တရုတ်ရဲ့လွှမ်းမိုးမှုဒဏ်ကို ခါးစီးခံနေရတဲ့ အာဆီယံနိုင်ငံများ

မေ ၅၊ ၂၀၁၈
M-Media

– မြန်မာနိုင်ငံရဲ့ နောက်ဆုံး မင်းနေပြည်တော် မန္တလေးဟာ စာတတ်ပေတတ် ရဟန်းသံဃာတွေ၊ ပြောင်မြောက်တဲ့ အနုပညာရှင်တွေ ထွန်းကားရာ၊ ဗမာစကားစစ်စစ်ပြောကြတဲ့ မြို့သူမြို့သားတွေရှိရာ၊ တိုင်းပြည်က အကောင်းဆုံးဟင်းလျာတွေ စုဝေးရာ ဒေသတစ်ခုဖြစ်ပြီး တိုင်းပြည်ရဲ့ ယဉ်ကျေးမှုအချက်အခြာလို့ တင်စားပြောဆိုရလောက်အောင်ပါပဲ။

ဒီကနေ့မှာတော့ ရွှေနန်းတော်က ကျုံးပတ်လည်တစ်လျှောက် တရုတ်ဂီတသံတွေနဲ့ ထိုက်ကျိကစားနေကြသူတွေရဲ့ မြင်ကွင်းဟာ မြန်မာနိုင်ငံရဲ့ ဒုတိယမြို့တော်က သက်ပြင်းချစရာ အခြေအနေအပြောင်းလဲမှုလက္ခဏာ ဖြစ်လို့နေပါတယ်။ တရုတ်လူမျိုးတွေ တံခါးမရှိ ၀င်ရောက်အခြေချကာ သူတို့အလိုအတိုင်း ပုံဖော်လာတာကြောင့် ဗမာမင်းတို့ရဲ့ မင်းနေပြည်တော်အဖြစ် တစ်ချိန်က သိပ်ကို ထင်ရှားအရေးပါခဲ့တဲ့ ဒီမြို့ကြီးရဲ့ ယဉ်ကျေးမှု အမှတ်သညာတွေ ဆုံးရှုံးနေရပြီလို့ မြို့ခံတွေက ဖွင့်ဟကြပါတယ်။

“ကျွန်တော့်ကိုယ်ကျွန်တော် မန္တလေးဒေသခံ မဟုတ်တော့ဘူးလို့တောင် ခံစားရပါတယ်” လို့ အသက် ၃၀ အရွယ် ဂျာနယ်လစ် ညီညီဇော်က ပြောကြားခဲ့ပြီး အရွေ့တစ်ခု ပြောင်းလဲမှုကြာင့် ဗမာတွေနဲ့ တရုတ်လူမျိုးတွေအကြား ဖြစ်နေတဲ့ ပြဿနာတွေဟာ သူ့ရဲ့ သတင်းဖော်ပြချက်တွေမှာ မပါမဖြစ် ဖြစ်လာတယ်လို့လည်း ထည့်သွင်း ပြောဆိုခဲ့ပါတယ်။

“တရုတ်တွေက ဒေသခံတွေလိုဖြစ်လာတယ်။ သူတို့က ပိုက်ဆံရှိတော့ သြဇာလည်း ရှိတာပေါ့”

