နေရပ်ပြန်ရိုဟင်ဂျာများအား ကူညီရန် ဂျပန်က မြန်မာကို ကန်ဒေါ်လာ ၃ သန်း ပေးမည်

ဇန်န၀ါရီ ၁၂၊ ၂၀၁၈
M-Media

ဂျပန်နိုင်ငံခြားရေးဝန်ကြီးကို လက်ခံတွေ့ဆုံနေသည့် နိုင်ငံတော်အတိုင်ပင်ခံပုဂ္ဂိုလ်

– ရခိုင်ပြည်နယ်အတွင်း အကြမ်းဖက်မှုများကြောင့် နေရပ်စွန့်ခွာ ထွက်ပြေးခဲ့ရသည့် ရိုဟင်ဂျာဒုက္ခသည်များ ၎င်းတို့၏ သဘောဆန္ဒအလျောက် လုံခြုံစွာ နေရပ်ပြန်နိုင်ရေး အာမခံချက်ပေးရန် ဂျပန်နိုင်ငံခြားရေးဝန်ကြီးက နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား တိုက်တွန်းလိုက်သည်။

မြန်မာနိုင်ငံသို့ရောက်ရှိနေသည့် နိုင်ငံခြားရေးဝန်ကြီး တာရို ကိုနိုမှာ နေရပ်ပြန် ရိုဟင်ဂျာများအား ကူညီထောက်ပံ့ရန်အတွက် ကန်ဒေါ်လာ ၃ သန်း လှူဒါန်းမည်ဟုလည်း ကြေငြာခဲ့သည်။

ရိုဟင်ဂျာဒုက္ခသည်များ နေရပ်ပြန်နိုင်ရေးအတွက် မြန်မာနှင့် ဘင်္ဂလားဒေ့ရ်ှနိုင်ငံတို့မှာ နိုဝင်ဘာ ၂၃ ရက်နေ့က သဘောတူညီချက်တစ်ခုကို လက်မှတ်ရေးထိုးခဲ့ပြီး ဇန်န၀ါရီ ၂၃ ရက်နေ့တွင် လုပ်ငန်းစဉ်ကို စတင်မည်ဟု ပြောကြားခဲ့သည်။ သို့သော်လည်း ပထမအသုတ်တွင် အရေအတွက် မည်မျှပါဝင်မည်ကို ရှင်းရှင်းလင်းလင်း မသိရသေးပေ။

“နေရပ်ပြန်ရေးကိစ္စကို မြန်မြန်ဆန်ဆန်ဆောင်ရွက်နိုင်ရေး နိုင်ငံတကာနဲ့အတူ ထောက်ခံအားပေးတဲ့အနေနဲ့ရော မြန်မာနဲ့ ဘင်္ဂလားဒေ့ရ်ှနိုင်ငံအကြား သဘောတူညီချက်ကို တုန့်ပြန်တဲ့အနေနဲ့ပါ အကူအညီပေးဖို့ ဆုံးဖြတ်ခဲ့တာ ဖြစ်ပါတယ်” ဟု ဂျပန်နိုင်ငံခြားရေးဝန်ကြီးဌာနမှ တာဝန်ရှိသူ ရှီနိုဘူ ယာမာဂူချီက ပြောကြားခဲ့သည်။

၃ ရက်တာကြာမြင့်မည့် နိုင်ငံခြားရေးဝန်ကြီးကိုနို၏ မြန်မာနိုင်ငံခရီးစဉ်တွင် ရခိုင်ပြည်နယ်သို့ သွားရောက်မှုလည်း ပါဝင်မည်ဖြစ်သည်။

သြဂုတ်လနှောင်းပိုင်းတွင် ရိုဟင်ဂျာလက်နက်ကိုင်အဖွဲ့က ရဲကင်းစခန်းများအား တိုက်ခိုက်ခဲ့ပြီးနောက် မြန်မာစစ်တပ်က ပြုလုပ်သည့် စစ်ဆင်ရေးကြောင့် ရုိုဟင်ဂျာ ၆၅၀၀၀၀ ကျော်မှာ ဘင်္ဂလားဒေ့ရ်ှဖက်သို့ ထွက်ပြေးခဲ့ရသည်။

နိုင်ငံတော်အတိုင်ပင်ခံနှင့် ယနေ့တွေ့ဆုံမှုအတွင်း ဂျပန်နိုင်ငံခြားရေးဝန်ကြီးက ထိခိုက်ခံစားခဲ့ရသည့် ဒေသများသို့ လူသားချင်း စာနာထောက်ထားမှုဆိုင်ရာ အကူအညီများ ပေးအပ်ခွင့်၊ သတင်းမီဒီယာများ ၀င်ရောက်ခွင့်ပြုရေး၊ နေရပ်ပြန်လာသည့် ဒုက္ခသည်များအား နေရာချထားရေး၊ ကုလအတွင်းရေးမှူးဟောင်း ကိုဖီအန်နန်၏ အကြံပြုချက်များကို အကောင်အထည်ဖော်ရေး စသည်တို့ကို တိုက်တွန်းခဲ့သည်။

ရခိုင်ပြည်နယ်တွင် လူသားချင်း စာနာထောက်ထားမှုဆိုင်ရာ အခြေအနေများ တိုးတက်ရေးနှင့် ဖွံ့ဖြိုးတိုးတက်ရေးအတွက် ကန်ဒေါ်လာ သန်း ၂၀ ထပ်မံထောက်ပံရန် အစီအစဉ်ရှိသည်ဟုလည်း ကိုနိုက ပြောကြားခဲ့သည်။

“ရေတို၊ ရေရှည် လိုအပ်ချက်တွေအတွက် ကူညီဖို့ ဂျပန်နိုင်ငံက ဆန္ဒရှိတာကို ကျွန်မတို့ ကျေးဇူးတင်ပါတယ်” ဟု ဒေါ်အောင်ဆန်းစုကြည်က ပူးတွဲသတင်းစာရှင်းလင်းပွဲတွင် ပြောကြားခဲ့သည်။

ဂျပန်နိုင်ငံခြားရေးဝန်ကြီးဌာနမှ တာဝန်ရှိသူ ယာမာဂူချီက ၎င်းတို့အနေဖြင့် နေရပ်ပြန်လာရေး လုပ်ငန်းစဉ်ကို စောင့်ကြည့်မည်ဖြစ်ပြီး တိုးတက်မှုများကိုလိုက်၍ အကူအညီများ ပေးသွားမည်ဟု ထည့်သွင်း ပြောဆိုခဲ့သည်။

Ref: AP