဘနဲ့ လိမ်လည်ဘာသာပြောင်းမှု’ ကို အိန္ဒိယက ပြည်နယ်တော်တော်များများမှာ တရားမ၀င်အဖြစ် သတ်မှတ်ထားပါတယ်။

“ဆန်တာမြို့မှာ ခရစ်ယာန်ဘုန်းကြီးတွေအပေါ် တိုက်ခိုက်အကြမ်းဖက်တဲ့လူတွေကို ဖမ်းဆီးရမယ့်အစား သူတို့တွေဟာ ခရစ်ယာန်ဘုန်းကြီးတွေကို တိုင်ကြားတာတွေ လုပ်ပါတယ်။ ဒါမျိုး မကြားဖူးတဲ့ကိစ္စပါ။ ရွာသားတွေဟာ လူအုပ်စုတွေ၊ လူဆိုးဂိုဏ်းတွေရဲ့ ခြိမ်းခြောက်မှုကိုသာမက ရဲတွေရဲ့ လစ်လျူရှုမှုကိုပါ ခံစားနေရတာကြောင့် စိုးရိမ်ကြောက်ရွံ့တွေ ရှိနေပါတယ်။ ဒါဟာ တိုင်းပြည်အတွက်လည်း စိုးရိမ်စရာလက္ခဏာတစ်ခု ဖြစ်ပါတယ်” လို့ မက်စ်ကာရန်ဟက်စ်က ပြောကြားခဲ့ပါတယ်။

ကြံ့ကြံ့ခံ

မိုဒီအစိုးရကတော့ သူတို့အနေနဲ့ ခရစ်ယာန်၊ မွတ်စလင်တွေနဲ့ ပတ်သက်လာရင် ဘက်လိုက်မှုတွေရှိတယ်ဆိုတဲ့ စွပ်စွဲချက်တွေကို ငြင်းဆိုထားပါတယ်။ ကက်သလစ်ဘုန်းတော်ကြီးများအဖွဲ့ဟာ ပြီးခဲ့တဲ့ တစ်ပတ်အတွင်းမှာ အိန္ဒိယ ပြည်ထဲရေးဝန်ကြီး ရာဂ်ျနက်သ်ဆင်းနဲ့ တွေ့ဆုံခဲ့ပြီ လတ်တလော ခြိမ်းခြောက်ခံရမှုတွေ၊ အကြမ်းဖက်မှုတွေအကြောင်း ဆွေးနွေးခဲ့ပါတယ်။

BJP ရဲ့ အယူဝါဒဆိုင်ရာ မိခင်အဖွဲ့ RSS ရဲ့ အကြီးအကဲ မိုဟမန် ဘဂ်ဝက်က ကိုလ်ကတားမြို့မှာ ချို့တဲ့သူတွေကို စောင့်ရှောက်ရင်း ဘ၀တစ်ခုလုံးကို ပေးဆပ်ခဲ့တဲ့ ခရစ်ယာန်သီလရှင် မာသာထရီဇာကို စော်ကားတဲ့ စကားမျိုးတွေ၊ မှတ်ချက်မျိုးတွေ ပြောကြားလာပါတယ်။ မာသာထရီဇာကို ရိုမန်ကက်သလစ်အသင်းတော်က ပြီးခဲ့တဲ့နှစ်မှာ သူတော်စင်အဖြစ် သတ်မှတ်ခဲ့ပါတယ်။

မာသာထရီဇာဟာ ‘လူတွေကို ခရစ်ယာန် မဖြစ်ဖြစ်လာအောင် ဖန်တီးတယ်’ လို့ ဘဂ်ဝက်က စွပ်စွဲခဲ့တာပါ။

၂၀၁၅ ခုနှစ်အတွင်း နယူးဒေလီမြို့မှာ ရာနဲ့ချီတဲ့ ခရစ်ယာန်တွေဟာ ဆန္ဒပြခဲ့ကြပြီး ဟိန္ဒူအစွန်းရောက်အုပ်စုတွေရဲ့ ပစ်မှတ်ထား တိုက်ခိုက်ခံရမှုကနေ သူတို့ကို ကာကွယ်ပေးဖို့ တောင်းဆိုခဲ့ကြပါတယ်။ ရဲတပ်ဖွဲ့ကတော့ ဒီဆန္ဒပြမှုကို အင်အားသုံး နှိမ်နင်းခဲ့ပြီး ထိခိုက်မှုတွေလည်း ရှိခဲ့ပါတယ်။

ဒါပေမယ့် အိန္ဒိယက ခရစ်ယာန်လူ့အဖွဲ့အစည်းဟာ ‘ကြံ့ကြံ့ခံနိုင်တဲ့’ လူ့အဖွဲ့အစည်းမျိုးဖြစ်တယ်လို့ ဆရာတော် မက်စ်ကာရန်ဟက်စ်က ပြောကြားခဲ့ပါတယ်။

“ကျွန်တော်တို့ရဲ့ သာသနာအပေါ်မှာ ဆက်လက်ရပ်တည်သွားမှာပါ။ ဖိနှိပ်ညှင်းပမ်းခံရဆုံး အချိန်တွေမှာ ခရစ်ယာန်သာသနာဟာ ပိုပြီး တိုးတက်အထွန်းကားဆုံး ဖြစ်လာတတ်ပါတယ်”

Ref: Aljazeera

(Aljazeera သတင်းဌာနတွင် ဖော်ပြထားသည့် Christmas in India tarnished by ‘climate of hate’ ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)