ရိုဟင်ဂျားများခံစားရသည့် ကြမ်းကြုတ်မှုများကို လုံခြုံရေးကောင်စီအဖွဲ့အား ပြသမည်ဟု ဘင်္ဂလားဒေ့ရှ် ပြော

ဧပြီ ၂၃၊ ၂၀၁၈
M-Media

ဘင်္ဂလားဒေ့ရ်ှမှ ရိုဟင်ဂျာဒုက္ခသည်စခန်း

– အခုလအကုန်ပိုင်း ကုလလုံခြုံရေးကောင်စီအဖွဲ့ လာရောက်တဲ့အခါမှာ ရခိုင်ပြည်နယ်အတွင်း ရိုဟင်ဂျာတွေ ခံစားခဲ့ရတဲ့ ရက်စက်ကြမ်းကြုတ်မှုတွေနဲ့ သူတို့အစိုးရရဲ့ ဆောင်ရွက်ထားမှုတွေကို ပြသသွားမယ်လို့ ဘင်္ဂလားဒေ့ရ်ှက ပြောကြားလိုက်ပါတယ်။

လုံခြုံရေးကောင်စီအဖွဲ့ဟာ ဧပြီလ ၂၆ ရက်နေ့က မေလ ၂ ရက်နေ့အထိ မြန်မာနဲ့ ဘင်္ဂလားဒေ့ရ်ှနိုင်ငံတို့ကို လာရောက်ကာ ရိုဟင်ဂျာကိစ္စအတွက် အချက်အလက်တွေ ရှာဖွေသွားမှာ ဖြစ်ပါတယ်။

ကုလအတွင်းရေးမှူး အန်တိုနီယိုဂူတာရက်စ်ရဲ့ ပြောရေးဆိုခွင့်ရှိသူ စတီဖနီ ဒူဂျာရစ်က လုံခြုံရေးကောင်စီရဲ့ ဒီလိုလာရောက်မှုဟာ ရိုဟင်ဂျာဒုက္ခသည်တွေရဲ့ ဒုက္ခသုက္ခတွေကို နိုင်ငံတကာအသိုင်းအ၀ိုင်းက ပိုမိုအာရုံစိုက်လာစေရေးနဲ့ လူသားချင်း စာနာထောက်ထားမှုဆိုင်ရာ လုပ်ငန်းတွေအတွက် ရန်ပုံငွေရရှိရေး အထောက်အကူ ဖြစ်လိမ့်မယ်လို့ အတွင်းရေးမှူးက မျှော်လင့်နေကြောင်း ပြောကြားခဲ့ပါတယ်။

လုံခြုံရေးကောင်စီရဲ့ အခုလိုသွားရောက်မှုဟာ ရိုဟင်ဂျာပြဿနာ ဖြေရှင်းရေးအတွက် ကုလအတွင်းရေးမှူးဟောင်း ကိုဖီအန်နန် ဦးဆောင်တဲ့ ကော်မရှင်က ပေးထားအတဲ့ အကြံပြုချက်တွေကို မြန်မာအစိုးရက ဖော်ဆောင်ရာမှာ အထောက်အကူဖြစ်စေပြီး အခြေအနေကို တိုးတက်ကောင်းမွန်စေလိမ့်မယ်လို့ ဂူတာရက်စ်က မျှော်လင့်နေပါတယ်။

ကိုယ်စားလှယ်အဖွဲ့ဟာ ဧပြီလ ၂၉ ရက်နေ့မှာ ဘင်္ဂလားဒေ့ရ်ှကိုသွားရောက်ကာ ဒုက္ခသည်စခန်းက ရိုဟင်ဂျာတွေနဲ့ တွေ့ဆုံဖို့ ရှိနေပါတယ်။ ၃၀ ရက်နေ့မှာတော့ ဘင်္ဂလားဒေ့ရ်ှဝန်ကြီးချုပ် ရှိခ်ဟာဆီနာ အပါအ၀င် ဘင်္ဂလားဒေ့ရ်ှအစိုးရ တာဝန်ရှိသူတွေနဲ့ တွေ့ဆုံသွားမှာပါ။

မြန်မာနိုင်ငံခရီးစဉ်အတွင်း အစိုးရတာဝန်ရှိသူတွေနဲ့ တွေ့ဆုံမှာဖြစ်သလို ရခိုင်ပြည်နယ်က အခြေအနေကိုလည်း သွားရောက်ကြည့်ရှုမှာ ဖြစ်ပါတယ်။

Ref: The Daily Star