တစ်ခါသုံးပလက်စတစ်ပစ္စည်းများ ရောင်းချမှုပိတ်တော့မည်ဟု ဗြိတိန် ကြေငြာ

ဧပြီ ၁၉၊ ၂၀၁၈
M-Media

– အအေးသောက်ရာမှာ အသုံးပြုတဲ့ ပလက်စတစ်ပိုက်တွေနဲ့ တစ်ခြား တစ်ခါသုံးပစ္စည်းတွေ ရောင်းချတာကို ပိတ်ပင်သွားမယ်လို့ ဗြိတိန် ၀န်ကြီးချုပ်ရုံးက ဒီကနေ့မှာ ကြေငြာလိုက်ပြီး ပင်လယ်သမုဒ္ဒရာ ညစ်ညမ်းမှုကို ဟန့်တားဖို့ ရည်ရွယ်တဲ့ ဆောင်ရွက်မှု ဖြစ်ပါတယ်။

“ပလက်စတစ် စွန့်ပစ်ပစ္စည်းတွေဟာ ကမ္ဘာကြီးက ရင်ဆိုင်နေရတဲ့ အကြီးမားဆုံး သဘာဝပတ်ဝန်းကျင်ဆိုင်ရာ စိန်ခေါ်မှုတွေထဲက တစ်ခုပါ။ ဒါ့ကြောင် အဏ္ဏ၀ါပတ်ဝန်းကျင်ကို ထိန်သိမ်းကာကွယ်ရေးဟာ ကျွန်မတို့ရဲ့ ဓနသဟာယအဖွဲ့ဝင်နိုင်ငံ အစိုးရအကြီးအကဲတွေရဲ့ အစည်းအဝေးမှာ အဓိကအကြောင်းအရာ ဖြစ်လာမှာပါ” လို့ ဒီကနေ့ စတင်ကျင်းပမယ့် ဓနသဟာယနိုင်ငံများ ထိပ်သီးအစည်းအဝေးမတိုင်ခင် ထုတ်ပြန်တဲ့ ကြေငြာချက်မှာ ၀န်ကြီးချုပ် ထရီဇာမေက ပြောကြားခဲ့ပါတယ်။

ရောင်းချမှုပိတ်ပင်မယ့် တစ်ခါသုံးပစ္စည်းတွေမှာ သစ်သီးဖျော်ရည်တွေကိုမွှေတဲ့ ပလက်စတစ်အတံတွေ၊ နားကြပ်တံတွေလည်း ပါဝင်မှာဖြစ်ပါတယ်။

ဝန်ကြီးချုပ်မေကတော့ သူတို့ရဲ့ ‘နိုင်ငံတော်အဆင့် လုပ်ငန်းဆောင်ရွက်မှုစီမံချက်’ တစ်စိတ်တစ်ပိုင်းအဖြစ် ၂၀၂၄ ခုနှစ်မှာ ပလက်စတစ် စွန့်ပစ်ပစ္စည်းတွေ လုံးဝမရှိစေရေး ဆောင်ရွက်သွားမယ်လို့ ကတိပြုခဲ့ပါတယ်။

လာမယ့်နှစ် မတ်လ ဥရောပသမဂ္ဂကနေ မထွက်ခင် ဗြိတိန်ဟာ ကိုလိုနီနိုင်ငံဟောင်း အများစုအပါအ၀င် နိုင်ငံပေါင်း ၅၃ နိုင်ငံပါဝင်တဲ့ ဓနသဟာယအဖွဲ့နဲ့ ဆက်ဆံရေး ပိုမိုနက်ရှိုင်းအောင် ကြိုးစားနေပါတယ်။

ပလက်စတစ် စွန့်ပစ်ပစ္စည်းတွေကို တိုက်ဖျက်ဖို့နဲ့ ဓနသဟာယနိုင်ငံတွေမှာ သမုဒ္ဒရာအတွင်း ရောက်ရှိမယ့် ပလက်စတစ် စွန့်ပစ်ပစ္စည်းအရေအတွက်ကို ကန့်သတ်ဖို့အတွက် ဒေါ်လာ ၈၇ သန်းလောက် အကုန်ခံမယ့်ကိစ္စကို ဗြိတိန်ဟာ အခု ဓနသဟာယအစည်းအဝေးမှာ တင်ပြဖို့ ရှိနေပါတယ်။

ထရီဇာမေရဲ့ရုံးက ထုတ်ပြန်တဲ့ ကြေငြာချက်မှာ ပလက်စပစ္စည်းတွေကို ပိတ်ပင်ဖို့အတွက် အကြံပြုဆွေးနွေးနိုင်ရေး အစီအစဉ်တစ်ခုကို အခုနှစ်နှောင်းပိုင်းမှာ သဘာဝပတ်ဝန်းကျင်ဆိုင်ရာဝန်ကြီး မီခေးလ် ဂိုဗီက ထုတ်ပြန်မယ်လို့ ဖော်ပြထားပါတယ်။ ဒါပေမယ့် အသေးစိတ်ကိုတော့ ပြောကြားခဲ့ခြင်းမရှိပါဘူး။

ကမ္ဘာတစ်ဝှမ်းက နိုင်ငံတွေဟာ ပလက်စတစ် စွန့်ပစ်ပစ္စည်းတွေကို လျှော့ချဖို့ ကြိုးစားနေကြပြီး စကော့တလန်ဟာ ၂၀၁၉ ခုနှစ်မှာ အအေးသောက်တဲ့ ပလက်စတစ်ပိုက်တွေကို လုံးဝ ပိတ်ပင်သွားဖို့ စီစဉ်နေပါတယ်။

ထိုင်ဝမ်ကလည်း ပိုက်၊ ခွက်နဲ့ အိတ်တွေအပါဝအင် တစ်ခါသုံး ပလက်စတစ်ပစ္စည်းတွေကို ၂၀၃၀ ပြည့်နှစ်မှာ လုံးဝ ပိတ်ပင်သွားဖို့ အစီအစဉ်ရှိနေပါတယ်။

Ref : CNA