ဒီလိုအပြောင်းအလဲဖြစ်နေတဲ့ မန္တလေးမြို့ကြီးဟာ တရုတ်နိုင်ငံ ယူနန်ပြည်နယ်နဲ့ ကီလိုမီတာ ၃၀၀ (၁၈၅ မိုင်) အကွာမှာရှိကာ ကုန်သွယ်ရေး၊ သယ်ယူပို့ဆောင်ရေးနဲ့ တရားမ၀င်ကုန်ကူးမှုတို့ရဲ့ ဆုံချက်ဖြစ်ပြီး တရုတ်ရဲ့ စီးပွားရေး၊ စစ်ရေး စက်ကွင်းကျယ်လာမှုနဲ့အတူ ဖြစ်လာတဲ့ အရှေ့တောင်အာရှတစ်ဝှမ်း တရုတ်ရဲ့ ခြေရာလက်ရာတွေကို ထင်ဟပ်နေပါတယ်။ ယူရေးရှားနိုင်ငံတွေကို ကုန်ကြောင်း၊ ရေကြောင်းကနေ ဆက်သွယ်ချိတ်ဆက်ပေးမယ့် One Belt, One Road စီမံကိန်းကို တရုတ်က အရှိန်မြှင့် ဆောင်ရွက်နေတာကြောင့် ဒီခြေရာလက်ရာဟာ ကြီးသထက်ကြီးလာမယ်လို့ မျှော်လင့်ရပါတယ်။

နိုင်ငံရပ်ခြားမှာ တရုတ်လုပ်ငန်းတွေ ချဲ့ထွင်ဖို့ တွန်းအားပေးတဲ့ တရုတ်ရဲ့ပေါ်လစီနဲ့၊ တရုတ်အစိုးရကိုယ်တိုင် အိမ်နီးချင်းနိုင်ငံတွေရဲ့ အခြေခံအဆောက်အဦးတွေမှာ ရင်းနှီးမြှုပ်နှံမှုတွေကြောင့် ဆင်းရဲတဲ့ အရှေ့တောင်အာရှနိုင်ငံတစ်ချို့မှာ တရုတ်လူမျိုးတွေ အုံနဲ့ကျင်းနဲ့ ၀င်ရောက်မှုဟာ တိုင်းပြည်ကောင်းစားရေးအတွက်ဆိုတဲ့ ပုံစံမျိုး ပေါက်နေပါတယ်။ ဒါပေမယ့် တရုတ်ရဲ့ လောဘဇောမသတ်နိုင်မှု၊ ယဉ်ကျေးမှုဗိုလ်ကျစိုးမိုးမှုနဲ့ သဘာဝတ်ဝန်းကျင်ပျက်ဆီးမှုတွေလို ကိစ္စတွေက ဒေသခံတွေကို မကျေမချမ်းဖြစ်စေတာ၊ တစ်ခါတစ်ရံမှာ ဒေါသထွက်စေတာမျိုးတွေ ဖြစ်လာပါတယ်။

၂၀ ရာစု ပထမ နှစ် ၅၀ အတွင်း စစ်ပွဲ၊ တော်လှန်ရေးနဲ့ ငတ်မွတ်ခေါင်းပါးမှု လှိုင်းလုံးတွေနဲ့အတူ နေရပ်စွန့်ခွာခဲ့ရတဲ့ တရုတ်လူမျိုးတွေဟာ အရှေ့တောင်အာရှကို စိမ့်ဝင်ပြန့်နှံ့လာတာ ရာစုနှစ်ချီ ရှိနေပါပြီ။ အများစုက အ၀တ်တစ်ထည်ကိုယ်တစ်ခုနဲ့ ရောက်လာခဲ့ကြပေမယ့် နောက်ပိုင်း ပြောင်းရွှေ့လာသူတွေမှာတော့ ငွေကြေးနဲ့
အသိပညာတွေ ပါလာကြပါတယ်။

“မန္တလေးက စွန့်ဦးစီးပွားရေးသမား ၁၀ ဦးမှာ ၇ ဦးက တရုတ်လူမျိုးတွေ ဖြစ်ပါတယ်” လို့ မန္တလေးတိုင်းဒေသကြီး ကုန်သည်နှင့် စက်မှုလက်မှုလုပ်ငန်းရှင်များအသင်းရဲ့ ဒုတိယဥက္ကဌ ဦးဝင်းဌေးက ပြောကြားခဲ့ပါတယ်။ မန္တလေးမြို့တွင်းမှာ တရုတ်လူမျိုးတွေဟာ ခေါက်ဆွဲဆိုင်အသေးလေးကနေ၊ တန်ဖိုးကြီးတဲ့ စီးပွားရေးလုပ်ငန်းကြီးတွေအထိ ပိုင်ကြတယ်လို့လည်း သူက ဆိုပါတယ်။

