လေတပ်အဆင့်မြှင့်တင်ရန် အမေရိကန်ထံမှ စစ်လက်နက် ၁၉၇ သန်းဖိုး ကာတာဝယ်ယူမည်

မတ် ၉၊ ၂၀၁၈
M-Media

– လေတပ်အဆင့်မြှင့်တင်ရေး လိုအပ်သည်များနှင့် အခြား စစ်လက်နက်ပစ္စည်းများ ၀ယ်ယူရန်အတွက် ကာတာနှင့် အမေရိကန်တို့မှာ ကန်ဒေါ်လာ ၁၉၇ သန်းတန် သဘောတူစာချုပ်ကို လက်မှတ်ရေးထိုးခဲ့သည်ဟု သိရသည်။

အမေရိကန်အစိုးရက ယမန်နေ့တွင် ထုတ်ပြန်ကြေငြာခဲ့သည့် အဆိုပါ သဘောတူညီချက်မှာ ကွန်ဂရက်တွင် အတည်ပြုရမည်ဖြစ်သည်။

“ပင်လယ်ကွေ့ဒေသအတွင်း နိုင်ငံရေးတည်ငြိမ်မှုနဲ့ စီးပွားရေးတိုးတက်မှုအတွက် အရေးပါတဲ့ အင်အားတစ်ရပ်ဖြစ်တဲ့၊ ဆက်ဖြစ်နေမယ့် မိတ်ဖက်နိုင်ငံတစ်ခုရဲ့ လုံခြုံရေးတိုးတက်စေဖို့ ကူညီပေးတဲ့ ဒီရောင်းချမှု သဘောတူညီချက်ဟာ အမေရိကန်ရဲ့ နိုင်ငံခြားရေးပေါ်လစီနဲ့ အမျိုးသားလုံခြုံရေးတွေကို အထောက်အကူဖြစ်စေမှာ ဖြစ်ပါတယ်” ဟု အမေရိကန် ကာကွယ်ရေးနှင့်လုံခြုံရေး ပူးပေါင်းဆောင်ရွက်မှုဆိုင်ရာ အေဂျင်စီမှ ထုတ်ပြန်သော ကြေငြာချက်တွင် ဖော်ပြထားသည်။

အရှေ့အလယ်ပိုင်း အမေရိကန်လေတပ်၏ ဌာနချုပ်မှာ ကာတာနိုင်ငံတွင် တည်ရှိပြီး အမေရိကန်စစ်သား တစ်သောင်းခန့် အခြေစိုက်ထားသည်။

ယခုရောင်းချမည့် ပစ္စည်းများက ကာတာလေတပ်၏ ဆိုက်ဘာလုံခြုံရေးကို ပိုမိုကောင်းမွန်စေကာ နိုင်ငံ၏ ကာကွယ်ရေး စွမ်းဆောင်နိုင်မှုကို အထောက်အကူပေးမည်ဖြစ်ကြောင်း၊ လက်ရှိနှင့် အနာဂတ်ခြိမ်းခြောက်မှုများအား ကာတာ၏ တုန့်ပြန်မှုကို ပိုမိုအားကောင်းစေကာ အမေရိကန်တပ်ဖွဲ့များအပေါ် မှီခိုနေရမှုအား လျှော့ချနိုင်မည်ဖြစ်ကြောင်း ကြေငြာချက်တွင် ဖော်ပြထားသည်။

ကာတာမှာ လက်ရှိတွင် ဆော်ဒီ၊ ယူအေအီး၊ အီဂျစ်၊ ဘာရိန်းတို့၏ အဆက်အသွယ်ဖြတ်တောက်မှုကို ခံနေရပြီး ထိုနိုင်ငံများက ကာတာမှာ ဒေသတွင်း အစွန်းရောက်ဝါဒကို အားပေးနေသည်ဟု စွပ်စွဲခဲ့သည်။ ကာတာကမူ ထိုစွပ်စွဲချက်များကို ငြင်းဆိုထားသည်။

အမေရိကန်မှာ ကာတာအပြင် ယူအေအီးကို Sidewinder ဝေဟင်မှ ဝေဟင်ပစ် ဒုံးကျည်စနစ် ကန်ဒေါ်လာ သန်း ၂၇၀ ဖိုး ရောင်းချရန် သဘောတူညီခဲ့သည်။

Ref: Aljazeera