ကိုရီးယားနှစ်နိုင်ငံခေါင်းဆောင်တွေ ဘာတွေ သဘောတူခဲ့ကြသလဲ

ဧပြီ ၂၇၊ ၂၀၁၈
M-Media

– ကိုရီးယားနှစ်နိုင်ငံခေါင်းဆောင်တွေရဲ့ ဒီကနေ့မနက် တွေ့ဆုံမှုမှာ ငြိမ်းချမ်းရေးစာချုပ် ချုပ်ဆိုရေး၊ နျူကင်းစင်တဲ့ ကိုရီးယားကျွန်းဆွယ်ဖြစ်အောင် ဆောင်ရွက်ရေး သဘောတူခဲ့ကြပါတယ်။

စစ်မဲ့ဇုန်ရဲ့ တောင်ကိုရီးယားဖက်ခြမ်းမှာရှိတဲ့ ပန်မွန်ဂျွန်းရွာက ငြိမ်းချမ်းရေးဂေဟာမှာလုပ်တဲ့ ဒီ ထိပ်သီးဆွေးနွေးပွဲကို မြောက်ကိုရီးယားခေါင်းဆောင် ကင်ဂျုံအန်ဟာ နယ်စပ်ဖြတ်ကျော် တက်ရောက်လာခဲ့ပြီး ကိုရီးယားစစ်ပွဲပြီးကတည်းက တောင်ကိုရီးယားဖက်ကို လာရောက်တဲ့ ပထမဆုံး မြောက်ကိုရီးယားခေါင်းဆောင်အဖြစ် မှတ်တမ်းဝင်ခဲ့ပါတယ်။

သမ္မတမွန်ဂျယ်အင်နဲ့ ပူးတွဲထုတ်ပြန်တဲ့ကြေငြာချက်မှာ ကင်က “ကျွန်တော်တို့ တစ်ယောက်နဲ့တစ်ယောက် တိုက်ခိုက်ဖို့ အကြောင်းမရှိပါဘူး။ ကျွန်တော်တို့ဟာ တစ်နိုင်ငံတည်းပါ” လို့ ပြောကြားခဲ့ပါတယ်။

ခေါင်းဆောင်နှစ်ဦးဟာ အပိုင်း ၃ ပိုင်းပါတဲ့ ကြေငြာချက်တစ်စောင်ကို ထုတ်ပြန်ခဲ့ပြီး အခုနှစ်အတွင်း ငြိမ်းချမ်းရေးစာချုပ် လက်မှတ်ရေးထိုးဖို့၊ ကိုရီးယားကျွန်းဆွယ်မှာ လုံးဝ နျူကင်းစင်ရေး နှစ်နိုင်ငံ ပူးပေါင်းဆောင်ရွက်ဖို့ ဖော်ပြထားပါတယ်။

ကိုရီးယားနှစ်နိုင်ငံဟာ လက်ရှိ စစ်ဖြစ်နေဆဲအနေအထားမှာ ရှိနေပြီး ဒီအခြေအနေကို အဆုံးသတ်ဖို့ လိုအပ်နေတာပါ။

တောင်ကိုရီးယားနယ်စပ်ကနေ အသံချဲ့စက်တွေနဲ့ ၀ါဒဖြန့်တာ၊ ၀ါဒဖြန့်စာရွက် ဖြန့်ဖြူးတာတွေကို မေလ ၁ ရက်နေ့ နောက်ဆုံးထားပြီး ရပ်ဆိုင်းသွားဖို့၊ အမေရိကန်နဲ့ တရုတ်ပါဝင်ပြီး ကိုရီးယားနှစ်နိုင်ငံ ဆွေးနွေးပွဲတွေ ပြုလုပ်သွားဖို့၊ နှစ်နိုင်ငံ ပြန်လည်ပေါင်းစည်းရေး မြောက်ကိုရီးယားနိုင်ငံ ကေဆွန်မြို့မှာ ဆက်သွယ်ရေးဌာနတစ်ခု ထားရှိဖို့၊ သြဂုတ် ၁၅ ရက်နေ့မှာ နှစ်နိုင်ငံက ကွဲကွာနေတဲ့ မိသားစုတွေ ပြန်လည်ပေါင်းစည်းရေး ဆောင်ရွက်ဖို့ စတာတွေကို သဘောတူခဲ့ကြောင်း ကြေငြာချက်မှာ ဖော်ပြထားပါတယ်။

အမေရိကန်သမ္မတ ဒေါ်နယ်ထရမ့်က ဒီဆွေးနွေးမှုကို ကြိုဆိုကြောင်း ပြောကြားခဲ့ပေမယ့် အချိန်က စကားပြောလိမ့်မယ်လို့ ဆိုပါတယ်။

ရုရှား၊ ဂျပန်နဲ့ တရုတ်တို့ကလည်း တောင်ကိုရီးယားသမ္မတ မွန်ဂျယ်အင်နဲ့ မြောက်ကိုရီးယားခေါင်းဆောင် ကင်ဂျုံအန်တို့အကြား ဒီဆွေးနွေးမှုကို ချီးကျူးခဲ့ကြပါတယ်။

Ref: Aljazeera