အဓိကစက်မှုလုပ်ငန်းတွေအပါအ၀င် မန္တလေးမြို့ရဲ့ စီးပွားရေး ၆၀ ရာခိုင်နှုန်းလောက်ဟာ တရုတ်တွေလက်ထဲမှာ ရှိနေတယ်လို့ ဦးဝင်းဌေးက ပြောကြားခဲ့ပါတယ်။

လာအိုနိုင်ငံ ဗီယန်ကျင်းမြို့ကို ကြည့်မယ်ဆိုရင်လည်း တရုတ်ဟာ လာအိုအစိုးရက ပေးထားတဲ့ ၇၄၁ ဧကရှိတဲ့ မြေပေါ်မှာ မြို့သစ်တစ်ခု တည်ဆောက်နေပြီး မဲခေါင်မြစ်ပေါ်မှာ တစ်ချိန်က အိမ်မောကျနေတဲ့ ဗီယန်ကျင်းကို ပုံပြောင်းပေးမယ့် တရုတ်ကျောထောက်နောက်ခံပြု အခြေခံအဆောက်အဦး စီမံကိန်းတွေမှာ အလုပ်လုပ်ဖို့ အုံနဲ့ကျင်းနဲ့ လာရောက်ကြမယ့် တရုတ်လူမျိုး ပြောင်းရွှေ့အခြေချသူတွေကို နေရာထိုင်ခင်းပေးဖို့လို့ ယူဆရပါတယ်။

ကမ္ဘောဒီးယားနိုင်ငံ ကမ်းရိုးတမ်းမြို့ ကမ်ပုန်ဆမ်မှာ နေထိုင်ကြသူတွေက နိုင်ငံရဲ့ တစ်ခုတည်းသော ပင်လယ်ဆိပ်ကမ်းကို ‘တရုတ်တန်း’ လို့ ခေါ်နေကြပြီး အနောက်နိုင်ငံတွေကိုခွာကာ တရုတ်ဖက်ကို လှည့်ခဲ့ပြီးတဲ့နောက် ကမ္ဘောဒီးယားမှာ တရုတ်ရဲ့ အိမ်ယာတွေ၊ တရုတ်လူမျိုး အခြေချမှုတွေ မြင့်တက်လာတာကြောင့် ဖြစ်ပါတယ်။ တရုတ်ဟာ အခုအချိန်မှာ ကမ္ဘောဒီးယားရဲ့ အဓိက နိုင်ငံရေးနဲ့ စီးပွားရေး ကျောထောက်နောက်ခံ ဖြစ်လာပါတယ်။

တရုတ်ကမ္ဘာလှည့်ခရီးသွားတွေ မြင့်တက်လာတယ်ဆိုတဲ့ အနေအထားတစ်ခုမှာ ပြည်မက တရုတ်လူမျိုးတွေအတွက် ကွန်ဒိုတွေ၊ အခြေချနေထိုင်နိုင်မယ့် အိမ်ယာဈေးကွက်တွေဟာ ထိုင်းနိုင်ငံမြောက်ပိုင်း အဓိကမြို့ ချင်းမိုင်းမှာ အလျှိလျှို ပေါ်ထွက်လာခဲ့ပါတယ်။ ၀င်လာတဲ့သူတွေရဲ့ လိုအပ်ချက်တွေကို ဖြည့်ဆည်းပေးဖို့အတွက် တရားဝင်ရော၊ တရားမ၀င်တဲ့ စီးပွားရေးလုပ်ငန်းတွေလည်း ပေါ်ပေါက်လာပါတယ်။ ထိုင်း ဒါမှမဟုတ် အင်္ဂလိပ်စကား မတတ်တဲ့ တရုတ်ခရီးသွားတစ်ယောက်ဟာ အခုဆိုရင် ချင်းမိုင်မှာ တရုတ်တက္ကဆီသမားအပြင်၊ သက်တော်စောင့်ပါ ငှားနိုင်နေပါပြီ။

