အငြင်းပွားရုပ်ရှင်ကြောင့် အိန္ဒိယတွင် ဆူပူဆန္ဒပြမှုများ ဖြစ်ပွား

ဇန်န၀ါရီ ၂၅၊ ၂၀၁၈
M-Media

– ၁၄ ရာစုက မွတ်စလင်ဘုရင်တစ်ပါးနှင့် ဟိန္ဒူဘုရင်မတစ်ဦးတို့အကြောင်း ရိုက်ကူးထားသည့် Padmaavat ရုပ်ရှင်ကို ရုံတင်ပြသမှုကြောင့် အိန္ဒိယနိုင်ငံတစ်ဝှမ်းတွင် ဟိန္ဒူ လက်ယာစွန်းရောက်များက ဆန္ဒပြမှုများ ပြုလုပ်ခဲ့သည်ဟု သိရသည်။

အာဏရ BJP ပါတီ ကြီးစိုးသည့် ပြည်နယ်များတွင် ထိုရုပ်ရှင်နှင့်ပတ်သက်၍ ကာရ်နီ ဆီနာ မျိုးနွယ်က ဆန့်ကျင်မှုရှိသောကြောင့် လုံခြုံရေး တိုးမြှင့်ထားရသည်။

ရုပ်ရှင် ရုံတင်သည့် ယနေ့တွင် ရာဂျက်စတန်နှင့် ဘီဟာရ်ပြည်နယ်များ၌ ကာရ်နီ ဆီနာ လူမျိုးများမှာ ဓားများကိုင်ဆောင်ကာ လျှောက်သွားခြင်း၊ တာယာများ မီးရှို့ခြင်း၊ ဘတ်စ်ကားများကို နှောက်ယှက်ခြင်း၊ ဆိုင်များကို ဖျက်ဆီးခြင်း၊ လမ်းများပိတ်ဆို့ခြင်းတို့ကို ပြုလုပ်ခဲ့သည်။

၁၄ ရာစုက သမိုင်းကြောင်းကို ရိုက်ကူးထားသည့် အဆိုပါရုပ်ရှင်ကို ဒီဇင်ဘာတွင် ရုံတင်ရန် စီစဉ်ထား သော်လည်း ဆန္ဒပြမှုများကြောင့် ရွှေ့ဆိုင်းခဲ့ရပြီး တရားရုံးချုပ်၏ ခွင့်ပြုချက် ယနေ့တွင် ရုံတင်ခြင်းဖြစ်သည်။

နယူးဒေလီဆင်ခြေဖုံးတွင် ကျောင်းကားတစ်စီးကို ဟိန္ဒူ လက်ယာသမားများက တိုက်ခိုက်ခဲ့ခြင်းကြောင့် အာဏာပိုင်များမှာ စာသင်ကျောင်းများကို ပိတ်ပစ်ခဲ့ရသည်။

ရဲတပ်ဖွဲ့ကမူ ထိုတိုက်ခိုက်မှုနှင့် ပတ်သက်၍ ၁၈ ဦးကို ဖမ်းဆီးထားသည်ဟု ထုတ်ပြန်ခဲ့သည်။

ဆူပူမှုများကြောင့် အိန္ဒိယအစိုးရမှာ ပြည်နယ်အချို့၌ ရုပ်ရှင်ရုံများတွင် လုံခြုံရေးကို တိုးမြှင့်ချထားခဲ့သည်။

အင်္ဂါနေ့လည်း ဂူဂျာရတ်ပြည်နယ်တွင် ဆန္ဒပြမှု ဖြစ်ပွားခဲ့ပြီး ရဲတပ်ဖွဲ့က လူအုပ်အား သေနတ်ဖြင့် ပစ်ခဲ့ပြီးနောက် အဆိုပါ လူအုပ်မှာ ဆိုင်ကယ်များအား မီးရှို့ခြင်း၊ ရုပ်ရှင်ရုံများကို ဖျက်ဆီးခြင်းတို့ ပြုလုပ်ခဲ့သည်။

Ref: Aljazeera