ဇင်ဘာဘွေအာဏာရှင်ဟောင်း၏ ဇနီး ဆင်စွယ်မှောင်ခိုမှုဖြင့် စုံစမ်းစစ်ဆေးခံနေရ

မတ် ၂၄၊ ၂၀၁၈
M-Media

– အာဏာရှင်ဟောင်း ရောဘတ်မူဂါဘီ၏ ဇနီးဖြစ်သူ ဂရေ့စ်မူဂါဘီကို ဆင်စွယ် မှောင်ခိုကုန်ကူးမှုဖြင့် ဇင်ဘာဘွေရဲတပ်ဖွဲ့က စုံစမ်စစ်ဆေးမှု ပြုလုပ်နေသည်ဟု သိရသည်။

သြစတေးလျ သားရိုင်းတိရစ္ဆာန်ဆိုင်ရာ ဓာတ်ပုံဆရာ အက်ဒရီယန် စတိုင်ရန်က ၃ လကြာ လျှို့ဝှက် သတင်းလိုက်ခဲ့ပြီးနောက် ဇင်ဘာဘွေအစိုးရ၏ ယခုစုံစမ်းစစ်ဆေးမှု ပေါ်ထွက်လာခြင်းဖြစ်သည်။

စတိုင်ရန်က ဒီဇင်ဘာလအတွင်း တရားမ၀င် ဆင်စွယ် ရောင်းဝယ်ဖောက်ကားမှုကို စုံစမ်းရာတွင် ဆင်များကို ဖမ်းဆီးသတ်ဖြတ်ကာ ဆင်စွယ် ဖြတ်ယူရောင်းစားသည့်ဂိုဏ်းကို သိရှိရှိခဲ့ခြင်းဖြစ်သည်ဟု ပြောကြားခဲ့သည်။

“ဆင်စွယ်တွေကို လိုက်ရင် မှောင်ခိုဂိုဏ်းတွေက အမျိုးသားပန်းခြံက ခိုးတာမျိုး၊ ဖြည်းဖြည်းချင်း မသိအောင် ယူတာမျိုးတွေ၊ ဆင်အရှင်တွေကို ဖမ်းဆီးသတ်ဖြတ်ပြီး အစွယ်ဖြတ်တာမျိုးတွေကနေ လာတယ်ဆိုတာ သွားတွေ့ရတယ်။ ပြီးရင် အဲဒီဂိုဏ်းက ဂရေ့စ်မူဂါဘီရဲ့ လူတွေဆီ ပြန်ရောင်းကြတယ်။ သူမက ဒါတွေကို ထုပ်ပြီး လေဆိပ်ကို ပို့တယ်။ သမ္မတမိန်းမရဲ့ပစ္စည်း ဖြစ်တာကြောင့် လေဆိပ်မှာ ရှာဖွေတာမျိုး၊ စစ်ဆေးတာမျိုး မလုပ်ပါဘူး”

ထိုကိစ္စနှင့်ပတ်သက်၍ သက်ဆိုင်သည့် စာရွက်စာတမ်းများ၊ လျှို့ဝှက်ရိုက်ကူးထားသည့် ဗီဒီယိုများ၊ ထိုအကြောင်း သိရှိသူများ၏ ထွက်ဆိုချက်များကို စတိုင်ရန်က စုဆောင်းကာ အလ်ဂျာဇီးရားသတင်းဌာန၏ စုံစမ်းဖော်ထုတ်မှုဌာနသို့ ပြသခဲ့သည်။

ဇင်ဘာဘွေတွင် ဆင်စွယ်ရောင်းဝယ်မှုအား အကန့်အသတ်ဖြင့် ခွင့်ပြုထားသော်လည်း နိုင်ငံရပ်ခြားသို့ တင်ပို့မှုကို တားမြစ်ထားသည်။

သမ္မတ အီမာဆန် မနန်ဂါဂွါ၏ အထူးအကြံပေးဖြစ်သူ ခရစ္စတိုဖာ မက်စ်ဗန်ဂွါက သမ္မတကတော်ဟောင်း ဂရေ့စ်မူဂါဘီအပါအ၀င် ဆင်စွယ်မှောင်ခိုကုန်ကူးမှုတွင် ပါဝင်သူများကို စစ်ဆေးမေးမြန်းသွားမည်ဟု အလ်ဂျာဇီးရား သတင်းဌာနသို့ ပေးပို့သောစာတွင် ဖော်ပြထားသည်။

လက်ရှိတွင် ဆင်စွယ် မှောင်ခိုကုန်ကူးသူ ၂ ဦးကို တရားစွဲဆိုထားသည်။

အာဏာရှင် ရောဘတ်မူဂါဘီ ရာထူးရှိစဉ်က ဇနီးဖြစ်သူ ဂရေ့စ်မူဂါဘီမှာ အလွန်အမင်း သုံးဖြုန်းမှုအတွက် မကောင်းသတင်းဖြင့် ကျော်ဇော်ခဲ့သည်။

Ref: Aljazeera