မလေးရှားမှာလည်း တရုတ်ရဲ့ ရင်းနှီးမြှုပ်နှံမှုဟာ သိသိသာသာကို မြင့်တက်လာပြီး အချုပ်အခြာအာဏာကို ထိပါးတော့မလားဆိုတဲ့ စိုးရိမ်မှုတွေတောင် ဖြစ်နေပါပြီ။ ကန်ဒေါ်လာ ဘီလီယံ ၁၀၀ လောက်ရှိတဲ့ အိမ်ယာ ဖွံ့ဖြိုးတိုးတက်ရေး စီမံကိန်းကြီးတွေအပြင် တရုတ်အစိုးရနဲ့နွယ်တဲ့ လုပ်ငန်းတွေဟာ ၀န်ကြီးချုပ်နာဂျစ်ရဲ့ အကြွေးပတ်လည်ဝိုင်းနေတဲ့ 1MDB နိုင်ငံတော်ရန်ပုံငွေအဖွဲ့နဲ့ ဆက်နွယ်နေတဲ့ ပိုင်ဆိုင်မှုတွေကိုတောင် ၀ယ်ယူထားပါတယ်။ 1MDB ဟာ ငွေကြေးခ၀ါချမှု၊ အလွဲသုံးစားပြုမှု သတင်းတွေကြောင့် အမေရိကန်နဲ့ အခြားနိုင်ငံတွေရဲ့ စုံစမ်းစစ်ဆေးမှုကို ခံနေရပါတယ်။ အတိုက်အခံတွေကလည်း တရုတ်ငွေတွေ ဒလဟော ၀င်ရောက်မှုကို မေလ ၉ ရက်နေ့မှာ ပြုလုပ်မယ့် ရွေးကောက်ပွဲအတွက် အသုံးချလာခဲ့ပြီး အစိုးရဟာ တိုင်းပြည်ကို ရောင်းစားနေတယ်လို့ သတိပေးခဲ့ကြပါတယ်။ နာဂျစ်ကတော့ ဒီပြောကြားမှုကို ငြင်းဆိုပါတယ်။

မန္တလေးမှာလည်း တရုတ်ဆန့်ကျင်ရေး အတင်းအဖျင်းတွေဟာ နိစ္စဓူဝ လက်သုံးစကား ဖြစ်လာနေပါတယ်။ ကာတွန်းတွေ၊ ဟာသတွေနဲ့ စာပေတွေမှာ တိုင်းပြည်ကို ‘တရုတ်ပြည်သူ့သမ္မတ မြန်မာနိုင်ငံတော်’၊ မန္တလေးကို ‘ယူနန်မန္တလေး’ လို့ ကင်ပွန်းတပ်လာကြပါတယ်။ ‘မန္တလေးမြို့သေဆုံးခြင်း’ ဆိုတဲ့ နာမည်ကျော်သီချင်းမှာလည်း “ငါမွေးတဲ့မြို့ မရှိတော့ပါ” “ဘယ်သူတွေလဲ ဒီမြို့ထဲမှာ” ဆိုပြီး မန္တလေးရဲ့အဖြစ်အပျက်ကို ၀မ်းနည်းသယောင် စပ်ဆိုထားပါတယ်။

