ဝေဖန်မှုရှိသော်လည်း Facebook သုံးစွဲသူနှင့် အကျိုးအမြတ် မြင့်တက်

ဧပြီ ၂၆၊ ၂၀၁၈
M-Media

– သုံးစွဲသူတွေရဲ့ အချက်အလက်တွေ ကျိုးပေါက်မှုနဲ့ပတ်သက်ပြီး ဝေဖန်ခံနေရပေမယ့် ၂၀၁၈ ခုနှစ် ပထမ ၃ လပတ်အတွင်း အသုံးပြုသူအရေအတွက်နဲ့ အကျိုးအမြတ်တွေ မြင့်တက်လာတယ်လို့ Facebook က ပြောကြားလိုက်ပါတယ်။

မနေ့ကထုတ်ပြန်တဲ့ Facebook ရဲ့ ၃ လပတ် ရှင်းတမ်းမှာ အသုံးပြုသူအရေအတွက် ၂.၂ ဘီလီယံ ရှိတယ်လို့ ဖော်ပြထားပြီး ဒါဟာ ၂၀၁၇ ခုနှစ် ပထမ ၃ လပတ် အရေအတွက်ထက် ၁၃ ရာခိုင်နှုန်း မြင့်တက်ခဲ့တာ ဖြစ်ပါတယ်။

တစ်နေ့တာအတွက်ဆိုရင် ၁.၄၅ ဘီလီယံလောက် Facebook ကို နေ့စဉ်အသုံးပြုနေပြီး ၂၀၁၇ ခုနှစ် ပထမ ၃ လပတ် နေ့စဉ်သုံးစွဲမှုနဲ့ယှဉ်ရင် ၁၃ ရာခိုင်နှုန်း တက်လာတာ ဖြစ်ပါတယ်။

တစ်နှစ်တာအတွက်အကျိုးအမြတ်ဟာ ၂၀၁၇ ခုနှစ် ပထမ ၃ လပတ်မှာ ၈.၀၃ ဘီလီယံ ရှိရာကနေ ၂၀၁၈ ခုနှစ် ပထမ ၃ လပတ်မှာ ၁၁.၉၆ ဘီလီယံ ရှိလာပြီး ၄၉ ရာခိုင်နှုန်း မြင့်တက်လာတာပါ။

နိုင်ငံရေးအကြံပေးအဖွဲ့တစ်ခုဖြစ်တဲ့ Cambridge Analytica ထံကို Facebook အသုံးပြုသူ ၈၇ သန်းရဲ့ အချက်အလက်တွေ ရောက်ရှိသွားမှုနဲ့ပတ်သက်ပြီး ပြီးခဲ့တဲ့ ၂ လအတွင်းမှာ Facebook ဟာ အကြီးအကျယ် ဝေဖန်ခံခဲ့ရတာပါ။

ဒီကိစ္စနဲ့ပတ်သက်လို့ အမေရိကန်၊ ယူကေနဲ့ အိန္ဒိယတို့အပါအ၀င် ထိခိုက်ခံစားရတဲ့ နိုင်ငံတော်တော်များများဟာ စုံစမ်းစစ်ဆေးမှုတွေ လုပ်ခဲ့ပါတယ်။ Facebook တည်ထောင်သူ မာ့ခ် ဇက်ကာဘတ်ကိုယ်တိုင်လည်း အမေရိကန်လွှတ်တော်မှာ ဒီကိစ္စအတွက် သွားရောက် ဖြေရှင်းခဲ့ရပါတယ်။

၂၀၁၆ ခုနှစ် အမေရိကန်ရွေးကောက်ပွဲအတွင်း ရုရှားက ပတ်သက်တယ်ဆိုတဲ့ ကိစ္စမှာ Facebook ရဲ့ ပါဝင်မှုအတွက်လည်း လက်ရှိမှာ စုံစမ်းစစ်ဆေးမှု ခံနေရပါတယ်။

Ref : Aljazeera