ဖိလစ်ပိုင်အိမ်အကူအား သတ်ခဲ့သည့် လင်မယားကို ကူဝိတ်က သေဒဏ်ချ

ဧပြီ ၁၊ ၂၀၁၈
M-Media

သတ်ဖြတ်ခံခဲ့ရသည့် ဖိလစ်ပိုင်အိမ်အကူ ဂျိုအာနာ ဒီမာဖီလစ်

– ဖိလစ်ပိုင်အိမ်အကူလုပ်သားကို သတ်ဖြတ်ကာ ရေခဲသေတ္တာထဲ ထည့်ထားခဲ့တဲ့ အိမ်ရှင်လင်မယားနှစ်ယောက်ကို ကူဝိတ်တရားရုံးက ဒီကနေ့မှာ သေဒဏ် ချမှတ်လိုက်ပါတယ်။

လွန်ခဲ့တဲ့တစ်နှစ်လောက်ကတည်းက ပျောက်နေတဲ့ အိမ်အကူ ဂျိုအာနာ ဒီမာဖီလစ်ရဲ့ အလောင်းကို ဖေဖော်ဝါရီ ၆ ရက်နေ့ ကူဝိတ်စီးတီးက တိုက်ခန်းတစ်ခုအတွင်းမှာရှိတဲ့ ရေခဲသေတ္တာထဲမှာ တွေ့ရှိခဲ့တာပါ။

ဒီကိစ္စကြောင့် ဖိလစ်ပိုင်အိမ်အကူတွေ နိုင်ငံရပ်ခြားမှာ လူမသိ၊ သူမသိ ဒုက္ခသုက္ခတွေ ခံစားနေရမှုကို ပွင့်ထွက်လာစေခဲ့ပြီး ဖိလစ်ပိုင်သမ္မတ ဒူတာတေးက ကူဝိတ်နိုင်ငံဆီ အလုပ်သမားစေလွှတ်မှုကို ပိတ်ပင်ခဲ့ပါတယ်။

ဂျိုအာနာကို သတ်ခဲ့တဲ့ အိမ်ရှင်လင်မယားနှစ်ယောက်ဟာ ဆီးရီးယားကို ရောက်ရှိနေပြီး ဆီးရီးယားအစိုးရက လက်ဘနွန်နိုင်ငံသား နဒါရ် အက်ဆမ် အာဆက်ဖ်ကို ဖေဖော်ဝါရီလအတွင်းမှာ ပြန်လည်လွှဲပြောင်းပေးခဲ့ပါတယ်။ သူ့ရဲ့ဇနီး ဆီးရီးယားနိုင်ငံသူ မိုနာကတော့ ဒမတ်စတ်မှာ ထိန်းသိမ်းခံထားရပါတယ်။

ကူဝိတ်တရားရုံးက ဒီကနေ့ပြုလုပ်တဲ့ ပထမဆုံး မျက်ကွယ်ကြားနာမှုမှာပဲ ဂျိုအာနာကို သတ်ဖြတ်မှု၊ အလောင်းဖျောက်မှုတွေနဲ့ အိမ်ရှင်လင်မယားနှစ်ယောက်ကို သေဒဏ်ချမှတ်ခဲ့တယ်လို့ ပြည်တွင်းမီဒီယာတွေက ဖော်ပြခဲ့ကြပါတယ်။

ကူဝိတ်နိုင်ငံမှာ ဖိလစ်ပိုင် အိမ်အကူတွေ ညှင်းပမ်းခံရတဲ့သတင်းဟာ မကြာခဏဆိုသလို ထွက်ပေါ်ခဲ့ပြီး ဂျိုအာနာသေဆုံးမှုသတင်း ထွက်လာပြီးတဲ့နောက် အိမ်အကူတွေရဲ့ လုပ်ငန်းခွင်အခြေအနေ တိုးတက်ရေး သဘောတူစာချုပ်တစ်ခုကို ဖိလစ်ပိုင်နဲ့ ကူဝိတ်တို့ ချုပ်ဆိုခဲ့ကြပါတယ်။

ကူဝိတ်မှာ ဖိလစ်ပိုင်အလုပ်သမား ၂၅၀၀၀၀ ကျော်လောက် ရှိနေတယ်လို့ ဖိလစ်ပိုင် နိုင်ငံခြားရေးဝန်ကြီးဌာနက ခန့်မှန်းတွက်ချက်ထားပြီး အများစုက အိမ်အကူအဖြစ် လုပ်ကိုင်နေရတာ ဖြစ်ပါတယ်။ ယူအေအီး၊ ဆော်ဒီနဲ့ ကာတာတို့မှာလည်း ဖိလစ်ပိုင်အိမ်အကူလုပ်သားတွေ အများအပြား ရှိနေပါတယ်။

Ref: Reuters