မန္တလေးမှာ တရုတ်လူ့အဖွဲ့အစည်းဟာ ဟိုးအရင်ကတည်းက ရှိခဲ့ပေမယ့် ၁၉၈၀ ပြည့်နှစ်တွေအတွင်း မန္တလေးမြို့လယ်ကောင် မီးအကြီးအကျယ် လောင်ခဲ့ပြီးတဲ့နောက် လွတ်နေတဲ့ မြေတွေကို နောက်ဝင်တရုတ်တွေက ဈေးပေါပေါနဲ့ သိမ်းကြုံး ၀ယ်ယူခဲ့ကြပါတယ်။ ကမ္ဘာ့အသိုင်းအ၀ိုင်းရဲ့ ဖယ်ကျဉ်မှုကိုခံထားရတဲ့ မြန်မာနိုင်ငံဟာ ၁၉၉၉၀ ပြည့်နှစ်တွေမှာ စီးပွားရေးဖွင့်ပေးတဲ့အချိန် အိမ်ယာလုပ်ငန်းအတွက် အစိုးရကပေးတဲ့ အတိုးနည်းချေးငွေကို တရုတ်လုပ်ငန်းရှင်တွေက ရယူကာ နိုင်ငံရဲ့ အိမ်ယာလုပ်ငန်းမှာ ရင်းနှီးမြှုပ်နှံခဲ့ကြပါတယ်။ တစ်ချို့ တရုတ်လုပ်ငန်းရှင်တွေကလည်း ကျောက်စိမ်းကုန်သွယ်မှုနဲ့ မူးယစ်ဆေးဝါးလို မှောင်ခိုလုပ်ငန်းတွေမှာ ပါဝင်ခဲ့လာခဲ့ကြပါတယ်။

နိုင်ငံခြားသားတွေ အိမ်ပိုင်ဆိုင်တာ၊ အခြားခံစားခွင့်တွေ ခံစားတာမျိုးကို မြန်မာနိုင်ငံက ခွင့်မပြုပေမယ့် ရေတွက်လို့မရတဲ့ တရုတ်လူမျိုးတွေက လ၀ကအရာရှိတွေကို လာဘ်ပေးတာ၊ စာရွက်စာတမ်း အတုလုပ်တာတွေကနေတစ်ဆင့် မြန်မာနိုင်ငံသားအဖြစ်ကို ရယူထားကြတယ်လို့ မြန်မာစီးပွားရေးလုပ်ငန်းရှင်တွေနဲ့ ဂျာန
ယ်လစ်တွေက ပြောပါတယ်။

ရလဒ်အနေနဲ့ အိမ်ခြံမြေဈေးတွေ အဆမတန် မြင့်တက်လာခဲ့ပြီး ဒေသခံတွေ မြို့ပြင်ပြောင်းရတဲ့အထိ ဖြစ်ခဲ့ပါတယ်။

“ဥပဒတွေမပြဌာန်းနိုင်ဘူး၊ လူဝင်မှုကို ထိထိရောက်ရောက် အရေးမယူနိုင်ဘူးဆိုရင် သူတို့အတွက် အဆင်ပြေတဲ့ ဒီမြို့ကို တရုတ်လူမျိုးတွေ အုံနဲ့ကျင်းနဲ့ ၀င်လာနေတာ ဆက်မြင်ရအုံးမှာပါ” လို့ သကြားကုမ္ပဏီကြီးတစ်ခုရဲ့ အကြီးအကဲလည်းဖြစ်တဲ့ ဦးဝင်းဌေးက ပြောပါတယ်။

မြန်မာနိုင်ငံမှာ မျိုးဆက်များစွာ နေထိုင်ခဲ့ပေမယ့် နိုင်ငံသားဖြစ်ခွင့် ငြင်းပယ်ခံရပြီး လက်တလော ဒုက္ခသည်ဘ၀နဲ့ ဒုက္ခသုက္ခတွေကို ခါးစီးခံနေရတဲ့ ရိုဟင်ဂျာတွေနဲ့ ဆန့်ကျင်ဖက်ဆိုသလို တရုတ်တွေကတော့ နိုင်ငံသားဖြစ်ခွင့်ကို လွယ်လွယ်ကူကူပဲ တရားမ၀င် ရရှိနေပါတယ်။

