ဆီးရီးယားတွင် အမေရိကန်နှင့် ထိပ်တိုက်တွေ့နိုင်သည်ဟု တူရကီ သတိပေး

ဇန်န၀ါရီ ၂၆၊ ၂၀၁၈
M-Media

– ဆီးရီးယားရှိ ကာ့ဒ်တပ်ဖွဲ့ YPG အား ထောက်ပံ့ပေးသည့် မည်သူမဆို မိမိတို့၏ ပစ်မှတ်ဖြစ်လာမည်ဟု တူရကီ ဒုတိယ၀န်ကြီးချုပ် ဘီကီရ် ဘော့ဇ်ဒဂ်က ပြောကြားလိုက်ပြီး အမေရိကန်ကို သွယ်ဝိုက်၍ သတိပေးလိုက်ခြင်းလည်း ဖြစ်သည်။

ကာ့ဒ်တပ်ဖွဲ့ဝင်များ ထိန်းချုပ်ထားသည့် ဆီးရီးယားမြောက်ပိုင်းမှ အက်ဖ်ရင်မြို့ကို မြေပြင်တပ်များဖြင့် ၀င်ရောက်တိုက်ခိုက်နေသည့် တူရကီမှာ အနီးအနားရှိ မန်ဘစ်ဂ်ျမြို့ကိုပါ ထပ်မံတိုက်ခိုက်မည်ဟု ခြိမ်းခြောက်ခဲ့ပြီးနောက် ယမန်နေ့တွင် ဒုတိယ၀န်ကြီးချုပ်၏ ယခုသတိပေးမှု ပေါ်ထွက်ာခြင်းဖြစ်သည်။

အက်ဖ်ရင်မြို့ အရှေ့ဖက် ကီလိုမီတာ ၁၀၀ ခန့်တွင် တည်ရှိသည့် မန်ဘစ်ဂ်ျမြို့တွင် IS အကြမ်းဖက်အဖွဲ့အား တိုက်ခိုက်ခဲ့သည့် YPG ကို အကူအညီပေးနေသော အမေရိကန်စစ်သား ၂၀၀၀ ခန့် တပ်စွဲထားသည်။

အမေရိကန်အနေဖြင့် တူရကီနှင့် ရင်ဆိုင်ရမှုကို ရှောင်ရှားလိုပါက အကြမ်းဖက်သမားများကို ကူညီပေးမှုအား ရပ်ဆိုင်းရမည်ဟု ဘော့ဇ်ဒဂ်က တူရကီ သတင်းဌာန A Haber သို့ ပြောကြားခဲ့သည်။

“အကြမ်းဖက်အဖွဲ့အစည်းကို တိုက်ခိုက်နေတဲ့ သူတွေဟာ ဒီတိုက်ပွဲမှာ ပစ်မှတ်ဖြစ်လာမှာပါ။ တူရကီနဲ့ ထိပ်တိုက်တွေ့မှုကို ရှောင်ရှားချင်ရင် အမေရိကန်အနေနဲ့ သူတို့ရဲ့ စစ်သားတွေ၊ တပ်အစိတ်အပိုင်းတွေဟာ မြေပြင်မှာ အကြမ်းဖက်သမားတွေကို ပံ့ပိုးပေးနေလားဆိုတာ သုံးသပ်ဖို့လိုပါတယ်”

၎င်း၏ စကားများအတွက် အမေရိကန်ဖက်မှ မည်သည့် တုန့်ပြန်မှုမှ မပြုလုပ်သေးပေ။

မန်ဘစ်ဂ်ျမြို့ရှိ အမေရိကန်မဟာမိတ်တပ်က မိမိတို့စစ်သားများအနေဖြင့် တိုက်ခိုက်ခံရလျှင် ခုခံကာကွယ်ပိုင်ခွင့်ရှိသည်ဟု ပြောကြားခဲ့သည်။

အမေရိကန် ကာကွယ်ရေးဝန်ကြီးဌာနက တူရကီအနေဖြင့် အမေရိကန်တပ်များကို ရွှေ့ပေးရန် ပြောကြားမှုများ မီဒီယာ၌ တွေ့ရကြောင်း သို့သော်လည်း ထိုကိစ္စအား စဉ်းစားနေလားဆိုသည်ကို မသိရှိရသေးကြောင်း ယမန်နေ့တွင် ပြောကြားခဲ့သည်။

တူရကီမှာ ဆီးရီးယားရှိ ကာ့ဒ်တပ်ဖွဲ့ YPG ကို ပြီးခဲ့သည့်တစ်ပတ်မှ စတင်ကာ ထိုးစစ်ဆင်ခဲ့ပြီး စစ်ဆင်ရေးစတင်ကတည်းက ကာ့ဒ်တိုက်ခိုက်ရေးသမား ၃၀၀ ကျော်ကို လက်နက်ဖြုတ်နိုင်ခဲ့သည်ဟု ပြောကြားခဲ့သည်။

Ref: Aljazeera