မြန်မာနိုင်ငံအပေါ် ပိတ်ဆို့မှုအသစ်ထပ်လုပ်ရေး အမေရိကန်ကို ဂျူးအဖွဲ့အစည်းများ တောင်းဆို

ဇန်န၀ါရီ ၆၊ ၂၀၁၈
M-Media

– ရိုဟင်ဂျာမွတ်စလင်တွေအပေါ် မြန်မာစစ်တပ်က ကျူးလွန်မှုတွေနဲ့ပတ်သက်ပြီး မြန်မာနိုင်ငံကို ပိတ်ဆို့မှုတွေ ထပ်တိုးလုပ်ဖို့အတွက် အမေရိကန်က ဂျူးအသင်းအဖွဲ့တွေက အမေရိကန် အထက်လွှတ်တော်ကို တိုက်တွန်းလိုက်ပါတယ်။

အကြီးဆုံး ဂျူးအသင်းတော် ၃ ခုအပါအ၀င် ဂျူးအဖွဲ့ပေါင်း ၂၀ ကျော် လက်မှတ်ရေးထိုးထားတဲ့ အဲဒီ တိုက်တွန်းစာမှာ The Burma Human Rights and Freedom Act လို့ခေါ်တဲ့ မြန်မာနိုင်ငံအပေါ် အရေးယူမယ့် ဥပဒေမူကြမ်းကို မြန်မြန်ဆန်ဆန် ဆောင်ရွက်ဖို့ တိုက်တွန်းခဲ့တာပါ။

ဒီဥပဒေမူကြမ်းမှာ နိုင်ငံတစ်ဝှမ်း ရက်စက်ကြမ်းကြုတ်မှုတွေ ပြုလုပ်ခဲ့တဲ့ မြန်မာစစ်တပ်အပေါ် ပိတ်ဆို့မှုအသစ်တွေ ပြုလုပ်ဖို့၊ မြန်မာနိုင်ငံ အနောက်ပိုင်းမှာ အကြမ်းဖက်မှုကြောင့် ထွက်ပြေးရတဲ့ ဒုက္ခသည်တွေကို နည်းလမ်းအသစ်တွေနဲ့ ကူညီပေးသွားဖို့ ပါဝင်ပြီး အမေရိကန် အထက်လွှတ်တော်ရဲ့ နိုင်ငံခြားဆက်ဆံရေးကော်မတီမှာ မကြာခင် မဲခွဲအတည်ပြုဖို့ ရှိနေပါတယ်။

တစ်ခြားနိုင်ငံတွေက လူ့အခွင့်အရေး ချိုးဖောက်မှုတွေအတွက် အမေရိကန်ဂျူးအဖွဲ့အစည်းတွေ စုပေါင်း ဆန့်ကျင်တာဟာ ရှားပါးပြီး အခုတိုက်တွန်းစာမှာ လက်မှတ်ရေးထိုးတဲ့အဖွဲ့တွေထဲမှာ ဘင်္ဂလားဒေ့ရ်ှက ရိုဟင်ဂျာ ဒုက္ခသည်တွေကို ကူညီပေးနေတဲ့ American Jewish World Service အဖွဲ့ အပါအ၀င် အမေရိကန်က ထိပ်တန်းဂျူးအဖွဲ့အစည်းတွေ အားလုံးနီးပါး ပါဝင်ပါတယ်။

ပိတ်ဆို့မှုအသစ်တွေ ပြုလုပ်လိုက်ခြင်းအားဖြင့် ‘ဆိုးဆိုးဝါးဝါး ရက်စက်ကြမ်းကြုတ်မှုတွေအတွက် နိုင်ငံတကာလူ့အဖွဲ့အစည်းနဲ့ အမေရိကန်တို့ဟာ နှုတ်ဆိတ်နေတာမျိုး၊ ဘာမှမလုပ်ဘဲနေတာမျိုး မရှိဘူးဆိုတာ မြန်မာစစ်တပ်ကို သတိပေးလိုက်တာမျိုး ဖြစ်တယ်’ လို့ တိုက်တွန်းစာမှာ ဖော်ပြထားပါတ
ယ်။

နောက်ပြီး ဂျူးတွေအနေနဲ့ ဒီလိုကိစ္စအတွက် နှုတ်ဆိတ်နေမှာမဟုတ်ဘဲ ရိုဟင်ဂျာတွေ အသက်ရှင်ရပ်တည်ခွင့်၊ ဘေးန္တရာယ်ကင်းရှင်းရေးနဲ့ ဂုဏ်သိက္ခာရှိစွာ နေထိုင်နိုင်ဖို့ အမေရိကန်အနေနဲ့ အခုချခြင်း ဆောင်ရွက်ဖို့ လိုတယ်လို့လည်း တိုက်တွန်းခဲ့ပါတယ်။

အခုနှစ်အစောပိုင်းမှာလည်း အမေရိကန်က ဂျူးဘုန်းကြီး ၃၀၀ ကျော်လောက်ဟာ အစ္စရေးအစိုးရထံကို စာတစ်စောင် ပေးပို့ခဲ့ပြီး မြန်မာစစ်တပ်အပေါ် လက်နက်တွေရောင်းနေတာကို ရပ်တန့်ဖို့ တောင်းဆိုခဲ့ပါတယ်။

Ref: Haaretz