မန္တလေးမှာ တရုတ်တွေတည်ရှိမှုနဲ့ပတ်သက်ပြီး တစ်ချို့တွေမှာ မျှတတဲ့အမြင်မျိုး ရှိပါတယ်။ မြို့လူဦးရေ ၁.၂ သန်းရဲ့ ၅၀ ရာခိုင်နှုန်းလောက်အထိရှိတယ်လို့ ဆိုကြပေမယ့် အထောက်အထားမရှိသူ တော်တော်များရှိနေတာ၊အုတ်ရောရောကျောက်ရောရောဖြစ်နေတဲ့ တရုတ်လူမျိုးတွေကို ဘယ်လိုစစ်ထုတ်တွက်ချက်မလဲဆိုတဲ့ ကိစ္စတွေကြောင့် ဒီခန့်မှန်းမှုဟာ မသေချာပါဘူး။

“ချက်မြှုပ်တစ်ယောက်အနေနဲ့ တရုတ်တွေကြောင့် မန္တလေးမြို့ကြီး ပြောင်းလဲသွားပြီဆိုတဲ့ကိစ္စအပေါ် ကျွန်တော်က သိပ်တော့ မစိုးရိမ်ပါဘူး။ ကမ္ဘာကြီးဟာ ရွာကြီးဖြစ်လာနေတာပါ” လို့ တော်ဝင်ထွန်းသစ္စာကုမ္ပဏီရဲ့ မန်းနေးဂျင်းဒါရိုက်တာ ဦးတင်မောင်က ပြောကြားခဲ့ပါတယ်။

“လူမျိုးဆိုတာ တစ်ချိန်လုံး ရောနှောနေပြီး အရေးကြီးတာက တိုင်းပြည်အပေါ် သစ္စာစောင့်သိမှုပါ”

မန္တလေးနဲ့ မြန်မာနိုင်ငံမှာ တရုတ်တွေများလာတာဟာ အရှေ့တောင်အာရှနဲ့ တရုတ်နိုင်ငံအကြား ကောင်းမွန်တဲ့ဆက်ဆံရေး ခိုင်မာလာမှုရဲ့ ဖြစ်ရိုးဖြစ်စဉ် နောက်ဆက်တွဲတစ်ခု ဖြစ်တယ်လို့ ယူနန်တက္ကသိုလ်က မြန်မာ့ရေးရာလေ့လာမှုအင်စတီကျုရဲ့ လက်ထောက်ပရော်ဖက်ဆာ ဇူရှန်ဟွေက ပြောပါတယ်။

တိုင်းပြည်ဟာ တရုတ်နယ်ချဲ့ဝါဒရဲ့ ခြိမ်းခြောက်မှုအောက်ကို ရောက်နေပြီလို့ မြန်မာအမျိုးသားရေးဝါဒီတွေရဲ့ စိုးရိမ်မှုဟာ ‘ဆင်းရဲတဲ့နိုင်ငံတစ်ခုက ချဲ့ကားပြောဆိုမှုသာဖြစ်တယ်’ လို့လည်း သူက ဆိုပါတယ်။

တရားမ၀င်ပြောင်းရွှေ့ဝင်ရောက်လာမှုနဲ့ ပတ်သက်တဲ့ မေးခွန်းကိုတော့ သူက ယူနန် နိုင်ငံခြားရေးရုံးဟာ ‘နိုင်ငံခြားသွားမယ့်သူတွေအနေနဲ့ အဲဒီနိုင်ငံရဲ့ ဥပဒေတွေ၊ ဓလေ့ထုံးတမ်းတွေကို လိုက်နာဖို့ အမြဲတမ်း တိုက်တွန်းတယ်’ လို့ ဇူရှန်ဟွေက ပြန်လည်ဖြေကြားခဲ့ပါတယ်။

ဒေသတွင်း တရုတ်တွေ ပြောင်းရွှေ့အခြေချမှုအချို့ဟာ တရုတ်အစိုးရရဲ့ ပေါ်လစီကြောင့် ဖြစ်ပေမယ့်၊ အရင်ဝင်ရောက်လာသူတွေက တရုတ်နိုင်ငံ ဒေသတစ်ခုမှာ ကျန်ခဲ့တဲ့ သူတို့လူစု၊ ဒါမှမဟုတ် သူတို့လူမျိုးငယ်တွေကို အကူအညီပေးကာ အုပ်စုလိုက် နိုင်ငံခြားကိုခေါ်သွင်းတဲ့ ‘ဂွမ်ရှီ’ လို့ခေါ်တဲ့ ကွန်ယက်တွေကနေတစ်ဆင့် တစ်ချို့တွေက ၀င်လာကြတာ ဖြစ်ပါတယ်။ အဲဒီကွန်ယက်တွေဟာ သူတို့နောက်က လိုက်လာမယ့်သူတွေ တိုင်းတစ်ပါးရပ်ဝန်းမှာ လွယ်ကူချောမွေ့စေဖို့ ကူညီပေးကြပါတယ်။

တစ်ချို့တွေကတော့ တရုတ်နိုင်ငံပြင်ပမှာ ပိုမိုကောင်းမွန်ပြီး လွတ်လပ်တဲ့ ဘ၀ကို ရှာဖွေချင်လို့ လာရောက်ကြတာ ဖြစ်ပါတယ်။

ချင်းမိုင်မှာ အခြေတကျနေထိုင်နေတဲ့ ဆရာရေးဆရာမ၊ သဘာဝပတ်ဝန်းကျင်ဆိုင်ရာ တက်ကြွလှုပ်ရှားသူ ဒိုင်ကျင်းက ထိုင်းနိုင်ငံမှာ အင်တာနက်ဆင်ဆာမရှိတာ၊ အစားအသောက် သန့်ရှင်းတာ၊ ဖော်ရွေပြီး ငြိမ်းချမ်းတဲ့ ဒေသခံတွေနဲ့ နေထိုင်ရတာတွေကို နှစ်သက်တယ်လို့ ဆိုပါတယ်။ ဒေသခံတွေကိုလည်း သူမက ကူညီပေးနေပါတယ်။

ချင်းမိုင်မြို့ပြင်က ကျေးလက်ဒေသမှာ နေထိုင်နေတဲ့ ဒိုင်က ထိုင်းလူမျိုးတွေဟာ တရုတ်လူမျိုးအပေါ် မနှစ်မြို့တာမျိုး မရှိဘူးလို့လည်း ပြောပတယ်။

“ဒါပေမယ့် ကျွန်မ ဟိုဒီသွားတဲ့အခါ ယဉ်ကျေးမှုမရှိဘဲ ရိုင်းစိုင်းတဲ့၊ လူ့ကျင့်ဝတ်မသိတဲ့ တရုတ်တွေကိုလည်း တွေ့ဖူးပါတယ်။ အဲဒီလူတွေအတွက် ကျွန်မ ရှက်မိပါတယ်။ တရုတ်နိုင်ငံ အမှန်တကယ် ခေတ်မီတိုးတက်လာဖို့က ကြာအုံးမှာပါ”
တရုတ်နိုင်ငံကတော့ သူ့နိုင်ငံသားတွေ နိုင်ငံရပ်ခြားကို သွားရောက်ဖို့အတွက် တိုက်တွန်းနေပြီး တော်တော်များများက သူတို့ဖြစ်ချင်တဲ့အရာနောက်ကို လိုက်ကြတာ သဘာဝပါပဲလို့ ချင်းမိုင်တက္ကသိုလ်က မနုဿဗေဒပညာရှင် Aranya Siriphon က ပြောပါတယ်။

“ကျွန်တော်တို့လူသားတွေက ဒီလိုပဲ လုပ်နေကြတာဗျ။ ဒါပေမယ့် ဒီရည်မှန်းချက်အိပ်မက်တွေရဲ့ မကောင်းတဲ့ အစိတ်အပိုင်းတွေကိုတော့ စီမံထိန်းကြောင်းနိုင်ရမှာပေ့ါလေ”

Ref: AP

(AP သတင်းဌာနက ဖော်ပြသည့် Chinese influx transforming Myanmar’s quintessential city ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)